’’حق دو بلوچستان مارچ‘‘ لاہور پہنچ گیا: شرکاء کا جدوجہد جاری رکھنے کا عزم
اشاعت کی تاریخ: 29th, July 2025 GMT
ملتان‘ لاہور (سپیشل رپورٹر+ خصوصی نامہ نگار+نوائے وقت رپورٹ) حق دو بلوچستان مارچ گزشتہ صبح 9 بجے ملتان سے لاہور کی جانب روانہ ہوا۔ ٹھوکر نیاز بیگ آمد پر استقبال کیا گیا۔ ہدایت الرحمن بلوچ ممبر صوبائی اسمبلی بلوچستان و امیر جماعت اسلامی بلوچستان نے بلوچستان کے عوام کے جائز حقوق کی جد وجہد کو ہر صورت جاری رکھنے کے عزم کا اعادہ کیا۔ امیر جماعت اسلامی پنجاب وسطی محمد جاوید قصوری نے حکومت کی تمام تر رکاوٹوں اور اوچھے ہتھکنڈوں کے باوجود ''حق دو بلوچستان کو لانگ مارچ '' کی ساہیوال آمد پر خیر مقدم کرتے ہوئے کہا ہے کہ مولانا ہدایت الرحمان کا قافلہ بلوچستان کے عوام کو درپیش مسائل کی خاطر ہے۔ حکمران ہمارے راستے میں رکاوٹیں کھڑی کرنے کی بجائے بلوچ عوام کو درپیش مسائل کے حل پر توجہ دیں۔ جماعت اسلامی کا ’’حق دو بلوچستان کو‘‘ لانگ مارچ لاہور پہنچ گیا۔ ٹھوکر نیاز بیگ پر جماعت اسلامی کے لانگ مارچ کا بڑا شاندار استقبال کیا گیا۔ نائب امیر جماعت اسلامی لیاقت بلوچ نے لانگ مارچ کے شرکاء سے خطاب کرتے کہا کہ بلوچستان سے اٹھنے والی یہ آواز پاکستان کے کونے کونے تک پہنچے گی۔ حکمرانو! یہ پارلیمانی جدوجہد ہے اس کی آواز کو سنو۔ بلوچستان کے قائدین کو باور کرانا چاہتا ہوں ان کے مطالبات جائز ہیں۔ قبل ازیں ملتان سے آتے راستے میں متعدد مقامات پر مارچ کو رکاوٹیں لگا کر روکنے کی کوشش کی گئی۔
.ذریعہ: Nawaiwaqt
کلیدی لفظ: حق دو بلوچستان جماعت اسلامی لانگ مارچ
پڑھیں:
صحت معالجہ حکومت کی ذمہ داری ؛ حکومت نئے ادارے بنانے کی بجائے نجکاری کررہی ؛امیرالعظیم
ابراہیم قریشی : شاہ پور کانجراں میں جماعت اسلامی پی پی 167 کے زیر انتظام ممبرز کنونشن ہوا ،کنونشن کی صدارت امیر جماعت اسلامی لاہور ضیاء الدین انصاری نے کی
سیکرٹری جنرل جماعت اسلامی پاکستان امیر العظیم بھی کانفرنس میں شریک ہوئے ، امیر جماعت اسلامی لاہور غربی سید علی ارتضیٰ حسنی بھی خصوصی شریک ہوئے ،صدر سیاسی کمیٹی ضلع غربی میاں ظہور احمد وٹو بھی موجود تھے ، امیر پی پی 167 چوہدری عبد القیوم گجر سمیت دیگر نے شرکت کی،امیر العظیم کی جانب سے علاقے کی نو منتخب کمیٹیوں سے حلف لیا گیا
اے سی شالیمار اور پیرافورس پرمسلح لینڈمافیاکاحملہ ؛ پولیس نے دو ملزم گرفتار کرلیے
جماعت اسلامی پاکستان کے سیکرٹری جنرل امیر العظیم نے کہا صحت معالجہ حکومت کی ذمہ داری ہے، حکومت سرکاری اداروں کی بھی نجکاری کررہی ہے۔جماعت اسلامی کا ساتھ دیں اسلامی انقلاب مقدر ہوگا،جماعت اسلامی غریب و بے بسوں کے حقوق کے لیے ہمیشہ کوشاں رہی ہے،تمام کی جانب سے علاقائی مسائل کو بھی اجاگر کیا گیا،حکومت نئے ادارے بنانے کی بجائے پرانوں کی بھی نجکاری کررہی ہے۔
ضیاء الدین انصاری و علی ارتضی حسنی سمیت دیگر عہدیداروں نے خصوصی خطاب کیا، ضیاالدین انصاری نے کہا جماعت اسلامی مورثی سیاست نہیں کرتی، جماعت اسلامی فلاح و بہبود کے لحاظ سے اپنی مثال آپ ہے،ہم حلقہ و پورے لاہور میں ہر دم عوامی خدمت کے لیے کوشاں ہیں ۔
چیٹ جی پی ٹی سے احتیاط ؛ اوپن اے آئی کے چیف ایگزیکٹو سام آلٹمین نے اہم مشورہ دے دیا
کنونشن کے بعد جماعت اسلامی نے احتجاجی ریلی بھی نکالی
ایک دن کشمیر میں آزادی کی اذان ضرور گونجے گی، مشعال ملک