ایران کی جانب سے اسرائیلی عوام کو انتباہ، اسرائیل چھوڑنے کی ہدایت
اشاعت کی تاریخ: 15th, June 2025 GMT
ایران نے اسرائیلی عوام کو اسرائیل چھوڑنے کے لیے پیغام جاری کردیا ہے۔
ایران نے اسرائیلی عوام کے نام عبرانی زبان میں پیغام جاری کیا ہے، جس میں انہیں فوری طور پر اسرائیل چھوڑنے کی ہدایت کی گئی ہے۔
یہ بھی پڑھیں: ڈونلڈ ٹرمپ نے ایرانی سپریم لیڈر آیت اللہ خامنہ ای کو قتل کرنے کا اسرائیلی منصوبہ مسترد کردیا
ایرانی میڈیا پر نشر ہونے والے اس پیغام میں کہا گیا ہے کہ اسرائیل میں موجود تمام شہریوں کو چاہئے کہ وہ جلد از جلد اپنے ملک سے نکل جائیں کیونکہ ایران کی جانب سے ایک بڑے میزائل حملے کا آغاز کیا جا چکا ہے۔
ایران نے پیغام میں کہا ہے کہ یہ حملے اسرائیلی فوجی اڈوں، ہتھیار بنانے والی فیکٹریوں، تحقیقی مراکز، آئل ریفائنریوں اور جوہری تنصیبات پر کیے جارہے ہیں۔
یہ بھی پڑھیں: اسرائیلی حملے سے ایران میں نقصانات، پاسداران انقلاب کا انٹیلیجنس ہیڈکوارٹر تباہ کرنے کا بھی دعویٰ
اس سے قبل اسرائیل نے فارسی زبان میں ایران کے شہریوں کو بھی خبردار کیا تھا کہ وہ ایران میں موجود حساس فوجی اور جوہری تنصیبات کے قریب نہ جائیں، کیونکہ یہ تنصیبات اسرائیلی حملوں کا نشانہ بنے گی۔
دوسری جانب ایران کی جانب سے اسرائیلی کی جانب ایک اور میزائل حملہ کیا گیا ہے، جس کے بعد تل ابیب میں دھماکوں کی آوازیں سنی گئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسرائیل انتباہ ایٹمی تنصیبات ایران پیغام عبرابی زبان فارسی.ذریعہ: WE News
کلیدی لفظ: اسرائیل انتباہ ایٹمی تنصیبات ایران پیغام فارسی کی جانب
پڑھیں:
معاہدہ کرلیں ورنہ ملک میں کچھ نہیں بچے گا، ٹرمپ کا ایران کو انتباہ
امریکی صدر ڈونلڈ ٹرمپ نے ایران کو خبردار کیا ہے کہ وہ جوہری معاملات پر امریکا سے معاہدہ کرلے اس سے پہلے کہ بہت دیر ہوجائے۔
یہ بھی پڑھیں: ایران پر اسرائیلی حملے سے متعلق خفیہ دستایزات افشا کرنے پر امریکی اہلکار کو سزا
واضح رہے کہ اسرائیل کی جانب سے ایرانی جوہری مقامات پر رات کی تاریکی میں بمباری کی گئی اور حکومت کے اعلیٰ عہدیداروں و سائنسدانوں کو شہید کر دیا گیا۔
ٹرمپ نے جمعے کو سوشل میڈیا پر لکھا کہ بہت بڑی ہلاکت اور تباہی ہو چکی ہے لیکن اب بھی وقت ہے ورنہ اگلے طے شدہ حملے اور بھی زیادہ بے رحمانہ ہوں گے۔
امریکی صدر نے کہا کہ ایران کو (امریکا سے جوہری معاملات پر) معاہدہ کرنا ہوگا اس سے پہلے کہ کچھ باقی نہ رہے۔
مزید پڑھیے: اسرائیل کا تبریز پر ایک اور حملہ ، ایران میں ملک گیر ہائی الرٹ جاری، عالمی برادری کا اظہار تشویش
اسرائیل نے جمعرات کی شب ایران پر حملہ کرکے جوہری تنصیبات، حکومتی عہدیداروں، فوجی رہنماؤں اور اہم جوہری سائنسدانوں کو نشانہ بنایا۔ اسرائیلی فوج کے ترجمان کے مطابق ایران نے 100 سے زائد ڈرونز سے جوابی کارروائی کی۔
ان حملوں سے مشرق وسطیٰ کو ایک اور تباہ کن جنگ کا سامنا ہے۔
مزید پڑھیں: جب تک خطرہ ختم نہ ہو جائے، ایران پر حملے جاری رہیں گے: اسرائیل
ٹرمپ نے کہا کہ انہوں نے ایران کو اپنے جوہری پروگرام کو بند کرنے کے لیے ایک معاہدہ کرنے کا موقع دیا لیکن اس سے کوئی فرق نہیں پڑتا کہ انہوں نے کتنی ہی کوشش کی، چاہے وہ کتنے ہی قریب پہنچ گئے، وہ اسے پورا نہیں کر سکے۔
انہوں نے کہا کہ میں نے ان سے کہا کہ یہ ان تمام چیزوں سے کہیں زیادہ بدتر ہو گا جو وہ جانتے ہیں یا انہیں بتایا گیا ہے کہ امریکا دنیا میں کہیں بھی بہترین اور سب سے زیادہ مہلک فوجی سازوسامان بناتا ہے اور اسرائیل کے پاس اس میں سے بہت کچھ ہے اور مزید بھی بہت کچھ ملے گا۔
یہ بھی پڑھیے: ایرانی سپریم لیڈر نے جنرل محمد پاکپور کو پاسداران انقلاب کا نیا سربراہ مقرر کر دیا
اسرائیل کے اقدام نے عالمی رہنماؤں کو چونکا دیا ہے۔ یورپی کمیشن کی صدر ارسولا وان ڈیر لیین نے صورتحال کو تشویشناک قرار دیتے ہوئے تمام فریقوں پر زور دیا کہ وہ تحمل کا مظاہرہ کریں، کشیدگی کو کم کریں اور جوابی کارروائی نہ کریں۔
مزید پڑھیں: اسرائیلی حملے میں جاں بحق ایرانی سائنسدانوں میں کون کون شامل ہے؟
نیٹو کے سیکریٹری جنرل مارک روٹے نے اسٹاک ہوم میں ایک پریس کانفرنس میں کہا کہ اسرائیل کے اتحادیوں کے لیے کشیدگی کو کم کرنے کے لیے کام کرنا اہم ہے۔
صیہونی حکومت نے اپنا دردناک انجام خود طے کرلیا، سپریم لیڈر علی خامنہ ایایران کے سپریم لیڈر آیت اللہ علی خامنہ ای نے جمعے کے روز اسرائیل کی مذمت کرتے ہوئے خبردار کیا ہے کہ صیہونی حکومت نے اپنے لیے ایک تلخ اور دردناک انجام تیار کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل ایران ایران پر اسرائیلی حملے ڈونلڈ ٹرمپ سپریم لیڈر علی خامنہ ای
فوجی اور آبی جارحیت پر عالمی برادری بھارت کا محاسبہ کرے،بلاول بھٹو زرداری