برطانوی انٹیلی جنس ایجنسی ایم آئی 6 میں پہلی بار خاتون سربراہ کا تقرر
اشاعت کی تاریخ: 17th, June 2025 GMT
data-id="863a0a8" data-element_type="widget" data-widget_type="theme-post-content.default">
لندن( مانیٹرنگ ڈیسک)برطانیہ کے حقیقی زندگی کے جاسوسوں نے آخر کار جیمز بانڈ کو پکڑ لیا۔ برطانوی حکومت نے جاسوس ادارے ایم آئی سکس میں پہلی خاتون سربراہ کا تقرر کر دیا۔وزیر اعظم کیئر اسٹارمر نے اتوار کو اعلان کیا کہ بلیز میٹرویلی برطانیہ کی غیر ملکی انٹیلی جنس ایجنسی کی اگلی سربراہ ہوں گی جو 1909ء میں اس ادارے کے قیام کے بعد اس عہدے پر فائز ہونے والی اولین خاتون ہوں گی۔فی الوقت ایم آئی سکس میں ٹیکنالوجی اور اختراع کی ڈائریکٹر 47 سالہ کیریئر انٹیلی جنس آفیسر میٹرویلی ایم آئی سکس کی واحد ملازمہ ہیں جن کا نام عام کیا گیا ہے۔ انہوں نے کہاکہ میرے لیے فخر اور اعزاز کا باعث ہے کہ مجھے میرے ادارے کی قیادت کرنے کے لیے کہا گیا۔اسٹارمر نے کہا کہ تاریخی تقرر ایک ایسے وقت میں ہوئی ہے جب ہماری انٹیلی جنس سروسز کا کام انتہائی اہمیت کا حامل ہو گیا ہے۔ برطانیہ کو غیر معمولی پیمانے پر خطرات کا سامنا ہے ۔اسٹارمر نے یہ اعلان اس وقت کیا جب وہ کینیڈا کے صوبے البرٹا میں گروپ آف سیون رہنماؤں کے اجلاس کے لیے پہنچے۔ میٹرویلی نے ایم آئی سکس میں ذمے داری سنبھالی جبکہ ایجنسی کو چین اور روس سمیت ریاستوں کے بڑھتے ہوئے چیلنجز کا سامنا ہے۔ ایم آئی سکس کے نگراں اور برطانیہ کے سیکرٹری خارجہ ڈیوڈ لیمی نے کہاکہ عالمی عدم استحکام اور ابھرتے ہوئے سیکورٹی خدشات کے درمیان جہاں ٹیکنالوجی ایک طاقت ہے اور ہمارے مخالفین ایک دوسرے کے ساتھ مل کر کام کر رہے ہیں، بلیز اس بات کو یقینی بنائیں گی کہ برطانیہ ان چیلنجز سے نمٹ سکے اور یہ اندرون و بیرون ملک محفوظ ہو۔
.
ذریعہ
ذریعہ: Jasarat News
کلیدی لفظ: ایم ا ئی سکس انٹیلی جنس
پڑھیں:
پاسداران انقلاب کی برطانیہ کو وارننگ، کویت میں امریکی الیکٹرانک وارفیئر کا یونٹ تباہ
ایران کی سپاہ پاسدارانِ انقلاب نے اعلان کیا ہے کہ آپریشن "نصر 2" کی 26 ویں لہر کے دوران مشترکہ حملوں میں کویت کے العدیری فوجی اڈے پر قائم امریکی الیکٹرانک وارفیئر کے خصوصی یونٹ کو تباہ کر دیا۔ اسلام ٹائمز۔ ایران کی سپاہ پاسدارانِ انقلاب نے اعلان کیا ہے کہ آپریشن "نصر 2" کی 26 ویں لہر کے دوران مشترکہ حملوں میں کویت کے العدیری فوجی اڈے پر قائم امریکی الیکٹرانک وارفیئر کے خصوصی یونٹ کو تباہ کر دیا۔ بیان کے مطابق اس یونٹ سے وابستہ ایک مرکز کو بھی نشانہ بنایا گیا، جس کے نتیجے میں متعدد اہلکار ہلاک یا زخمی ہوئے، جبکہ اڈے کے فضائی ٹریفک کنٹرول ٹاور کو بھی نقصان پہنچا۔ پاسدارانِ انقلاب کے شعبۂ تعلقاتِ عامہ کی جانب سے جاری بیان میں کہا گیا کہ یہ کارروائی جارح کو سزا دینے کے سلسلے کی کڑی ہے اور امریکی فوج کی ان کارروائیوں کا جواب ہے، جن میں جمعرات کی صبح امام حسینؑ کے روضے کی جانب جانے والے زائرین کے راستے کو نشانہ بنایا گیا۔ بیان کے مطابق امریکی حملے میں عراق کی سرحد پر واقع شلمچہ بارڈر کراسنگ پر دو افراد جاں بحق اور 11 زخمی ہوئے۔
سپاہ پاسداران انقلاب نے اپنے بیان میں برطانیہ کو تنبیہ کرتے ہوئے کہا کہ ایران کیخلاف استعمال ہونے والا برطانوی اڈہ جائز ہدف تصور ہو گا۔ بیان کے مطابق امریکی فوج نے گزشتہ روز بحرِ ہند میں موجود اپنے بحری بیڑے کے کروز میزائل ختم ہونے کے بعد برطانیہ کے فیئرفورڈ فضائی اڈے سے اڑنے والے B-1 بمبار طیاروں کا استعمال کیا۔ پاسدارانِ انقلاب نے ایک بار پھر ایرانی وزارتِ خارجہ کے مؤقف کو دہراتے ہوئے کہا کہ ایران پر حملے کے لیے استعمال ہونے والا ہر فوجی اڈہ ایک جائز ہدف تصور کیا جائے گا۔ بیان کے اختتام پر برطانیہ کی حکومت کو خبردار کرتے ہوئے کہا گیا کہ وہ خطے کے عوام کی مشکلات کی بنیادی ذمہ دار ہے اور اسلامی ممالک کی تقسیم، قتلِ عام، آمرانہ حکومتوں کے قیام، فلسطین پر قبضے کی منصوبہ بندی اور اسرائیل کے قیام میں اس کا کردار تاریخ کا حصہ ہے۔ بیان میں یہ بھی الزام عائد کیا گیا کہ برطانیہ نے ایران کے خلاف حالیہ امریکی اور اسرائیلی حملوں میں بھی نمایاں کردار ادا کیا۔
یاد رہے کہ اس سے قبل آج ہی ایرانی وزارتِ خارجہ نے برطانوی حکومت کے اس فیصلے کی مذمت کی تھی، جس کے تحت امریکہ کو ایران کے خلاف فوجی حملوں کی تیاری کے لیے برطانوی فوجی اڈوں اور تنصیبات کے استعمال کی اجازت دی گئی۔ وزارتِ خارجہ نے کہا کہ ان حملوں کی تیاری یا ان پر عمل درآمد میں کسی بھی قسم کا تعاون جارحیت اور جنگی جرائم میں شراکت کے مترادف ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار