“وسطی ایشیا سے محبت” 2025 – چائنا میڈیا گروپ کے اعلی معیار کے فلم اور ٹیلی ویژن پروگراموں کی نشریات و نمائش کا آستانہ میں آغاز
اشاعت کی تاریخ: 13th, June 2025 GMT
“وسطی ایشیا سے محبت” 2025 – چائنا میڈیا گروپ کے اعلی معیار کے فلم اور ٹیلی ویژن پروگراموں کی نشریات و نمائش کا آستانہ میں آغاز WhatsAppFacebookTwitter 0 13 June, 2025 سب نیوز
بیجنگ: چینی صدر شی جن پھنگ کے دوسرے چین وسطی ایشیا سربراہ اجلاس میں شرکت کے موقع پر “وسطی ایشیا سے محبت” 2025 ، چائنا میڈیا گروپ کے اعلی معیار کے فلم اور ٹیلی ویژن پروگراموں کی نمائش اور نشریاتی سرگرمی کا آستانہ میں آغاز کیا گیا۔ “شی جن پھنگ کا ثقافتی رشتہ” اور “دی روڈ ٹو چائنیز ماڈرنائزیشن” اور دیگر 12 اعلی معیار کے فلم اور ٹیلی ویژن پروگراموں کو قازقستان، کرغزستان، تاجکستان، ترکمانستان اور ازبکستان کے مین اسٹریم میڈیا میں نشر کیا جا رہا ہے۔ سی پی سی سینٹرل کمیٹی کے محکمہ تشہیر کے نائب سربراہ اور چائنا میڈیا گروپ کے صدر شن ہائی شیونگ نے ایک ویڈیو تقریر میں کہا کہ چائنا میڈیا گروپ اور وسطی ایشیائی ممالک کے میڈیا کی جانب سے مشترکہ طور پر منعقد کی جانے والی پروگراموں کی نمائش و نشریات چین وسطی ایشیا سمٹ 2023 کے نتائج پر عمل درآمد کو فروغ دینے اور چین اور وسطی ایشیا کے درمیان افرادی و ثقافتی تبادلے اور عوام کے درمیان دوستی کو گہرا کرنے کے لئے ایک مثبت اقدام ہے، تاکہ وسطی ایشیائی ناظرین چین کے عوام کی گرمجوشی اور دوستی کو محسوس کرسکیں۔
اطلاع کے مطابق “دی روڈ ٹو چائنیز ماڈرنائزیشن”، ” پہاڑوں اور دریاؤں کی دوستی”، “چینی باغات”، “چیریشڈ لینڈ” اور دیگر اعلی معیار کے فلمی اور ٹیلی ویژن پروگراموں کی نشریات کا آغاز وسطی ایشیائی ممالک کے بہت سے مین اسٹریم میڈیا پلیٹ فارمز جیسے قازقستان کے اتامیکن ٹی وی، کرغستان نیشنل ٹیلی ویژن، تاجکستان کے شینامو ٹی وی وغیرہ پر ہو چکا ہے اور یہ نشریاتی سرگرمیاں اس سال ستمبر کے آخر تک جاری رہیں گی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبربھارت کی جانب سے آئی ایم ایف فنڈنگ روکنے کی ایک اور کوشش ناکام ایران پر اسرائیلی حملے: پی آئی اے نے فلائٹ پلان تبدیل کردیا چائنا میڈیا گروپ کے سماجی اور تعلیمی پروگرام مرکز کی جانب سے بہترین پروگراموں کی نئی فہرست جاری ہمیں کامریڈ چھن یوئن کی بھرپور قیادت کے تجربے سے سیکھنا ہوگا، چینی صدر چین امریکہ اقتصادی تعلقات کو مستحکم کرنے کے لیے ایک ہی سمت میں اتفاق رائے پر عمل درآمد کرنا ضروری ہے، چینی میڈیا چین اور یورپی یونین کو کثیر الجہتی طور پر قریبی تعاون کرنا چاہئے ، چینی وزیر اعظم پاکستان میں صرف 5 فیصد افراد نے ٹیکس دینا ہے وہ بھی نہیں دے رہے، چیئرمین ایف بی آرCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: اعلی معیار کے فلم اور ٹیلی ویژن پروگراموں چائنا میڈیا گروپ کے وسطی ایشیا
پڑھیں:
اسرائیلی حملہ کھلی دہشت گردی ہے ، عالمی طاقتیں مشرق وسطیٰ میں امن اور استحکام کیلئے د ہرا معیار ترک کر دیں، سینیٹر عرفان صدیقی
اسلام آباد (اُردو پوائنٹ اخبارتازہ ترین - اے پی پی۔ 13 جون2025ء) سینیٹ میں پاکستان مسلم لیگ (ن) کے پارلیمانی لیڈر سینیٹر عرفان صدیقی نے ایران پر اسرائیل کے حملے کی شدید الفاظ میں مذمت کرتے ہوئے کہا ہے کہ اسرائیلی حملہ کھلی دہشت گردی ہے، عالمی برادری کو اسے نظر انداز نہیں کرنا چاہئے، عالمی طاقتیں مشرق وسطیٰ میں امن اور استحکام کیلئے دوہرا معیار ترک کر دیں، ملک کو موجودہ بحرانوں میں دھکیلنے والے اب تنقید کر کے خود کو بری الذمہ قرار نہیں دے سکتے، پی ٹی آئی نے آئی ایم ایف کو خط لکھ کر پاکستان کو قرض دینے سے روکا۔ جمعہ کو ایوان بالا میں آئندہ مالی سال کے بجٹ پر بحث میں حصہ لیتے ہوئے پاکستان مسلم لیگ (ن) اور پوری قوم ایران کے عوام اور قیادت کے ساتھ مکمل یکجہتی کا اظہار کرتی ہے۔(جاری ہے)
انہوں نے عالمی طاقتوں پر زور دیا کہ وہ مشرقِ وسطی میں امن و استحکام کے قیام کے لئے دہرے معیار کو ترک کردیں۔نوازشریف کی قیادت کا حوالہ دیتے ہوئے عرفان صدیقی نے کہا کہ نواز شریف نے آئی ایم ایف کو الوداع کہا اور پاکستان میں اندھیروں کو ختم کیا۔
تحریک انصاف (پی ٹی آئی) پر تنقید کرتے ہوئے انہوں نے کہا کہ پی ٹی آئی کی بوئی ہوئی تلخ فصل ہمیں برسوں کاٹنی پڑے گی۔ سیاسی عدم استحکام پر تبصرہ کرتے ہوئے سینیٹر عرفان صدیقی نے کہاکہ ایک کو ہٹانے اور دوسرے کو لانے کے لیے ملک کو کھائی میں دھکیلا گیا۔چلتا ہوا ملک ایک سوچے سمجھے منصوبے کے تحت تباہ کیا گیا۔ انہوں نے تمام سیاسی قوتوں پر زور دیا کہ وہ ذاتی مفادات سے بالاتر ہو کر ملکی مفاد میں فیصلے کریں۔ سینیٹر عرفان الحق صدیقی نے پاکستان تحریک انصاف (پی ٹی آئی) کی گزشتہ حکومت پر شدید تنقید کرتے ہوئے کہا ہے کہ پی ٹی آئی نے ایک ترقی پذیر ملک کو معاشی و سیاسی ابتری کی جانب دھکیل دیا۔ انہوں نے کہا کہ ملک کو موجودہ بحرانوں میں دھکیلنے والے اب تنقید کر کے خود کو بری الذمہ قرار نہیں دے سکتے۔سینیٹر عرفان صدیقی نے کہا کہ کیا یہ بے روزگاری اور مہنگائی ایک دن میں ہوئی؟ یہ اس اپوزیشن کی بوئی ہوئی کھیتی ہے، جس کی تلخ فصل آج ہم کاٹ رہے ہیں۔انہوں نے کہا کہ ن لیگ کے دور حکومت میں معیشت کو بہتری کی جانب گامزن کیا گیا۔ جی ڈی پی 3.9 فیصد سے 5.9 فیصد تک پہنچی، فی کس آمدن میں اضافہ ہوا اور مہنگائی کو کنٹرول میں رکھا گیا۔ اس کے برعکس، پی ٹی آئی نے اپنے ساڑھے تین سالہ دور میں معیشت کو بدترین سطح پر پہنچایا، قرضوں میں تاریخی اضافہ کیا، اور چار وزرائے خزانہ تبدیل کیے۔ انہوں نے کہا کہ پی ٹی آئی نے کبھی کوئی میگا پراجیکٹ، نئی یونیورسٹی یا ڈیم تعمیر نہیں کیا۔ محض کھوکھلے دعوے اور الزامات ان کا وطیرہ رہا۔انہوں نے اس امر پر بھی افسوس کا اظہار کیا کہ پی ٹی آئی نے آئی ایم ایف کو خط لکھ کر پاکستان کو قرض دینے سے روکا، جو کسی بھی محب وطن کے شایانِ شان نہیں ۔سینیٹر عرفان صدیقی نے زور دے کر کہا کہ جب ملک کو استحکام کی ضرورت تھی، پی ٹی آئی نے افراتفری پھیلائی۔ بیرون ملک پاکستانیوں نے ان کی کال مسترد کرتے ہوئے ریکارڈ 33 ارب ڈالر بھجوائے۔انہوں نے صدر عارف علوی اور قاسم سوری کی آئین شکنی کی بھی مذمت کی اور کہا کہ ان کے اقدامات نے آئینی روایات کو مجروح کیا۔ سینیٹر عرفان صدیقی نے کہا کہ ہم نے کبھی اپوزیشن کو دشمن نہیں سمجھا، ان کی تنقید کو قابل احترام سمجھتے ہیں اور یہی جمہوری رویہ ہے۔
نہیں لگتا کہ پی ٹی آئی کی کوئی تحریک کامیاب ہوگی:شرجیل میمن