اسرائیل کی انسانیت کش کاروائیوں سے پوری دنیا کے امن کو شدید خطرہ لاحق ہے، سول سوسائٹی ملتان
اشاعت کی تاریخ: 14th, June 2025 GMT
ملتان میں پریس کانفرنس کرتے ہوئے سول سوسائٹی کے رہنمائوں نے کہا کہ اسرائیل ایک فاشسٹ ریاست ہے جو عالمی سطح پر بالعموم اور مسلم ممالک کے لئے بالخصوص نفرت کی علامت بن چکا ہے، اسرائیل کی انسانیت کش کاروائیوں سے پوری دنیا کے امن کو شدید خطرہ لاحق ہے۔ اسلام ٹائمز۔ ایران اور اسرائیل کے درمیان جاری کشیدگی اور جنگی صورتحال نے پاکستان سمیت دنیا بھر کو شدید تشویش میں مبتلا کردیا ہے، یہ تنازعہ جس کی جڑیں کئی دہائیوں کے سیاسی، مذہبی اور علاقائی تنازعات میں ہیں، اب خطرناک موڑ لے چکی ہے اور دونوں فریقین دھمکیوں کے تبادلے کے بعد اب فوجی کارروائیوں میں مصروف ہیں۔ جب کہ تنازعہ مشرق وسطی میں مرکوز ہے، اس کے اثرات عالمی سطح پر محسوس کیے جا رہے ہیں، خاص طور پر پاکستان جیسے ممالک میں جو خطے کے ساتھ مذہبی، جغرافیائی سیاسی اور اقتصادی تعلقات رکھتے ہیں۔ ضرورت اس امر کی ہے کہ امن کے پرچم کو بلند کیا جائے تاکہ خطے میں تباہی و بربادی سے محفوظ رہا جائے۔ ان خیالات کا اظہار سول سوسائٹی فورم کے چیئرمین احسان خان سدوذئی، کوارڈینیٹر شاہد محمود انصاری اور سینیِر وائس چیرمین ڈاکٹر فاروق خان لنگاہ ایران کے خلاف اسرائیلی جنگی جارحیت کی مذمت کرتے ہوئے پریس کانفرنس کرتے ہوئے کیا۔
انہوں نے کہا کہ اسرائیل ایک فاشسٹ ریاست ہے جو عالمی سطح پر بالعموم اور مسلم ممالک کے لئے بالخصوص نفرت کی علامت بن چکا ہے۔ اسرائیل کی انسانیت کش کاروائیوں سے پوری دنیا کے امن کو شدید خطرہ لاحق ہے۔ عالمی قوتیں ہوش کے ناخن لیں اور اسرائیل کو لگام ڈالیں بصورت دیگر تباہی و بربادی کے سوا کچھ حاصل نہ ہوگا۔ سماجی رہنماوں نے کہا کہ سال ہا سال سے فلسطین کے مظلوم عام اسرائیلی جارحیت و بربریت کا شکار ہورہے ہیں۔ غزہ کی صورتحال سب کے سامنے ہے جہاں اسلحہ و میزائل کے ذریعے بربادی کے بعد اب بھوک پیاس سے لوگ شہید ہورہے ہیں جبکہ دوسری جانب اسرائیلی خونخواروں کے منہ کو خون لگ چکا ہے۔ اس کا جلدی تدارک نہ کیا گیا تو کچھ باقی نہیں بچے گا۔ انہوں نے کہا کہ مشرق وسطی میں مقیم پاکستانی تارکین وطن بہت سے پاکستانی ایران، عراق و خلیجی ممالک میں کام کرتے ہیں۔ بڑھتی ہوئی عدم استحکام ان کی حفاظت اور روزگار کو خطرے میں ڈال سکتا ہے، اور بڑے پیمانے پر تصادم ملازمت کے نقصان، نقل مکانی، یا جبری نقل مکانی کا باعث بن سکتا ہے۔ معاشی طور پر جنگ عالمی تیل کی منڈیوں میں خلل ڈال سکتی ہے۔
ذریعہ: Islam Times
پڑھیں:
ایران، لیبیا، کشمیر اور فلسطین و غزہ پر حملے آزاد مسلم ممالک کی خودمختاری پر حملہ ہے، ہائیکورٹ بار ملتان
ایران پر اسرائیلی جارحیت کیخلاف پریس کانفرنس سے خطاب کرتے ہوئے ہائیکورٹ بار کے رہنمائوں کا کہنا تھا کہ جہاں بھی اسلامی ملک پر ظلم ہو وہاں تمام ممالک متفق ہو کر ان کا ساتھ دیں، ہائیکورٹ بار ملتان کا موقف بالکل واضح ہے کہ جہاں کسی اسلامی ملک پر حملہ ہوگا ہم اپنے مسلمان بھائیوں کے ساتھ ہونگے احتجاج کریں گے۔ اسلام ٹائمز۔ ہائیکورٹ بارایسوسی ایشن ملتان کے صدر محمد اظہر خان مغل، جنرل سیکرٹری صفدر حسین سرسانہ سیال، نائب صدر حافظ محمد شعیب قریشی، فنانس سیکرٹری حنفیہ عباس بخاری، ممبران مجلس عاملہ بلال ابرار آرائیں، نادر میرالی اور منظر بلال نے ایران پر اسرائیلی حملہ کے خلاف احتجاجی پریس کانفرنس میں حملہ کی مذمت کرتے ہوئے کہا کہ ہائیکورٹ بار ملتان ایران، لیبیا، کشمیر اور فلسطین و غزہ پر حملے آزاد مسلم ممالک کی خودمختاری پر حملہ ہے، عالمی قوانین کی خلاف ورزی ہے۔ انہوں نے تمام مسلم ممالک سے مطالبہ کیا کہ جہاں بھی اسلامی ملک پر ظلم ہو وہاں تمام ممالک متفق ہو کر ان کا ساتھ دیں۔ ہائیکورٹ بار ملتان کا موقف بالکل واضح ہے کہ جہاں کسی اسلامی ملک پر حملہ ہوگا ہم اپنے مسلمان بھائیوں کے ساتھ ہونگے احتجاج کریں گے اور جو بھی قدم اٹھانا پڑا ہم اٹھائیں گے، اقوام متحدہ اور امریکہ اس بڑھتی ہوئی ایٹمی جنگ کو روکنے کے اقدامات کرے ورنہ یہ جنگ پوری دنیا کو اپنی لپیٹ میں لے لے گی۔
کامران ٹیسوری کی سعودی ولی عہد سے ملاقات، شاہی ظہرانے میں شرکت