فیلڈ مارشل عاصم منیر اور صدر ٹرمپ کی ملاقات پاک امریکا تعلقات میں مثبت پیشرفت ہے: بلاول بھٹو
اشاعت کی تاریخ: 18th, June 2025 GMT
پاکستان پیپلزپارٹی (پی پی پی) کے چیئرمین بلاول بھٹو زرداری نے کہا ہے کہ فیلڈ مارشل سید عاصم منیر اور امریکی صدر ڈونلڈ ٹرمپ کی ملاقات پاک امریکا تعلقات میں اہم اور مثبت پیشرفت کی عکاسی کرتی ہے۔
سماجی رابطے کی ویب سائٹ ایکس (سابق ٹوئٹر) پر جاری اپنے بیان میں بلاول بھٹو زرداری نے کہاکہ فیلڈ مارشل عاصم منیر آج امریکی صدر ٹرمپ سے ایک ظہرانے پر ملاقات کریں گے، جو نہ صرف پاک امریکہ سفارتی تعلقات میں نئی جہت کا اشارہ ہے بلکہ موجودہ عالمی حالات میں جاری جنگ بندی کی امریکی کوششوں کے تناظر میں بھی ایک اہم اقدام ہے۔
یہ بھی پڑھیں پاکستان امریکا تعلقات میں اہم پیشرفت، فیلڈ مارشل عاصم منیر کی ڈونلڈ ٹرمپ سے آج ملاقات طے
بلاول بھٹو نے کہاکہ پانچ روزہ حالیہ جنگ میں پاکستان نے بھارت کے خلاف فیصلہ کن برتری حاصل کی، جب کہ بدقسمتی سے بھارت نے نہ صرف امن کی کوششوں کو مسترد کیا بلکہ امریکی سفارت کاری کو بھی نظر انداز کیا۔
انہوں نے کہاکہ فیلڈ مارشل کے اعزاز میں وائٹ ہاؤس میں ظہرانہ دیا جانا امریکی خارجہ پالیسی میں پاکستان کی اسٹریٹجک اہمیت کو اجاگر کرتا ہے۔
بلاول بھٹو زرداری کا کہنا تھا کہ پاکستان نہ تو کسی تنازع کا خواہاں ہے اور نہ ہی بھارت سے بات چیت کے لیے بے تاب ہے، لیکن ہم سمجھتے ہیں کہ پائیدار امن دونوں ممالک کے مفاد میں ہے۔ پاکستان کا مؤقف واضح ہے کہ ہمارے تنازعات کا کوئی عسکری حل نہیں بلکہ سچ پر مبنی سفارتکاری ہی واحد راستہ ہے۔
چیئرمین پیپلز پارٹی نے بھارت کو تنقید کا نشانہ بناتے ہوئے کہاکہ بھارت کی آبی جارحیت، مقبوضہ کشمیر میں ظلم و جبر اور دہشتگردی کو سیاسی مقاصد کے لیے استعمال کرنا ایسے اقدامات ہیں جو زیادہ دیر قائم نہیں رہ سکتے۔
واضح رہے کہ فیلڈ مارشل سید عاصم منیر کی آج وائٹ ہاؤس میں امریکی صدر ڈونلڈ ٹرمپ اور ان کی کابینہ کے اہم ارکان سے ملاقات طے ہے، جو پاکستانی وقت کے مطابق رات 10 بجے ہوگی۔ اس موقع پر صدر ٹرمپ فیلڈ مارشل کے اعزاز میں خصوصی ظہرانہ بھی دیں گے۔
یہ بھی پڑھیں ایران نے بات کرنے کا پیغام بھجوایا ہے مگر میں نے کہا اب دیر ہوگئی، ڈونلڈ ٹرمپ
یہ ملاقات نہ صرف دوطرفہ اسٹریٹجک روابط کو مضبوط کرنے کا موقع فراہم کرے گی بلکہ علاقائی سیکیورٹی، اقتصادی تعاون اور سفارتی مفاہمت کے حوالے سے بھی اہم ثابت ہونے کی توقع ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکی صدر ڈونلڈ ٹرمپ سید عاصم منیر فیلڈ مارشل ملاقات وی نیوز.ذریعہ: WE News
کلیدی لفظ: امریکی صدر ڈونلڈ ٹرمپ فیلڈ مارشل ملاقات وی نیوز کہ فیلڈ مارشل امریکی صدر ڈونلڈ ٹرمپ بلاول بھٹو تعلقات میں
پڑھیں:
شنگھائی: بلاول بھٹو زرداری سے چین کی سب سے بڑی تعمیراتی کمپنی کے وفد کی ملاقات
پاکستان پیپلزپارٹی کے چیئرمین بلاول بھٹو زرداری سے چین کی سب سے بڑی تعمیراتی کمپنی چائنا اسٹیٹ کنسٹرکشن انجینئرنگ کارپوریشن (CSCC) کے اعلیٰ سطح وفد نے ملاقات کی۔
ملاقات کرنے والوں میں جنرل منیجر گے لیانگ، اسسٹنٹ جنرل منیجر ہانگ شیاؤ اور سیکریٹری وومینگ ینگ شامل تھے۔ بیلٹ اینڈ روڈ انفارمیشن انڈسٹری یونین کے مشیر سونگ لِنگ بن، چیف کنسلٹنٹ بے چی اور کنسلٹنٹ بے لِن نے بھی بلاول بھٹو زرداری سے علیحدہ ملاقات کی۔
مزید پڑھیں: شنگھائی: چیئرمین بلاول بھٹو زرداری کا فودان یونیورسٹی کا دورہ، پاک-چین دوستی کے مستقبل پر خطاب
چیئرمین پیپلزپارٹی کو بیلٹ اینڈ روڈ انیشیٹو کے تحت پاک چین اقتصادی راہداری (CPEC) سمیت اہم منصوبوں پر تفصیلی بریفنگ دی گئی۔ وفود نے انہیں ڈیجیٹل اور گرین انفرااسٹرکچر کے شعبوں میں سرمایہ کاری کے مواقع پر بھی آگاہ کیا۔
بلاول بھٹو زرداری نے دنیا بھر کے اہم تعمیراتی منصوبوں میں کلیدی کردار پر چائنا اسٹیٹ کنسٹرکشن انجینئرنگ کارپوریشن کی صلاحیتوں اور خدمات کو سراہا اور کہا کہ پاک چین تعاون سے ترقی کے نئے دور کا آغاز ہوگا۔
اس موقع پر چیئرمین کے ہمراہ سندھ حکومت کے سینئر وزیر شرجیل انعام میمن اور وزیر توانائی ناصر شاہ بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
CSCC بلاول بھٹو زرداری پاکستان پیپلزپارٹی تعمیراتی کمپنی چین شنگھائی
کرینہ کپور کے دلچسپ جواب پر مداحوں میں چہ میگوئیاں