راولپنڈی؛ گھر کے باہر بیٹھے نوجوانوں پر پولیس اہلکاروں کا تشدد، ویڈیو وائرل
اشاعت کی تاریخ: 17th, June 2025 GMT
راولپنڈی:
راولپنڈی کے تھانہ بنی کے علاقے میں تھانہ وارث خان پولیس اہلکاروں کی پولیسں گردی، پولیس وردیوں اور سادہ کپڑوں میں ملبوس اہلکاروں نے گھر و دفتر کے باہر بیٹھے نوجوانوں پر دھاوا بول دیا۔
پولیس گردی کی سی سی ٹی وی فوٹیج سامنے آگئی جس میں چار نوجوانوں کو گھر کی ریمپ پر کرسیوں پر بیٹھے دیکھا جا سکتا ہے جبکہ اسی دوران ہاتھوں میں ڈنڈے تھامے باوردی و سادہ کپڑوں میں ملبوس اہلکار پانچ سے چھ موٹر سائیکلوں پر وہاں پہنچتے دیکھے جا سکتے ہیں۔
سادہ کپڑوں میں ملبوس پولیسں اہلکار نوجوانوں کو کچھ کہہ کر اٹھاتا ہے اور کرسیوں کو اٹھا کر پھینکنا شروع کر دیتا ہے، دیگر موٹر سائیکلوں پر باوردی پولیس اہلکار بھی پہنچتے ہیں اور نوجوانوں کو تشدد کا نشانہ بناتے اور دھکے دیتے ہیں۔
فوٹیج میں باوردی پولیس اہلکاروں کو بڑھ بڑھ کر نوجوان کو تشدد کا نشانہ بناتے دیکھا جا سکتا ہے جبکہ پولیس اہلکار ایک نوجوان کو دھکا دیکر پیچھے دھکیلتے اور ایک نوجوان کو تشدد کا نشانہ بنا کر اٹھا کر موٹر سائیکل پر بٹھانے کی کوشش کی جاتی ہے، نوجوان کو زبردستی موٹر سائیکل پر بٹھایا جاتا ہے جس پر باوردی پولیس اہلکار دوبارہ اسکو تشدد کا نشانہ بناتے ہیں۔
ویڈیو میں دو سادہ کپڑوں میں ملبوس اہلکار نوجوان کو موٹر سائیکل پر درمیان میں بٹھا کر وہاں سے جاتے دیکھتے جا سکتے ہیں۔ بعدازاں، وردی پوش اور دیگر اہلکار بھی مختلف سمتوں میں جاتے دیکھے جا سکتے ہیں۔
سنگین صورتحال پر نوجوانوں کے لواحقین تھانہ وارث خان پہنچے تو پولیس نے اس قسم کے واقع اور نوجوان کو تھانے لانے سے ہی انکار کر دیا۔ اہلیان علاقہ بڑی تعداد میں تھانے جمع ہوئے اور سی سی ٹی وی موجود ہونے کا بتایا تو پولیس عملہ گھبرا گیا۔
جس گھر پر پولیس گردی کی گئی وہاں کے رہائشی راجا طلحہٰ نے پولیس کو پولیس عملے کے خلاف درخواست دی۔ سی سی ٹی وی فوٹیج سامنے آئی تو معاملہ سلجھانے کے لیے پولیس نے شہری کو چھوڑ کر منت سماجت شروع کر دی۔
راجا طلحہٰ نے کہا کہ ہمیں نہ کچھ بتایا گیا اور نہ کوئی شکایت تھی، سخت زیادتی کی گئی لہٰذا سی پی او راولپنڈی انصاف دیں۔ پولیس ترجمان کے مطابق ایس پی راول محمد حسیب انکوائری کر رہے ہیں۔
Tagsپاکستان.
ذریعہ
ذریعہ: Al Qamar Online
کلیدی لفظ: پاکستان سادہ کپڑوں میں ملبوس کو تشدد کا نشانہ پولیس اہلکار نوجوان کو
پڑھیں:
مشرق وسطیٰ کی صورتحال کنٹرول سے باہر ہوتی جارہی ہے، سیکریٹری جنرل اقوام متحدہ
نیویارک:اقوام متحدہ کے سیکریٹری جنرل انتونیو گوتریس نے خبردار کیا ہے کہ مشرق وسطیٰ کی صورتحال تیزی سے قابو سے باہر ہوتی جا رہی ہے اور پورا خطہ ایک ایسے خطرناک موڑ پر پہنچ چکا ہے جس کے نتائج ناقابلِ تصور ہو سکتے ہیں۔
سلامتی کونسل کے اجلاس سے خطاب کرتے ہوئے انتونیو گوتریس نے کہا کہ مشرقِ وسطیٰ ناقابلِ تصور تباہی کے کنارے پر کھڑا ہے اور خطہ مسلسل وسیع ہوتے ہوئے تصادم کے دائرے میں کھنچتا جا رہا ہے۔
انہوں نے کہا کہ صورتحال قابو سے باہر ہو رہی ہے ایک بحران دوسرے بحران کو جنم دے رہا ہے جبکہ ہر روز نئی کشیدگی مزید خطرناک حالات پیدا کر رہی ہے۔
اقوامِ متحدہ کے سربراہ کے مطابق جیسے جیسے تنازع پھیل رہا ہے ویسے ویسے سیاسی مقاصد پس منظر میں چلے جا رہے ہیں اور تصادم خود ہی ایک مستقل بحران کی شکل اختیار کرتا جا رہا ہے۔
انہوں نے عالمی برادری پر زور دیا کہ مزید کشیدگی کو روکنے اور خطے میں امن و استحکام کے لیے فوری اور مؤثر اقدامات کیے جائیں کیونکہ موجودہ حالات نہ صرف مشرقِ وسطیٰ بلکہ عالمی امن کے لیے بھی سنگین خطرہ بن سکتے ہیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی