ایران میں فوجی عہدوں پر بڑی تبدیلی
اشاعت کی تاریخ: 13th, June 2025 GMT
data-id="863a0a8" data-element_type="widget" data-widget_type="theme-post-content.default">
تہران: اسرائیلی حملے میں اعلیٰ فوجی افسران کی شہادت کے بعد ایران نے فوجی قیادت میں بڑی تبدیلیاں کرتے ہوئے نئے چیف آف اسٹاف اور پاسدارانِ انقلاب کے کمانڈر انچیف کا تقرر کر دیا۔
تفصیلات کے مطابق، ایران کے سپریم لیڈر آیت اللہ علی خامنہ ای نے اسرائیلی فضائی حملوں میں اہم فوجی رہنماؤں کی شہادت کے بعد فوجی قیادت کی نئی تعیناتیاں کر دی ہیں۔
مہر خبررساں ایجنسی کے مطابق:
میجر جنرل عبدالرحیم موسوی کو ایرانی مسلح افواج کا نیا چیف آف اسٹاف مقرر کر دیا گیا ہے۔ وہ شہید ہونے والے جنرل محمد حسین باقری کی جگہ لیں گے۔
بریگیڈیئر جنرل محمد پاکپور کو پاسدارانِ انقلاب (IRGC) کا نیا کمانڈر انچیف مقرر کیا گیا ہے۔ وہ میجر جنرل حسین سلامی کی جگہ ذمہ داریاں سنبھالیں گے، جو اسرائیلی حملے میں شہید ہوئے۔
میجر جنرل علی شادمانی کو خاتم الانبیاء ہیڈ کوارٹر کا نیا کمانڈر مقرر کیا گیا ہے، وہ جنرل غلام علی راشد کے جانشین ہوں گے جو اسی حملے میں شہید ہوئے۔
یہ تقرریاں ایک ایسے وقت میں کی گئی ہیں جب ایران اور اسرائیل کے درمیان کشیدگی عروج پر ہے، اور جمعہ کی شب ہونے والے اسرائیلی حملوں کو حالیہ تاریخ کا سب سے خطرناک اور براہِ راست تصادم قرار دیا جا رہا ہے۔
ایرانی قیادت کا مؤقف ہے کہ یہ حملے ان کے خودمختار قومی دفاع پر حملہ ہیں اور ان کا بھرپور جواب دیا جائے گا۔ تازہ عسکری تعیناتیوں کو ایران کی طرف سے مضبوط پیغام اور آئندہ کے ممکنہ ردعمل کی تیاری کے طور پر بھی دیکھا جا رہا ہے۔
.ذریعہ: Jasarat News
پڑھیں:
فلسطینی قیدی پر تشدد کی ویڈیو افشا ہونے کے بعد اسرائیلی فوجی استغاثہ لاپتہ
اسرائیلی چینل 14 نے رپورٹ کیا کہ چیف آف اسٹاف نے انہیں اس شبہے میں عہدے سے ہٹا دیا کہ وہ فلسطینی قیدی پر حملے کی ویڈیو کے افشا میں ملوث تھیں، یہ ویڈیو سدی تیمان حراستی مرکز میں پیش آنے والے واقعے سے متعلق تھی۔ اسلام ٹائمز۔ عبرانی میڈیا نے خبر دی ہے کہ اسرائیلی فوج کی سابق فوجی استغاثہ (پراسیکیوٹر) یفات تومر یرو شالومی لاپتہ ہو گئی ہیں۔ یہ وہی افسر ہیں جنہوں نے حال ہی میں ایک فلسطینی اسیر پر تشدد کی ویڈیو افشا ہونے کے بعد اپنے عہدے سے استعفیٰ دے دیا تھا۔ عبرانی ذرائع ابلاغ کے مطابق یفات تومر یرو شالومی کے لاپتہ ہونے کے بعد اسرائیلی پولیس نے تلاش کی کارروائیاں شروع کر دی ہیں، وہ صبح کے وقت سے غائب ہیں اور ان کی گاڑی تل ابیب کے ساحل کے قریب سے ملی ہے۔
روزنامہ ہارٹز نے پولیس کے ایک ذریعے کے حوالے سے لکھا کہ استغاثہ کی جان کو خطرہ لاحق ہونے کا اندیشہ ہے۔ مزید یہ کہ ان کے گھر سے ایک خودکشی نوٹ بھی ملا ہے۔ اسرائیلی فوج کے ترجمان نے تصدیق کی ہے کہ چیف آف اسٹاف نے حکم دیا ہے کہ لاپتہ استغاثہ کی تلاش کے لیے فوج کے تمام وسائل استعمال کیے جائیں۔ یفات تومر یرو شالومی اسرائیلی فوج کی فوجی استغاثہ کی سربراہ تھیں۔ ان کو حال ہی میں ایال زامیر (چیف آف اسٹاف) کے حکم پر برطرف کر دیا گیا تھا۔
اسرائیلی چینل 14 نے رپورٹ کیا کہ چیف آف اسٹاف نے انہیں اس شبہے میں عہدے سے ہٹا دیا کہ وہ فلسطینی قیدی پر حملے کی ویڈیو کے افشا میں ملوث تھیں، یہ ویڈیو سدی تیمان حراستی مرکز میں پیش آنے والے واقعے سے متعلق تھی۔ وزیرِ جنگ نے بھی چیف آف اسٹاف کے فیصلے کی حمایت کرتے ہوئے کہا کہ فوجی استغاثہ جنرل اپنے عہدے پر واپس نہیں آئیں گی، کیونکہ وہ سدی تیمان کی ویڈیو کے انکشاف میں ملوث تھیں۔
کوئٹہ، خاتون ٹیچر کے قتل میں ملوث مرکزی ملزم گرفتار