ورلڈ ٹیسٹ چیمپیئن شپ فائنل: جنوبی افریقی کپتان ٹیمبا باووما نے کونسے نئے ریکارڈ اپنے نام کرلیے؟
اشاعت کی تاریخ: 14th, June 2025 GMT
جنوبی افریقہ نے ٹیمبا باووما کی قیادت میں کرکٹ کی دنیا میں تاریخ رقم کرتے ہوئے ورلڈ ٹیسٹ چیمپیئن شپ کا ٹائٹل اپنے نام کرلیا ہے۔
جنوبی افریقہ نے دفاعی چیمپیئن آسٹریلیا کو شکست دے کر یہ ٹائٹل اپنے نام کیا۔ جنوبی افریقی کپتان ٹیمبا باووما نہ صرف یہ اعزاز حاصل کرنے والے پہلے جنوبی افریقی کپتان بنے ہیں، بلکہ وہ ورلڈ ٹیسٹ چیمپیئن شپ ناقابلِ شکست انداز میں جیتنے والے پہلے کپتان بھی ہیں۔
یہ بھی پڑھیں جنوبی افریقہ آسٹریلیا کو 5 وکٹوں سے شکست دے کر ورلڈ ٹیسٹ چیمپیئن بن گیا
’جنوبی افریقہ کی 27 سال بعد پہلی آئی سی سی ٹرافی‘یہ فتح جنوبی افریقہ کے لیے غیرمعمولی اہمیت رکھتی ہے، کیونکہ یہ ملک کی 1998 کے بعد پہلی بڑی آئی سی سی ٹرافی ہے۔ جنوبی افریقہ نے فائنل میں آسٹریلیا کو 5 وکٹوں سے شکست دی، اور282 رنز کا ہدف کامیابی سے حاصل کرلیا۔
میچ کی جھلکیاںجنوبی افریقہ کے بیٹر ایڈن مارکرم نے چوتھی اننگز میں شاندار 136 رنز کی اننگز کھیل کر پلیئر آف دی میچ کا اعزاز حاصل کیا۔
کپتان ٹیمبا باووما نے66 رنز کی ذمہ دارانہ اننگز کھیلی، حالانکہ وہ ہیمسٹرنگ انجری (پٹھوں میں تناؤ) کا شکار تھے۔ انہوں نے مارکرم کے ساتھ 147 رنز کی ناقابل شکست شراکت قائم کی۔
کائل ویریئن نے وننگ شاٹ کھیل کر میچ ختم کیا، جبکہ کگیسو ربادا نے میچ میں کل 9 وکٹیں حاصل کیں۔
ٹیمبا باووما جنوبی افریقہ کے پہلے سیاہ فام کپتان ہیں جنہوں نے کوئی آئی سی سی ٹرافی جیتی۔
انہوں نے 25-2023 ورلڈ ٹیسٹ چیمپیئن شپ سائیکل میں 7 میچز جیتے اور ایک ڈرا کیا، یعنی ایک بھی شکست نہ کھائی۔
اپنی قیادت پر تنقید کے باوجود انہوں نے ثابت کیاکہ ٹیم کی جیت اتحاد، عزم اور قیادت کے جذبے کا نتیجہ ہے۔
یہ موقع ہے کہ ہم سب متحد ہو کر خوشی منائیں، ٹیمبا باووماچیمپیئن شپ جیتنے کے موقع پر کپتان ٹیمبا باووما کا کہنا تھا کہ یہ موقع ہے کہ ہم سب متحد ہو کر خوشی منائیں۔
یہ بھی پرھیں سہ فریقی کرکٹ سیریز: جنوبی افریقہ کے خلاف میچ میں پاکستان نے کون سے 2 نئے ریکارڈ قائم کیے؟
جنوبی افریقہ کی یہ جیت نہ صرف کرکٹ کی تاریخ میں یادگار لمحہ ہے، بلکہ یہ ٹیمبا باووما کی قیادت میں نئے دور کے آغاز کی علامت بھی ہے۔ ایک ایسی قیادت جس نے خاموشی سے تنقید کو پیچھے چھوڑ کر میدان میں تاریخ رقم کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایڈن مارکرم پہلے کپتان تاریخ رقم ٹیمبا باووما نئے ریکارڈز ورلڈ ٹیسٹ چیمپیئن شپ وی نیوز.
ذریعہ
ذریعہ: WE News
کلیدی لفظ: ایڈن مارکرم پہلے کپتان تاریخ رقم ٹیمبا باووما نئے ریکارڈز ورلڈ ٹیسٹ چیمپیئن شپ وی نیوز ورلڈ ٹیسٹ چیمپیئن شپ جنوبی افریقہ کے
پڑھیں:
لاہور میں گینگ ریپ کی شکار 18 سالہ گھریلو ملازمہ اسقاطِ حمل کے دوران جاں بحق
لاہور ( اُردو پوائنٹ اخبارتازہ ترین۔ 02 جون2026ء ) لاہور کے علاقے ماڈل ٹاؤن میں مبینہ زیادتی کا شکار ہونے والی 18 سالہ گھریلو ملازمہ اسقاطِ حمل کے دوران جان کی بازی ہار گئی۔ میڈیا رپورٹس کے مطابق لاہور کے علاقہ ماڈل ٹاؤن کے ایک گھر میں ملازمہ کے طور پر کام کرنے والی 18 سالہ لڑکی مبینہ طور پر گینگ ریپ اور بعد ازاں غیر قانونی طبی طریقہ کار کے باعث زندگی کی بازی ہار گئی ہے، متوفیہ نے ہسپتال میں دم توڑنے سے قبل اپنے بیانات ریکارڈ کرادیئے۔ پولیس حکام کا کہنا ہے کہ لڑکی کا حمل ضائع کرنے کے لیے اسے پہلے رائے ونڈ کے ایک نجی کلینک لے جایا گیا، جہاں حالت بگڑنے پر اسے سروسز ہسپتال منتقل کیا گیا، وہ دو روز تک سروسز ہسپتال میں زیرِ علاج رہنے کے بعد دم توڑ گئی، متاثرہ لڑکی نے اپنے تحریری اور ویڈیو بیانات میں مکان مالک کے بیٹے اور ڈرائیور پر اجتماعی زیادتی کا سنگین الزام عائد کیا تھا، بعد میں مبینہ دباؤ کے تحت لڑکی نے اپنے بیان میں تبدیلی کی اور اپنے آخری بیان میں صرف ڈرائیور کو ہی نامزد کیا۔(جاری ہے)
پولیس نے بتایا کہ لڑکی کے ابتدائی بیانات کی روشنی میں گینگ ریپ کا مقدمہ درج کیا گیا تھا، تاہم اس کی موت کے بعد مقدمے میں باقاعدہ طور پر قتل کی دفعات بھی شامل کر دی گئی ہیں، ایک نامزد ملزم ڈرائیور کو گرفتار کرکے جوڈیشل ریمانڈ پر جیل بھیج دیا گیا ہے، قتل کی دفعات شامل ہونے کے بعد کیس کی تفتیش جینڈر سیل سے تبدیل کرکے انویسٹی گیشن ونگ کے سپرد کر دی گئی ہے، پولیس نے گھر کے مالکان سمیت ان تمام افراد کو دوبارہ شاملِ تفتیش کرنے کے لیے نوٹسز جاری کر دیئے ہیں جنہیں پہلے کلیئر کر دیا گیا تھا۔ پولیس کا کہنا ہے کہ ضابطہ فوجداری کی دفعہ 164 کے تحت ریکارڈ کیے گئے بیانات کا دوبارہ باریک بینی سے جائزہ لیا جائے گا، متوفیہ کا پوسٹ مارٹم مکمل کر لیا گیا ہے اور موت کی اصل وجہ رپورٹ آنے کے بعد واضح ہوگی، اگر رائے ونڈ کے نجی کلینک کی جانب سے غفلت یا غیر قانونی طریقہ کار کے شواہد ملے تو اس کے خلاف بھی سخت قانونی کارروائی کی جائے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ