شندور پولو فیسٹیول: فلک بوس میدان میں روایت، جرأت اور ثقافت کی جیت
اشاعت کی تاریخ: 18th, June 2025 GMT
پاکستان کے شمالی پہاڑی سلسلے میں واقع شندور ٹاپ، جو سطح سمندر سے تقریباً 12 ہزار فٹ (3700 میٹر) کی بلندی پر ہے، دنیا کے بلند ترین پولو میدان کے طور پر شہرت رکھتا ہے۔
یہ بھی پڑھیں:شندور پولو کے فاتح گھوڑے کی لاہور میں اچانک ہلاکت، چترال پولو کے گھوڑے بیمار کیوں ہوئے؟
یہاں ہر سال جولائی میں پولو کا تاریخی میلہ سجتا ہے، تاہم رواں برس محرم الحرام کے تقاضوں کے پیشِ نظر یہ رنگا رنگ فیسٹیول جون میں منعقد کیا جا رہا ہے۔
یہ ثقافتی میلہ 1935ء میں اس وقت شروع ہوا، جب برطانوی عہدیدار لیفٹیننٹ کرنل ایولن ہی کوب نے مقامی بزرگ نیات قبول حیات کاکاخیل کے تعاون سے ’ماس جنالی‘ یعنی چاندنی رات کے پولو گراؤنڈ کی تعمیر کروائی۔
اگلے ہی برس یہ ایک سالانہ روایت بن گئی، اور تب سے گلگت بلتستان اور چترال کی ٹیمیں اس میں فری اسٹائل پولو کے سنسنی خیز مقابلے کرتی آ رہی ہیں، جو مہارت، طاقت اور جرات کا عملی مظاہرہ ہوتے ہیں۔
شندور میں کوئی مستقل انفرااسٹرکچر موجود نہیں؛ فیسٹیول کے دنوں میں یہاں خیمہ بستیاں قائم کی جاتی ہیں، جو سیاحوں کے لیے عارضی رہائش گاہ کا کام دیتی ہیں۔ یہاں نہ صرف مقامی بلکہ دنیا بھر سے آنے والے سیاح فطری حسن، برفیلے پہاڑوں، اور میدان میں گونجتی گھوڑوں کی ٹاپوں سے محظوظ ہوتے ہیں۔
یہ بھی پڑھیں:دنیا کی چھت ’شندور‘ میں واقع جھیل کا پانی کہاں سے آتا ہے؟
مقامی افراد اس موقع کو معاشی سرگرمی کے طور پر بھی استعمال کرتے ہیں۔ روایتی دستکاری، ثقافتی اشیا، خشک میوے اور علاقائی پوشاک کے اسٹالز لگائے جاتے ہیں، جو نہ صرف مہمانوں کو مقامی ثقافت سے روشناس کرواتے ہیں بلکہ ان کی توجہ کا مرکز بھی بن جاتے ہیں۔
اس فیسٹیول کے دوران موسم معتدل اور خوشگوار رہتا ہے۔ دن کے وقت ہلکی دھوپ اور ٹھنڈی ہواؤں کا امتزاج ماحول کو خوشگوار بناتا ہے، جبکہ راتیں خنکی لیے ہوتی ہیں، جنہیں خیموں میں جلائے گئے الاؤ کی گرمی سہارا دیتی ہے۔ علاقائی دھنوں پر رقص، لوک سازوں کی لے، اور روایتی مہمان نوازی اس جشن کو مزید یادگار بنا دیتی ہے۔
یوں شندور پولو فیسٹیول محض ایک کھیل کا ایونٹ نہیں بلکہ روایت، ثقافت اور جرات کا ایسا امتزاج ہے جو برسوں سے شمالی پاکستان کی پہچان بن چکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پولو پولو فیسٹیول چترال شندور شندور فیسٹیول گلگت لیفٹیننٹ کرنل ایولن ہی کوب.ذریعہ: WE News
کلیدی لفظ: پولو پولو فیسٹیول چترال شندور فیسٹیول گلگت
پڑھیں:
ایم ڈی کیٹ 2025: کراچی کے طلبہ نے میدان مار لیا، پہلی تینوں پوزیشنز کراچی کے نام
data-id="863a0a8" data-element_type="widget" data-widget_type="theme-post-content.default">
آئی بی اے سکھر یونیورسٹی کے ایم ڈی کیٹ ٹیسٹ 2025 کے ابتدائی نتائج کے مطابق کراچی کے طلبہ نے سندھ بھر میں نمایاں کارکردگی دکھاتے ہوئے پہلی تینوں پوزیشنز اپنے نام کر لیں جبکہ ٹاپ ٹین میں شامل 124 امیدواروں میں سے 41 کا تعلق بھی کراچی سے ہے۔
ابتدائی نتائج میں یہ بھی سامنے آیا ہے کہ سندھ کے مختلف تعلیمی بورڈز سے اے ون اور اے گریڈ لینے والے طلبہ کی بڑی تعداد ایم ڈی کیٹ میں کامیاب نہ ہو سکی۔ رپورٹ کے مطابق ایم بی بی ایس کے لیے 56 فیصد امیدوار ناکام ہوئے جبکہ بی ڈی ایس کے ٹیسٹ میں 48 فیصد امیدوار مطلوبہ نمبر حاصل نہیں کر سکے۔ ایم بی بی ایس میں 14300 امیدوار 55 فیصد یعنی 99 یا اس سے زائد نمبر لا کر کامیاب قرار پائے جبکہ بی ڈی ایس کے لیے 17123 امیدوار 50 فیصد یعنی 90 یا اس سے زائد نمبر حاصل کر کے پاس ہو سکے۔
نتائج میں بتایا گیا کہ کراچی ضلع غربی کے سید محمود خان ولد عدالت خان نے 180 میں سے 175 نمبر لے کر پہلی پوزیشن حاصل کی، جبکہ کورنگی کراچی کے فیصل اشرف خان ولد نوید اشرف اور قمبر شہداد کوٹ کے شیراز حسین ولد نیاز حسین مغیری 174 نمبر کے ساتھ دوسرے نمبر پر رہے۔ اسی طرح کراچی شرقی کے محمد ریان ہمایوں، کورنگی کی ماہ نور شاہنواز اور حیدرآباد کی حرا عابد نے 173 نمبر لے کر تیسری پوزیشن اپنے نام کی۔
وائس چانسلر آئی بی اے سکھر ڈاکٹر آصف شیخ کے مطابق ایم ڈی کیٹ 2025 کے عارضی نتائج جاری کر دیے گئے ہیں اور یکم نومبر شام 5 بجے تک امیدواران کو شکایات درج کرانے کی اجازت دی گئی ہے، جبکہ حتمی نتائج اتوار کی شام جاری کیے جائیں گے۔
وزیراعظم شہباز شریف 3 روزہ دورے پر سعودی عرب پہنچ گئے