ایران پر اسرائیل کا حملہ بین الاقوامی قوانین کی خلاف ورزی ہے، بنگلہ دیش
اشاعت کی تاریخ: 13th, June 2025 GMT
بنگلہ دیش کی حکومت نے اسلامی جمہوریہ ایران پر اسرائیل کے تازہ ترین فوجی حملوں کی شدید مذمت کرتے ہوئے ان حملوں کو ظالمانہ اقدام اور بین الاقوامی قوانین کی خلاف ورزی قرار دے دیا۔
یہ بھی پڑھیں: اسرائیل کا ایران کی جوہری تنصیبات پر فضائی حملہ، کن مقامات کو ہدف بنایا گیا؟
جمعے کے روز وزارت خارجہ کی طرف سے جاری کردہ ایک سرکاری بیان میں بنگلہ دیش نے پیش رفت پر گہری تشویش کا اظہار کرتے ہوئے خبردار کیا کہ اس طرح کی جارحیت علاقائی اور عالمی امن و سلامتی کو خطرے میں ڈال دے گی جس کے ممکنہ طور پر دور رس نتائج ہوں گے۔
بیان میں کہا گیا ہے کہ دشمنی کا یہ صریح اقدام اقوام متحدہ کے چارٹر اور بین الاقوامی قانون کے بنیادی اصولوں کے ساتھ ساتھ ایران کی خودمختاری کی صریح خلاف ورزی ہے۔
بنگلہ دیش نے فریقوں پر زور دیا کہ وہ زیادہ سے زیادہ تحمل کا مظاہرہ کریں اور ایسے اقدامات سے گریز کریں جو پہلے سے ہی عدم استحکام کا شکار مشرق وسطیٰ میں کشیدگی کو مزید ہوا دے سکتے ہیں۔
مزید پڑھیے: ایران پر اسرائیلی حملہ: فریقین تحمل کا مظاہرہ کریں، سیکریٹری جنرل اقوام متحدہ
حکومت نے اقوام متحدہ اور وسیع تر عالمی برادری سے بھی مطالبہ کیا کہ وہ خطے میں امن و استحکام کی حمایت میں مربوط کارروائی کریں۔
“بنگلہ دیش اس بات پر زور دیتا ہے کہ پائیدار امن کے حصول کے لیے سفارت کاری اور باہمی احترام ہی واحد قابل عمل راستہ ہے”۔
جماعت اسلامی کی جانب سے اسرائیلی حملوں کی شدید مذمتبنگلہ دیش جماعت اسلامی کے سیکریٹری جنرل اور سابق رکن پارلیمنٹ پروفیسر میاں غلام پرور نے جمعے کے روز تعزیتی بیان جاری کرتے ہوئے ایران میں اسرائیلی فضائی حملوں کی شدید مذمت کی جس میں سپاہ پاسداران انقلاب اسلامی اور مسلح افواج کے سربراہان سمیت متعدد جوہری سائنسدان شہید ہوئے۔ انہوں نے افسوسناک جانوں کے ضیاع پر گہرے دکھ کا اظہار کیا۔
مزید پڑھیں: جب تک خطرہ ختم نہ ہو جائے، ایران پر حملے جاری رہیں گے: اسرائیل
اپنے بیان میں انہوں نے کہا کہ 13 جون بروز جمعہ مقامی وقت کے مطابق صبح 4 بجے کے قریب اسرائیلی فوج نے ایرانی دارالحکومت تہران میں بیلسٹک میزائل فیکٹریوں سمیت اہم جوہری اور فوجی مقامات پر تباہ کن فضائی حملوں کا سلسلہ شروع کیا۔
انہوں نے کہا کہ میں ان حملوں میں شہید ہونے والے تمام افراد کی المناک موت پر گہرے دکھ کا اظہار کرتا ہوں۔
یہ بھی پڑھیے: اسرائیلی جارحیت پر ایران کا انتباہ: ‘صیہونی حکومت کو بھاری قیمت چکانا ہوگی’
انہوں نے مزید کہا کہ میں مرحوم کی ارواح کی مغفرت اور اللہ تعالیٰ سے دعا کرتا ہوں کہ وہ انہیں شہدا کے طور پر قبول فرمائے، اللہ تعالیٰ ان کے تمام اعمال صالحہ کو قبول فرمائے، انہیں جنت الفردوس میں اعلیٰ مقام عطا فرمائے اور ان کے غمزدہ خاندانوں، عزیزوں اور ساتھیوں کو صبر و استقامت عطا فرمائے، آمین۔
مزید پڑھیے: اسرائیل کا ایران پر حملہ، ایرانی سپریم لیڈر کا خطرناک بیان
پروفیسر غلام پرور نے کہا کہ ہمیں امید ہے کہ ایران کی حکومت اور عوام جلد ہی اس عظیم نقصان پر قابو پالیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل ایران ایران پر اسرائیل کا حملہ بنگلہ دیش بنگلہ دیش کی مذمت جماعت اسلامی بنگلہ دیش کی مذمت.ذریعہ: WE News
کلیدی لفظ: اسرائیل ایران ایران پر اسرائیل کا حملہ بنگلہ دیش بنگلہ دیش کی مذمت جماعت اسلامی بنگلہ دیش کی مذمت ایران پر اسرائیل اسرائیل کا بنگلہ دیش انہوں نے کہا کہ
پڑھیں:
کراچی میں 6 روز کے دوران ٹریفک قوانین کیخلاف ورزی پر 26 ہزار سے زائد ای چالان کٹ گئے
کراچی میں ٹریفک قوانین کی خلاف ورزی پر 6 روز میں 26 ہزار 155 سے زائد ای چالان کردیے گئے۔
ایکسپریس نیوز کے مطابق کراچی ٹریفک پولیس نے ٹریفک قوانین کی خلاف ورزیوں پر 24 گھنٹوں کے دوران مزید 3283 الیکٹرانک چالان جاری کردیئے جبکہ گزشتہ6 روزکے دوران جاری کیے جانے والے ای چالان کی تعداد26ہزار155 سے تجاوزکرگئی،
تفصیلات کے مطابق ٹریفک پولیس کراچی نے جدید وخود کارفیس لیس ای ٹکٹکںگ نظام کے تحت ٹریفک قوانین کی خلاف ورزیوں پر 24 گھنٹوں میں مزید 3283 الیکٹرانک چالان جاری کیے۔
ٹریفک پولیس کے مطابق جمعے کی شب 12 بجے سے ہفتے کی شب 12 بجے تک سیٹ بیلٹ نہ باندھنے پر 1992 ای چالان، بغیرہیلمنٹ موٹر سائیکل چلانے پر 761، ریڈ لائٹ کی خلاف ورزی پر 119، موبائل فون کے استعمال پر 87، اوور اسپیڈنگ پر 104 ای چالان کیے گئے۔
ٹریفک پولیس کے مطابق کالے شیشوں پر 71 ای چالان، نوپارکنگ پر 26، رانگ وے پر 14، اوور لوڈنگ پر 2 اوربیجا لوڈ پر 10ای چالان جاری کیے گئے ہیں۔
اس کے علاوہ مسافروں کو بسوں کی چھت ہر بیٹھانے پر 58، اسٹاپ لائن کیخلاف ورزی پر28 اور ون وے اسٹریٹ پر رانگ پر 2 ای چالان جاری کیے گئے جبکہ ٹیکس کی عدم ادائیگی اور فینسی نمبر پلیٹس پر ایک بھی ای چالان جاری نہیں ہوا۔
ترجمان ٹریفک پولیس کے مطابق یہ نظام شہریوں میں ٹریفک قوانین کی پاسداری کو یقینی بنانے اورمؤثرنگرانی کے لیے ایک اہم سنگ میل ہے اورعوامی تعاون سے یہ نظام مزید بہتر بنایا جا رہا ہے۔
ترجمان ٹریفک پولیس نے کہا کہ شہریوں سے اپیل ہے کہ ٹریفک قوانین کی مکمل پاسداری کریں تاکہ شہر میں ٹریفک کا نظام بہتر ہو اور حادثات میں کمی لائی جا سکے۔
افغانستان دہشت گردوں کو پاکستان پر حملوں سے نہیں روک سکتا تو کیسا بھائی چارہ، طاہر اشرفی