جنگی صورت حال: ایران میں موجود پاکستانیوں کے لیے نئی ہدایات جاری
اشاعت کی تاریخ: 18th, June 2025 GMT
ایران اور اسرائیل کے درمیان جاری جنگی کشیدگی کے تناظر میں ایران میں مقیم پاکستانی شہریوں کے لیے اہم سفارتی ہدایات جاری کر دی گئی ہیں۔
تہران میں تعینات پاکستانی سفیر مدثر ٹیپو نے کہا ہے کہ موجودہ حالات کے باعث مواصلاتی نظام متاثر ہونے کا خدشہ ہے، اس لیے پاکستانی شہری اپنے موبائل یا لینڈ لائن نمبرز پر بیلنس اور کال پیکجز ہر وقت فعال رکھیں۔
یہ بھی پڑھیں امریکا سن لے، ایران سرینڈر نہیں کرے گا، ایرانی سپریم لیڈر آیت اللہ خامنہ ای کا دوٹوک اعلان
سفیر مدثر ٹیپو نے ایران میں موجود پاکستانیوں کو سفر کے دوران محتاط رہنے اور رابطے کے متبادل ذرائع ہمراہ رکھنے کی تلقین کی ہے۔
انہوں نے واضح کیاکہ ایران سے نکلنے والے پاکستانی اپنے پاسپورٹس پر ’خروج کی مہر‘ لگوانا یقینی بنائیں تاکہ آئندہ کسی قانونی پیچیدگی سے بچا جا سکے۔
ان کا مزید کہنا تھا کہ جو پاکستانی شہری ایران سے سرحد کے راستے نکلنے کا ارادہ رکھتے ہیں، وہ بارڈر بند ہونے کے اوقات سے پہلے متعلقہ کراسنگ پوائنٹس پر پہنچ جائیں، کیونکہ سرحد بند ہونے کے بعد بارڈر حکام سے رابطہ ممکن نہیں رہتا۔ انہوں نے تیسرے ملک سفر کرنے والے پاکستانیوں کو مشورہ دیا کہ وہ مطلوبہ ویزا لازمی اپنے ہمراہ رکھیں۔
مدثر ٹیپو کے مطابق ایران میں حالیہ دنوں میں سڑکوں پر شدید ٹریفک جام کی شکایات موصول ہو رہی ہیں جس کی وجہ سے سفر میں طویل وقت درکار ہو رہا ہے، اس لیے تمام پاکستانی شہری اپنے موبائل فون مکمل چارج رکھیں۔ خواتین، بچے اور بزرگ شہری خاص طور پر سفر کے دوران خصوصی احتیاط برتیں۔
یہ بھی پڑھیں ایرانی میزائلوں کو روکنے والے دفاعی میزائل ختم ہونے کے قریب، اسرائیلی پریشان
سفیر نے زور دیا کہ تمام پاکستانی سفارت خانہ تہران، قونصل خانہ مشہد اور زاہدان کے ہنگامی رابطہ نمبرز اپنے پاس محفوظ رکھیں اور کسی بھی ہنگامی یا مشکل صورتحال میں فوری طور پر قریبی سفارتی مشن سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایران اسرائیل کشیدگی پاکستان سفارتخانہ پاکستانیوں کے لیے نئی ہدایات وی نیوز.
ذریعہ
ذریعہ: WE News
کلیدی لفظ: ایران اسرائیل کشیدگی پاکستان سفارتخانہ وی نیوز پاکستانی شہری ایران میں کے لیے
پڑھیں:
مردان قتل کیس: ملزمان مغوی بچوں کو چارسدہ روڈ پر چھوڑ کر فرار، تحقیقات جاری
مردان میں خاتون سمیت 3 افراد کے بہیمانہ قتل کے مقدمے میں اہم پیشرفت سامنے آئی ہے، جہاں واردات کے بعد مقتولین کے 2 بچوں کو ساتھ لے جانے والے ملزمان بچوں کو چارسدہ روڈ پر چھوڑ کر فرار ہو گئے۔
میڈیا رپورٹس کے مطابق مردان کے علاقے شیخ ملتون میں گزشتہ روز پیش آنے والے افسوسناک واقعے میں مسلح ملزمان نے خاتون سمیت 3 افراد کو قتل کر دیا تھا۔ واردات کے بعد ملزمان مقتولین کے 2 کمسن بچوں اور گاڑی کو بھی اپنے ساتھ لے گئے تھے، جس پر علاقے میں شدید خوف و ہراس پھیل گیا تھا۔
یہ بھی پڑھیں:مردان، خواجہ سرا کو چھری کے وار سے قتل کردیا گیا
پولیس حکام کا کہنا ہے کہ بعد ازاں ملزمان دونوں بچوں کو چارسدہ روڈ پر چھوڑ کر نامعلوم مقام کی جانب فرار ہو گئے۔ بچوں کے محفوظ مل جانے پر اہل خانہ نے اطمینان کا اظہار کیا ہے، تاہم ملزمان تاحال قانون کی گرفت میں نہیں آ سکے۔
پولیس کے مطابق واقعے کے مختلف پہلوؤں سے تحقیقات کی جا رہی ہیں اور ملزمان کی گرفتاری کے لیے سرچ آپریشن اور چھاپوں کا سلسلہ جاری ہے۔ تفتیشی ٹیمیں شواہد اکٹھے کرنے کے ساتھ ساتھ ملزمان کے فرار کے راستوں کا بھی سراغ لگا رہی ہیں۔
یہ بھی پڑھیں:پشاور: 8 سالہ بچی مبینہ زیادتی کے بعد قتل، لاش ہمسائے کے صندوق سے برآمد
حکام کا کہنا ہے کہ قتل کی اس واردات کے محرکات اور پس منظر کا جائزہ لیا جا رہا ہے جبکہ واقعے میں استعمال ہونے والی گاڑی اور دیگر شواہد کی مدد سے ملزمان تک پہنچنے کی کوشش کی جا رہی ہے۔ پولیس نے امید ظاہر کی ہے کہ جدید تفتیشی ذرائع اور دستیاب شواہد کی مدد سے ملزمان کو جلد گرفتار کر لیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
قتل مردان
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ