مودی ، حسینہ گٹھ جوڑ انتشاری ہے ،چیف ایڈوائز محمد یونس کی تنقید
اشاعت کی تاریخ: 13th, June 2025 GMT
data-id="863a0a8" data-element_type="widget" data-widget_type="theme-post-content.default">
ڈھاکا(آن لائن) بنگلہ دیش میں جاری سیاسی بحران پر بھارت کے کردار پر شدید تحفظات کا اظہار کیا جا رہا ہے، جہاں وزیر اعظم نریندر مودی اور بنگلا دیشی رہنما شیخ حسینہ واجد کے مبینہ گٹھ جوڑ کو خطے میں بے امنی اور سیاسی انتشار کا ذمہ دار قرار دیا جا رہا ہے۔بنگلہ دیش کے چیف ایڈوائزر محمد یونس نے ایک حالیہ انٹرویو میں نریندر مودی پر سخت تنقید کرتے ہوئے کہا کہ وہ بحران کے دوران غیر ذمہ دارانہ اور اشتعال انگیز رویے کا مظاہرہ کرتے رہے۔ انہوں نے کہا کہ مودی کی سوچی سمجھی سازش کو شیخ حسینہ واجد نے مکمل طور پر عملی جامہ پہنایا، جس کے نتیجے میں نہ صرف بنگلہ دیش بلکہ پورا خطہ سیاسی اور سماجی عدم استحکام کا شکار ہوا۔ انہوں نے انکشاف کیا کہ انہوں نے ذاتی طور پر مودی سے رابطہ کر کے بنگلہ دیش میں نفرت انگیز آن لائن مہمات کو روکنے کی اپیل کی، لیکن بھارتی وزیر اعظم نے انتہائی غیر سنجیدہ رویہ اپناتے ہوئے جواب دیا یہ سوشل میڈیا ہے، ہم اسے کنٹرول نہیں کر سکتے۔ انہوں نے کہا مودی کا یہ جواب دراصل ایک دھماکا خیز صورتحال سے جان چھڑانے کی کوشش تھی۔ انہوں نے مزید کہا کہ بھارت نے مسلسل کئی مہینوں تک بنگلہ دیش میں جاری مظالم اور انسانی حقوق کی خلاف ورزیوں پر خاموشی اختیار کیے رکھی، جو نہ صرف قابل افسوس بلکہ خطرناک رجحان ہے۔ انہوں نے کہا جب بنگلہ دیش ایک نازک دور سے گزر رہا تھا، بھارت کی جانب سے کوئی مؤثر سفارتی اقدام دیکھنے میں نہیں آیا۔
.
ذریعہ
ذریعہ: Jasarat News
پڑھیں:
ایڈیشنل ایڈووکیٹ جنرل خیبر پختونخوا اپنے عہدے سے مستعفی
محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ اسلام ٹائمز۔ ایڈیشنل ایڈووکیٹ جنرل خیبرپختونخوا محمد انعام یوسفزئی نے استعفا دے دیا۔ محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ مستعفی ہونے والے ایڈیشنل ایڈووکیٹ جنرل کا کہنا تھا کہ وزیر قانون اور سیکرٹری قانون کا شکریہ ادا کرتا ہوں۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم