راولپنڈی: شوہر کے مبینہ تشدد سے تنگ آکر ماں بیٹی کی خودکشی، مقدمہ درج
اشاعت کی تاریخ: 19th, June 2025 GMT
راولپنڈی کے علاقے تھانہ دھمیال کی حدود گرجا روڈ پر افسوسناک واقعہ، ماں اور کم سن بیٹی نے مبینہ طور پر گھریلو جھگڑوں اور شوہر کے مسلسل تشدد سے تنگ آ کر زہریلی گولیاں کھا کر خودکشی کر لی۔ پولیس نے متوفیہ طاہرہ بی بی کے بھائی کی مدعیت میں شوہر شبیر اختر کے خلاف مقدمہ درج کر لیا ہے۔
ایف آئی آر کے مطابق مدعی محمد فیصل ولد محمد شفیع نے بیان دیا کہ اس کی بہن طاہرہ بی بی زوجہ شبیر اختر، جو 5 بچوں کی ماں تھی، کئی ماہ سے شوہر کے ہاتھوں لڑائی جھگڑے اور تشدد کا شکار تھی۔
فیصل کے مطابق 2 دن قبل 17 جون کو رات قریباً 9 بجے طاہرہ بی بی نے فون پر اطلاع دی کہ شبیر اختر نے اُس پر اور اُس کی بیٹی انسا بی بی پر تشدد کیا ہے۔ اگلے روز دوپہر ایک بجے ایک بار پھر جھگڑا ہوا اور اس بار ماں بیٹی نے شوہر کے رویے سے تنگ آ کر خودکشی کا فیصلہ کر لیا۔
مزید پڑھیں: سکھر: گھریلو ناچاقی پر بیوی نے شوہر کو قتل کردیا
مدعی نے پولیس کو بتایا کہ اُس کی موجودگی میں طاہرہ اور انسا نے زہریلی گولیاں کھائیں، جس کے بعد دونوں کو فوری طور پر بینظیر بھٹو اسپتال منتقل کیا گیا، مگر وہ جانبر نہ ہو سکیں۔ پولیس نے نعشیں قبضے میں لے کر پوسٹ مارٹم کے لیے منتقل کیں اور ابتدائی طور پر دفعہ 322 کے تحت مقدمہ درج کر لیا گیا ہے۔
پولیس ذرائع کے مطابق ملزم شبیر اختر کو حراست میں لے لیا گیا ہے، تاہم تاحال اس کی گرفتاری باقاعدہ طور پر ظاہر نہیں کی گئی۔ مقدمے کی تفتیش جاری ہے اور پولیس نے واقعے کے تمام پہلوؤں پر تفتیش شروع کر دی ہے۔
دوسری جانب پولیس کا کہنا ہے کہ ابتدائی شواہد کے مطابق واقعہ گھریلو ناچاقیوں اور مبینہ تشدد کا نتیجہ معلوم ہوتا ہے، تاہم تفتیش مکمل ہونے پر حقائق سامنے لائے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تھانہ دھمیال خود کشی راولپنڈی گرجا روڈ گھریلو جھگڑے اور شوہر کا تشدد.ذریعہ: WE News
کلیدی لفظ: تھانہ دھمیال راولپنڈی گرجا روڈ کے مطابق شوہر کے
پڑھیں:
کراچی، نوعمر لڑکے سے مبینہ طور پر زیادتی کی کوشش کرنے والے ملزمان گرفتار
کراچی:ابراہیم حیدری پولیس نے نوعمر لڑکے سے مبینہ طور پر زیادتی کی کوشش کرنے والے 2 ملزمان کو گرفتار کرلیا۔
ترجمان ڈسٹرکٹ ملیر کے مطابق ابراہیم حیدری پولیس نے بنگالی پاڑہ میں نوعمر لڑکے کو زیادتی کا نشانہ بنانے کی کوشش ناکام بناتے ہوئے بروقت کارروائی کر کے 2 ملزمان کو گرفتار کرلیا۔
ترجمان نے بتایا کہ ملزمان کی شناخت فراز اور حمزہ کے نام سے ہوئی ہے، گرفتار ملزمان بچے کو دوست سے ملوانے کا جھانسہ دے کر اپنے ہمراہ لے گئے تھے تاہم پولیس نے اطلاع ملتے ہی موقع پر پہنچ کر دونوں ملزمان کو گرفتار کرلیا۔
ضلعی ترجمان نے بتایا کہ بچے کو پولیس نے جسمانی معائنے کے لیے اسپتال منتقل کر دیا ہے اور دونوں ملزمان کے خلاف مقدمہ درج کرکے مزید تفتیش کا عمل جاری ہے۔
حکومت چلانے کیلئے آپ کے مشوروں کی ضرورت نہیں، گورنر پنجاب کے خط پر عظمی بخاری کا ردعمل