ملت جعفریہ کا ایران پر اسرائیلی حملے کیخلاف کراچی میں عظیم الشان ریلی نکالنے کے اعلان
اشاعت کی تاریخ: 17th, June 2025 GMT
مشترکہ پریس کانفرنس سے خطاب کرتے ہوئے شیعہ ملی جماعتوں و رہنماؤں نے کہا کہ آج تمام اسلامیان جہان ایران کی پشت پر کھڑے ہیں، اس حساس صورتحال میں پاکستان سمیت عرب دنیا کا مؤقف دو ٹوک ہے کہ ایران اپنے دفاع کا حق محفوظ رکھتا۔ اسلام ٹائمز۔ اسلامی جمہوری ایران پر صہیونی اسرائیلی حملے کے خلاف کراچی کے پاک محرم ہال میں شیعہ ملی جماعتوں و رہنماؤں کی جانب سے مشترکہ پریس کانفرنس کی گئی، اس موقع پر علامہ سید ناظر عباس تقوی، علامہ صادق جعفری، حیدر عباس ثقفی، علامہ باقر حسین زیدی، علامہ بدر الحسنین، علامہ علی رضا مطہری، علامہ اطہر مشہدی، علامہ ڈاکٹر عقیل موسیٰ، صابر ابو مریم، غیور عباس و دیگر موجود تھے۔ ہنگامی پریس کانفرنس سے خطاب کرتے ہوئے علامہ ناظر تقوی نے کہا کہ ناجائز صیہونی ریاست کی جانب سے ایران پر مسلط کردہ جنگ کھلی جارحیت ہے، جس کی ہم بھرپور مذمت کرتے ہیں، ملت جعفریہ پاکستان ایران پر ہونے والے حملے کے خلاف 22 جون کو کراچی میں نمائش تا تبت سینٹر عظیم الشان ریلی نکالے گی، ایران پر ہونے والا اسرائیل کا حملہ بین الاقوامی قوانین، اقوام متحدہ کے چارٹر اور انسانی اقدار کی کھلی خلاف ورزی ہے۔ رہنماؤں نے کہا کہ اسرائیل کا وجود خطے میں ناسور بنتا جا رہا ہے، سامراج کسی کی آزادی کو تسلیم نہیں کرتا، تمام امت مسلمہ کو اس سامراجی حملے کی کھل کر مذمت کرنی چائیے۔ رہنماؤں نے کہا کہ ایران کے جوابی حملوں سے غاصب صیہونی ریاست اسرائیل کا غرور خاک میں مل رہا ہے، جبکہ دوسری طرف مظلوم فلسطینی عوام پر عرصہ دراز سے کیے جانے والے سنگین مظالم کا خاتمہ نزدیک ہے۔
علامہ صادق جعفری نے کہا کہ آج تمام اسلامیان جہان ایران کی پشت پر کھڑے ہیں، اس حساس صورتحال میں پاکستان سمیت عرب دنیا کا مؤقف دو ٹوک ہے کہ ایران اپنے دفاع کا حق محفوظ رکھتا۔ انہوں نے کہا کہ بھارت اور اسرائیل ایک ہی گود میں پلنے والے دو بچوں کی طرح ہیں اور عالمی صیہونی تحریک اور ہندوتوا دونوں استکبار کے مکروہ چہرے ہیں۔ حیدر عباس ثقفی نے کہا کہ پاکستان پر بھارتی جارحیت پر اسرائیل کی جانب سے بھارت کی پشت پناہی اور ایران پر اسرائیلی جارحیت پر بھارتی حمایت اور متشدد ہندؤں کی جانب سے اسرائیلی حمایت میں نکالی جانے والی ریلیاں اس بات کا ثبوت ہیں کہ بھارت اور اسرائیل دونوں کے مفادات اسلام مخالف ہیں۔ ان کا کہنا تھا کہ خداوند متعال کا لطف ہے کہ آج مسلمان دنیا میں وحدت و اتحاد کی ایک عظیم تصویر بنی ہوئی ہے۔ دیگر رہنماؤں نے کہا کہ ہم واضح کرنا چاہتے ہیں کہ عالم اسلام ظالم صیہونیت اور ہندوتوا کے دشمن، جبکہ مظلوم ایرانی کشمیری اور فلسطینی عوام کے حامی ہیں۔ رہنماؤں نے ایران میں مرد و خواتین اور بچوں کی شہادتوں پر دلی ہمدردی اور افسوس کا اظہار کرتے ہوئے ایرانی قوم سے تعزیت کی اور پسماندگان کیلئے صبر کی دعا کی۔
ذریعہ
ذریعہ: Islam Times
کلیدی لفظ: رہنماؤں نے کہا کہ کی جانب سے ایران پر
پڑھیں:
سعودیہ کی ابراہم معاہدوں میں شمولیت مشرقِ وسطیٰ میں تاریخی پیش رفت ہوگی، نیتن یاہو
عالمی خبر رساں ادارے کے مطابق اسرائیلی وزیراعظم کا اپنے بیان میں کہنا تھا کہ سعودی عرب کی ابراہم معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام، تعاون اور امن کے امکانات بھی بڑھ جائیں گے۔ اسلام ٹائمز۔ اسرائیلی وزیراعظم بنیامین نیتن یاہو نے کہا ہے کہ اگر سعودی عرب ابراہم معاہدوں میں شامل ہو جاتا ہے تو یہ مشرقِ وسطیٰ میں امن کے لیے ایک "تاریخی جست" ثابت ہوگی۔ عالمی خبر رساں ادارے کے مطابق نیتن یاہو نے اپنے بیان میں کہا کہ سعودی عرب کی ابراہم معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام، تعاون اور امن کے امکانات بھی بڑھ جائیں گے۔
اسرائیلی وزیراعظم کا یہ بیان امریکی صدر ڈونلڈ ٹرمپ کی جانب سے سعودی عرب کے مجوزہ سول جوہری معاہدے کو اسرائیل سے تعلقات معمول پر لانے سے مشروط کیے جانے کے بعد سامنے آیا ہے۔ صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر کہا تھا کہ امریکا اور سعودی عرب کے درمیان مجوزہ سول جوہری معاہدے کی حتمی منظوری اس وقت تک نہیں دی جائے گی جب تک سعودی عرب ابراہم معاہدوں میں شامل نہیں ہو جاتا۔
ٹرمپ نے یہ بھی واضح کیا تھا کہ مجوزہ معاہدہ صرف پُرامن اور غیر فوجی مقاصد کے لیے ہوگا اور اس کے تحت سعودی عرب کو یورینیئم افزودگی کی اجازت نہیں دی جائے گی۔واضح رہے کہ ایک روز قبل جب اس مجوزہ جوہری معاہدے کی ابتدائی منظوری کا اعلان کیا گیا تھا تو صدر ٹرمپ نے اسے سعودی عرب اور اسرائیل کے تعلقات معمول پر لانے کی شرط سے منسلک نہیں کیا تھا، تاہم بعد ازاں انہوں نے واضح کیا کہ دونوں معاملات ایک دوسرے سے وابستہ ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار