صیہونی تھنک ٹینک کی شر انگیزی
اشاعت کی تاریخ: 16th, June 2025 GMT
اسرائیل نے عالمی دہشت گرد کا روپ دھار لیا ہے۔ معصوم فلسطینیوں کے قتل عام کے ساتھ ساتھ پڑوسی ملک ایران پر ریاستی جارحیت کا ارتکاب کر کے شرق اوسط کے امن کو تہہ و بالا کر دیا ہے۔ اس وقت عالمی برادری کی توجہ اسرائیل ایران جنگ کی طرف ہے۔ اس دوران اسرائیل کے حامی ایک تھنک ٹینک نے پاکستان کے خلاف شر انگیز منصوبے کا آغاز کیا ہے۔ شرق اوسط میں چھائے جنگ کے بادلوں کی وجہ سے فی الحال اس شر انگیز منصوبے کی جانب بھرپور توجہ نہیں دی جا سکی۔ امریکہ کے دارالحکومت واشنگٹن میں قائم کئے گئے اس تھنک ٹینک کا نام ہے مڈل ایسٹ میڈیا ریسرچ انسٹیٹیوٹ۔ اس تھنک ٹینک کو قائم کرنے والا شخص یگال کارمن اسرائیلی خفیہ ایجنسیوں کا سابق اہلکار ہے۔ بظاہر ایک دانشورانہ تحقیقی پلیٹ فارم دکھائی دینے والا یہ تھنک ٹینک درحقیقت صیہونی ریاست کے ایجنڈے پر کار فرما ہے ۔معمولی سی تحقیق کی جائے تو یہ حقیقت مزید عیاں ہو جاتی ہے۔
بعض مواقع پر دی گارجین کے ایڈیٹر اور بہت سے غیر جانبدار دانشور اس ناقابل تردید حقیقت کی جانب توجہ دلا چکے ہیں کہ مڈل ایسٹ میڈیا ریسرچ انسٹیٹیوٹ درحقیقت جانبدارانہ انداز میں اسرائیلی ریاست کے بیانیے کو ترویج دیتا ہے۔ پاکستانی ریاست اور اس کے خیر خواہ طبقات کے لئے یہ امر باعث تشویش ہے ہونا چاہیے کہ 12جون کو اس صیہونی تھنک ٹینک کی ویب سائٹ پر بلوچستان اسٹڈیز پروجیکٹ کے نام سے ایک شرانگیز منصوبے کا آغاز کیا گیا ہے۔ مضر عزائم کا اندازہ اس امر سے بھی لگایا جا سکتا ہے کہ علیحدگی پسند دہشت گرد گروہوں کالعدم بی ایل اے اور کالعدم بی ایل ایف کے مشکوک ترجمان میر یار بلوچ کو اس منصوبے میں ایڈوائزر کے طور پہ تعینات کیا گیا ہے۔ تھنک ٹینک پر موجود مواد علیحدگی پسند دہشت گرد گروہوں کو ہیرو بنا کر پیش کر رہا ہے۔ اسی ویب سائٹ پر اسلام کے خلاف متنازعہ اور جانبدار مواد بھی دیکھا جا سکتا ہے۔
بلوچستان سے ملحق ایران کے سرحدی علاقوں کے حوالے سے بلوچستان اسٹڈیز پروجیکٹ میں زہریلا مواد شائع کیا گیا ہے۔ صیہونی ریاست کے حامی تھنک ٹینک پر بلوچستان اور ایران کے حوالے سے شائع کیے گئے نفرت انگیز مواد سے یہ بات واضح ہو گئی ہے کہ اسرائیل اور اس کے حامی خطے میں وسیع تر بربادی کے منصوبوں پر کار فرما ہیں۔ یہ ویب سائٹ اور اس پہ شروع کیا گیا متنازعہ اسٹڈی پروجیکٹ اس بات کے ٹھوس ثبوت فراہم کر رہا ہے کہ بھارت اور اسرائیل اس خطے میں بد امنی پھیلانے کے تمام منصوبوں میں مشترکہ سوچ کے حامل ہیں۔ بلوچستان میں علیحدگی پسندوں اور دہشت گردوں کے بھارت سے تعلقات کے ناقابل تردید ثبوت پاکستان متعدد بار عالمی فورمز پر پیش کر چکا ہے ۔صیہونی ریاست کی مسلم دنیا سے بالعموم اور عسکری لحاظ سے مضبوط مسلم ممالک سے بالخصوص نفرت کوئی ڈھکی چھپی بات نہیں۔ پاکستان کئی وجوہات کی بنا پر صیہونی ریاست کے لیے تشویش کا باعث بنا ہوا ہے۔ یہ ایک مسلمہ حقیقت ہے کہ پاکستان دو قومی نظریے کی بنیاد پر ایک اسلامی ریاست کے طور پر وجود میں آیا۔اس کے آئین میں اسلام کی بالادستی نمایاں ہے ۔اپنے قیام سے لے کر اج تک پاکستان نے اپنی دفاعی استعداد کو بہت نکھارا ہے۔ خاص طور پر پاکستان کا ایٹمی پروگرام خطے میں امن کی ضمانت اور عسکری بالادستی کی علامت ہے۔
ہندوستان کی شرمناک جارحیت کے مقابل معرکہ حق میں پاکستان نے کئی گنا بڑے دشمن کی جارحیت کا منہ توڑ جواب دے کر اپنی طاقت اور امن پسندی کا واضح ثبوت پیش کیا ہے۔ واضح رہے کہ بھارت کی عسکری شرارت اور جارحیت کو اسرائیل کی مکمل حمایت اور معاونت حاصل تھی بھارت نے پاکستان کے ایئر ڈیفنس سسٹم کو ناکارہ بنانے کے لیے اسرائیلی ساختہ ڈرون استعمال کئے۔ فلسطینیوں کا خون بہانے کے بعد اب ایران پر اسرائیل کی شرمناک جارحیت کئی اعتبار سے باعث تشویش ہے۔ پاکستان کے لیے یہ امر توجہ طلب ہے کہ کئی معاملات میں بی جے پی کی شدت پسند حکومت اور خاص طور پر وزیراعظم نریندر مودی اسرائیل کے نقش قدم پر چل رہے ہیں۔ مقبوضہ کشمیر میں اسرائیلی ماڈل پر عمل کرتے ہوئے آبادی کا تناسب بھی تبدیل کیا جا رہا ہے۔ غیر قانونی طور پر غیر کشمیری ہندوئوں کو مقامی ابادی کی خواہشات کے برعکس مقبوضہ جموں و کشمیر میں آباد کیا جا رہا ہے۔ نیتن یاہو کے نقش قدم پر چلتے ہوئے مسلمانوں کی نسل کشی کی جا رہی ہے۔ حالیہ عسکری جارحیت میں بھی بھارت نے شہری آبادیوں پر حملہ کر کے نہتے بچوں اور عورتوں کو نشانہ بنایا۔ بھارت کے آشیرباد سے دہشت گردی کرنے والے کالعدم گروہ بلوچستان میں بھی نہتے بچوں، مزدوروں اور عورتوں کو ہدف بناتے ہیں۔ صیہونی تھنک ٹینک کی علیحدگی پسند دہشت گردوں کی حمایت اس بات کا بین ثبوت ہے کہ بلوچستان میں شر انگیزی کے پیچھے بھارت اور اسرائیل کے شیطانی ذہن کار فرما ہیں۔ اسی طرح مغربی سرحدوں پر لسانی تعصب کی آگ بھڑکانے والے نام نہاد قوم پرست گروہوں کی شر انگیزی میں بھارت کا سرمایہ اور اسرائیل کا تعاون بنیادی کردار ادا کر رہا ہے۔ وقت اگیا ہے کہ پاکستان کے عوام نام نہاد قوم پرستوں اور ان کے اسلام دشمن سرپرستوں کی حقیقت کو جان کر ریاست کے دامن سے وابستہ رہیں۔
ذریعہ
ذریعہ: Daily Ausaf
کلیدی لفظ: علیحدگی پسند صیہونی ریاست پاکستان کے تھنک ٹینک ریاست کے کیا گیا اور اس رہا ہے گیا ہے
پڑھیں:
سیکیورٹی فورسز کی بلوچستان کے مختلف علاقوں میں کارروائیاں، 17 دہشتگرد ہلاک
سیکیورٹی فورسز نے بلوچستان کے مختلف علاقوں میں کارروائیاں کرتے ہوئےفتنہ الہندوستان سے تعلق رکھنے والے 17 دہشتگردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق 24 مئی کو پیش آنے والے ٹرین واقعے کے بعد سیکیورٹی فورسز نے بلوچستان کے اضلاع مستونگ، نوشکی، زہری، خضدار اور کیچ میں انٹیلی جنس بنیادوں پر متعدد آپریشنز کیے۔
مزید پڑھیں: بلوچستان میں دہشتگردی کرنے والے پاکستان کے دشمن، ان کی کوئی ناراضی نہیں، رانا ثنااللہ
آئی ایس پی آر کے مطابق ان کارروائیوں کے دوران سیکیورٹی فورسز نے دہشتگردوں کے متعدد ٹھکانوں کو مؤثر انداز میں نشانہ بنایا۔ شدید اور سخت فائرنگ کے تبادلے کے بعد بھارتی حمایت یافتہ فتنہ الہندستان سے تعلق رکھنے والے 17 دہشت گرد ہلاک کر دیے گئے، جس سے ان علاقوں میں سرگرم دہشتگرد نیٹ ورکس کو بڑا دھچکا پہنچا ہے۔
بیان میں کہا گیا ہے کہ مارے گئے دہشتگرد علاقے میں متعدد دہشت گرد کارروائیوں میں سرگرم رہے تھے۔
ہلاک دہشت گردوں کے قبضے سے اسلحہ، گولہ بارود، بڑی مقدار میں دھماکا خیز مواد اور تیار شدہ دیسی ساختہ بم (آئی ای ڈیز) بھی برآمد کیے گئے ہیں۔
آئی ایس پی آر کے مطابق ان علاقوں سے دہشتگردوں کے مکمل خاتمے کے لیے کلیئرنس اور سرچ آپریشنز بدستور جاری ہیں۔
مزید پڑھیں: علما کرام کی جانب سے بلوچستان میں دہشتگردی کی مذمت، امن اور مکالمے پر زور
بیان میں کہا گیا ہے کہ قومی ایکشن پلان کے تحت وفاقی ایپکس کمیٹی سے منظور شدہ وژن ’عزمِ استحکام‘ کے مطابق پاکستان کی سیکیورٹی فورسز اور قانون نافذ کرنے والے اداروں کی انسداد دہشت گردی مہم پوری رفتار سے جاری رہے گی تاکہ ملک سے بیرونی سرپرستی اور حمایت یافتہ دہشتگردی کے ناسور کا مکمل خاتمہ کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی ایس پی آر بلوچستان دہشتگرد ہلاک سیکیورٹی فورسز وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ