غصے میں پاگل بولر کا امپائر پر حملہ، اسٹمپس کو بھی لات مار دی
اشاعت کی تاریخ: 16th, June 2025 GMT
data-id="863a0a8" data-element_type="widget" data-widget_type="theme-post-content.default">
کرکٹ کو ہمیشہ شریفوں کا کھیل کہا جاتا ہے، مگر اس کی تاریخ میں ایسے لمحات بھی آئے جب کھلاڑی اپنے جذبات پر قابو نہ رکھ سکے اور میدان میں ایسے کام کر بیٹھے جس سے کھیل کا وقار متاثر ہوا۔
آج کل تو کسی فیصلے پر اعتراض ہو تو کھلاڑی ریویو کا سہارا لیتے ہیں، مگر ماضی میں جب یہ سہولت موجود نہ تھی، کئی بار کھلاڑی امپائرز سے الجھتے بھی نظر آئے۔ خاص طور پر ویسٹ انڈیز کے کچھ کھلاڑی غصے میں حد سے تجاوز کر جاتے تھے۔
ستر اور اسی کی دہائی میں ویسٹ انڈیز کی کرکٹ دنیا پر راج کر رہی تھی، ان کے فاسٹ بولرز پوری دنیا کی ٹیموں کے لیے خوف کی علامت تھے۔ اسی دور میں دو واقعات ایسے پیش آئے جنہوں نے کرکٹ کی تاریخ کو ہلا کر رکھ دیا۔ ایک موقع پر کولن کرافٹ نے امپائر کو دھکا دیا، جبکہ دوسرے موقع پر مائیکل ہولڈنگ نے اسٹمپ کو لات مار کر گرا دیا۔
پہلا واقعہ 1979-80 کے نیوزی لینڈ کے دورے کے دوران پیش آیا۔ تیسرے ٹیسٹ میچ میں کولن کرافٹ نے امپائر فریڈ گڈال کے فیصلے سے ناراض ہو کر، جب وہ باؤنسر کو نوبال قرار دے بیٹھے، غصے میں آ کر امپائر کو رن اپ کے دوران دھکا دے دیا۔ یہ منظر ٹی وی کیمروں کی آنکھ نے محفوظ کر لیا اور آج تک یہ واقعہ ایک سیاہ باب کے طور پر یاد کیا جاتا ہے۔
دوسرا واقعہ اگلے سال 1980 میں نیوزی لینڈ کے خلاف ایک اور ٹیسٹ میچ میں پیش آیا، جب امپائر نے جان پارکر کے کیچ کو آؤٹ قرار دینے سے انکار کر دیا۔ اس فیصلے سے غصہ میں آ کر ویسٹ انڈیز کے فاسٹ بولر مائیکل ہولڈنگ نے اسٹرائیکر اینڈ پر جا کر اسٹمپ کو زور سے لات مار دی، جس سے وہ زمین سے اکھڑ گئے۔ یہ لمحہ بھی کیمروں میں قید ہوگیا اور کرکٹ کی تاریخ کا ایک متنازع واقعہ بن گیا۔
ایسے واقعات کرکٹ جیسے وقار والے کھیل کے دامن پر داغ چھوڑ جاتے ہیں، اور یہ یاد دلاتے ہیں کہ جذبات پر قابو نہ رکھا جائے تو عظیم کھلاڑیوں کی پہچان بھی متنازع بن سکتی ہے۔
.
ذریعہ
ذریعہ: Jasarat News
پڑھیں:
مانجھی خیل چیک پوسٹ حملہ، گورنر خیبرپختونخوا نے رپورٹ طلب کر لی
پشاور:گورنر خیبرپختونخوا فیصل کریم کنڈی نے ضلع ٹانک کے علاقے مانجھی خیل میں قائم چیک پوسٹ پر ہونے والے حملے کا نوٹس لیتے ہوئے متعلقہ اعلیٰ حکام سے واقعے کی تفصیلی رپورٹ طلب کر لی ہے۔
اپنے بیان میں گورنر فیصل کریم کنڈی نے حملے کی شدید مذمت کرتے ہوئے اسے ہندوستان کے پروردہ خوارج کی مذموم کارروائی قرار دیا۔ انہوں نے کہا کہ اس بزدلانہ حملے میں ہونے والی شہادتوں پر پوری قوم غمزدہ ہے اور شہداء کی قربانیاں ہمیشہ یاد رکھی جائیں گی۔
گورنر خیبرپختونخوا نے متعلقہ حکام کو ہدایت کی کہ حملے میں زخمی ہونے والے سیکیورٹی اہلکاروں کو ہر ممکن اور بہترین طبی سہولیات فراہم کی جائیں تاکہ ان کے علاج میں کسی قسم کی کوتاہی نہ ہو۔
فیصل کریم کنڈی نے شہداء کے اہل خانہ سے دلی ہمدردی اور تعزیت کا اظہار کرتے ہوئے کہا کہ وہ اس دکھ کی گھڑی میں غمزدہ خاندانوں اور شہید اہلکاروں کے ساتھیوں کے ساتھ برابر کے شریک ہیں۔
انہوں نے شہداء کے درجات کی بلندی، زخمیوں کی جلد صحت یابی اور ملک میں امن و استحکام کے لیے دعا بھی کی۔
بھارت سے جنگ اور افغانستان میں کارروائی خارج ازامکان نہیں، وزیردفاع