پنجاب حکومت کی کارکردگی صرف اشتہارات تک محدود ہے
اشاعت کی تاریخ: 19th, June 2025 GMT
data-id="863a0a8" data-element_type="widget" data-widget_type="theme-post-content.default">
لاہور (وقائع نگارخصوصی ) امیر جماعت اسلامی پنجاب وسطی محمد جاوید قصوری نے کہا کہ پنجاب حکومت کی کارکردگی صرف اشتہارات تک محدود ہو کر رہ گئی ہے۔ عوام کو دو وقت کی روٹی میسر نہیں جبکہ وزیر اعلیٰ مریم نواز شریف خزانہ کا بے دریع استعمال کر رہی ہیں۔مہنگی بجلی اور ظالمانہ ٹیکسوں کے خاتمے تک جماعت اسلامی کی جدوجہد جاری رہے گی۔بجٹ میں ٹیکسوں میں اور اپنی مراعات میں کمی کرنے کی بجائے عوام کو ٹرک کی بتی کے پیچھے لگا دیا گیا ہے۔ انہوں نے کہا کہ وزیر اعلیٰ مریم نواز شریف کی ذاتی تشہیر پرروزانہ خزانے سے اربوں روپے خرچ ہو رہے ہیں اور کوئی پوچھنے والا نہیں۔بد قسمتی سے ایوانوں میں بیٹھے حکمران عیاشیوں میں مصروف ہیں مراعات اور میں اضافے کے لیے سیاسی فریقین ایک جگہ جمع ہوجاتے ہیں لیکن عوامی مسائل پرکوئی بات نہیں کرتا۔ان کا کہنا تھا کہ بجلی اور گیس کی قیمتوں میں کمی کر کے عوام کو ریلیف دیا جائے۔ جماعت اسلامی نے ہر مشکل میں عوام کا ساتھ دیا ہے۔ آبادی کا ایک چوتھائی حصہ غربت کی لکیر سے نیچے زندگی گزارنے پر مجبور ہے۔پاکستان کی ترقی اور معیشت کو مضبوط بنانے کیلئے ضروری ہے کہ حکمران قوم کے حالات پر رحم کریں، اللوں تللوں کو ختم اور انتظامی،اقتصادی و مالیاتی کمزوریو ں کو دور کیا جائے۔انہوں نے کہا کہ قدرتی اور انسانی وسائل سے بھر پور استفادہ کرنا ہو گا۔فوری اور سستے انصاف کی فراہمی کے ساتھ ساتھ امن وامان کی صورت حال کو مثالی بنانا وقت کی ضرورت ہے۔ حکومت کو ہر معاملے میں بچت کو فروغ دینا ہوگا۔محمد جاوید قصوری نے اس حوالے سے مزید کہا کہ حکمران آئی ایم ایف کو خوش کرنے کی غرض سے اپنے عوام خاص کر سرکاری ملازمین اوربوڑھے بزرگ پنشنروں کوقربانی کا بکرا بنارہے ہیں۔حکومت کئی محکمے اور ادارے ختم کر کے ملک میں موجودہ بے روزگاری کی شرح کومزید بڑھا رہی ہے۔موجودہ حکمرانوں نے عوام کو مایوسی کے اندھیر وں میں دھکیل دیا ہے۔
.
ذریعہ
ذریعہ: Jasarat News
کلیدی لفظ: عوام کو
پڑھیں:
فیلڈ مارشل عاصم منیر کا بلوچستان میں پائیدار امن کے عزم کا اعادہ
فیلڈ مارشل سید عاصم منیر نے کہا ہے کہ سکیورٹی فورسز اور قانون نافذ کرنے والے ادارے عوام کی بھرپور حمایت سے بلوچستان میں دیرپا امن کے قیام کے لیے پرعزم ہیں۔ انہوں نے اس عزم کا اظہار کیا کہ دہشت گردی اور اس کے سہولت کاروں کے خلاف کارروائیاں اپنے منطقی انجام تک جاری رہیں گی۔
پاک فوج کے شعبہ تعلقات عامہ (آئی ایس پی آر) کے مطابق 20ویں نیشنل ورکشاپ بلوچستان کے شرکاء نے جنرل ہیڈکوارٹرز (جی ایچ کیو) کا دورہ کیا، جہاں فیلڈ مارشل سید عاصم منیر نے شرکاء سے خطاب کرتے ہوئے قومی اتحاد، استحکام اور ثابت قدمی کی اہمیت پر زور دیا۔
فیلڈ مارشل نے کہا کہ بلوچستان پاکستان کا فخر ہے اور یہ صوبہ قدرتی وسائل سے مالا مال ہے۔ ان کے مطابق بلوچستان کے محب وطن، باصلاحیت، باہمت اور ثابت قدم عوام ہی اس صوبے کا سب سے قیمتی سرمایہ ہیں۔
انہوں نے کہا کہ وفاقی اور صوبائی حکومتوں کی جانب سے بلوچستان میں جاری ترقیاتی منصوبوں کا مقصد صوبے کی سماجی اور معاشی ترقی کو یقینی بنانا، عوام کے معیارِ زندگی کو بہتر بنانا اور خوشحالی کے نئے مواقع پیدا کرنا ہے۔
آئی ایس پی آر کے مطابق فیلڈ مارشل نے کہا کہ سکیورٹی فورسز اور قانون نافذ کرنے والے ادارے عوام کے تعاون سے بلوچستان میں امن و امان کے قیام کے لیے بھرپور کوششیں جاری رکھے ہوئے ہیں اور ان کی یہی مشترکہ کاوشیں صوبے میں پائیدار امن کی بنیاد بنیں گی۔
انہوں نے اس موقع پر کہا کہ فتنہ الخوارج اور فتنہ الہندوستان کے خلاف ٹارگٹڈ آپریشنز پوری قوت کے ساتھ جاری رہیں گے اور یہ کارروائیاں دہشت گردی اور اس کے سہولت کاروں کے مکمل خاتمے تک بلا تعطل جاری رہیں گی۔
فیلڈ مارشل سید عاصم منیر نے اس عزم کا اعادہ کیا کہ پاکستان کی مسلح افواج عوام کے اتحاد، عزم اور ثابت قدمی کی بدولت ہر قسم کے مذموم عزائم کو ناکام بنائیں گی اور ملکی سلامتی، خودمختاری اور استحکام کے تحفظ کے لیے اپنی ذمہ داریاں پوری کرتی رہیں گی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی