20 کروڑ موبائل صارفین کی حد عبور ہونے پر خواتین کو مفت موبائل فون دینے کا اعلان
اشاعت کی تاریخ: 19th, June 2025 GMT
پاکستان نے ایک اہم ڈیجیٹل ہدف حاصل کرتے ہوئے 20 کروڑ موبائل صارفین کی تاریخی حد عبور کرلی ہے۔ اس سنگِ میل کی مناسبت سے اسلام آباد میں ایک خصوصی تقریب کا انعقاد کیا گیا، جس میں 200 خوش نصیب خواتین کو مفت موبائل فونز دینے کا اعلان کیا گیا۔
تقریب میں کمپیوٹرائزڈ قرعہ اندازی کے ذریعے کامیاب خواتین کے ناموں کا اعلان وفاقی وزیر برائے آئی ٹی و ٹیلی کام شزہ فاطمہ خواجہ اور پی ٹی اے چیئرمین نے مشترکہ طور پر کیا۔
یہ بھی پڑھیں پاکستانی خواتین میں موبائل انٹرنیٹ کے استعمال کا بڑھتا رجحان اہم کیوں؟
وفاقی وزیر شزہ فاطمہ نے اپنے خطاب میں کہاکہ پاکستان کی نوجوان نسل ہمارا سب سے قیمتی اثاثہ ہے۔ ہم چاہتے ہیں کہ ہر شہری کو تیز رفتار اور پائیدار انٹرنیٹ کی سہولت حاصل ہو، تاکہ وہ ترقی کے نئے مواقع سے فائدہ اٹھا سکیں۔
انہوں نے مزید کہاکہ حکومت جلد اسپیکٹرم نیلامی کا عمل مکمل کرے گی اور نیشنل فائبرائزیشن پالیسی، ساتھ ہی سب میرین کیبلز کی توسیع کو بھی ترجیحات میں شامل رکھا گیا ہے۔
خواتین کو بااختیار بنانے کی حکمتِ عملی
شزہ فاطمہ نے اس بات پر خوشی کا اظہار کیا کہ ملک بھر میں خواتین کی ڈیجیٹل رسائی میں تیزی سے اضافہ ہو رہا ہے۔ انہوں نے کہاکہ اب تک 12 لاکھ سے زیادہ لیپ ٹاپ طلبا کو فراہم کیے جا چکے ہیں۔ خواتین کی شمولیت یقینی بنانے کے لیے موبائل ڈیوائسز اور انٹرنیٹ تک ان کی رسائی بڑھانا ہماری اولین ترجیح ہے۔
پی ٹی اے کا مؤقف
چیئرمین پاکستان ٹیلی کمیونیکیشن اتھارٹی نے کہاکہ 20 کروڑ موبائل صارفین تک پہنچنا ملک کی ڈیجیٹل ترقی کی عکاسی کرتا ہے۔ انہوں نے اس کامیابی کو عوام، حکومت اور نجی شعبے کی مشترکہ کاوشوں کا نتیجہ قرار دیا۔
یہ بھی پڑھیں موبائل لائبریریوں کے ذریعے تعلیم کا فروغ اور خواتین کو بااختیار بنانے کا مشن
پاکستان میں ڈیجیٹل خدمات کی فراہمی اور موبائل رسائی میں حالیہ برسوں میں نمایاں بہتری آئی ہے۔ حکومت کا دعویٰ ہے کہ یہ اقدامات نہ صرف ڈیجیٹل معیشت کو فروغ دیں گے بلکہ خواتین، طلبہ اور نوجوانوں کے لیے روزگار، تعلیم اور بااختیاری کے نئے دروازے کھولیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اعلان چیئرمین پی ٹی اے حد عبور خواتین کے لیے مفت موبائل فون شزہ فاطمہ خواجہ موبائل صارفین وزیر آئی ٹی وی نیوز.ذریعہ: WE News
کلیدی لفظ: اعلان چیئرمین پی ٹی اے شزہ فاطمہ خواجہ موبائل صارفین وزیر ا ئی ٹی وی نیوز موبائل صارفین خواتین کو شزہ فاطمہ کے لیے
پڑھیں:
خواتین کے پیٹ کے گرد چربی کیوں بڑھتی ہے؟
بہت سی خواتین کے لیے پیٹ کے گرد چربی ایک عام مگر تشویشناک مسئلہ ہے۔ یہ صرف ظاہری تبدیلی نہیں بلکہ ذیابیطس، دل کی بیماری اور ہارٹ اٹیک جیسے خطرات سے بھی جڑی ہے۔
آئیے جانتے ہیں کہ خواتین میں پیٹ کی چربی بڑھنے کی بنیادی وجوہات، علامات اور اس سے نجات کے طریقے کیا ہیں۔
پیٹ کی چربی بڑھنے کی وجوہاتہارمونی تبدیلیاں
سنِ یاس (Menopause) کے دوران ایسٹروجن کی سطح کم ہونے لگتی ہے جس کے باعث جسم میں چربی جمع ہونے کا طریقہ بدل جاتا ہے اور زیادہ تر پیٹ کے گرد جمع ہوتی ہے۔
مزید پڑھیں: پیٹ کی چربی کم کرنے کے لیے ناشتے میں کون سی غذائیں شامل کریں؟
عمر اور میٹابولزم کی کمی
عمر بڑھنے کے ساتھ میٹابولزم سست ہو جاتا ہے اور پٹھوں کی مضبوطی کم ہونے لگتی ہے، جس سے پیٹ پر چربی زیادہ جمع ہوتی ہے۔
تناؤ اور ہارمون کارٹیسول
مسلسل ذہنی دباؤ کارٹیسول کی سطح بڑھا دیتا ہے جو براہِ راست پیٹ کی چربی کو بڑھاتا ہے۔
غیر صحت مند خوراک
میٹھے مشروبات، جنک فوڈ، سفید آٹا اور تلی ہوئی اشیا پیٹ کے گرد چربی جمع کرنے میں اہم کردار ادا کرتے ہیں۔
ورزش کی کمی
بیٹھے رہنے کی عادت یا جسمانی سرگرمی کی کمی اضافی کیلوریز کو چربی میں بدل دیتی ہے، جو زیادہ تر پیٹ میں جمع ہوتی ہیں۔
مزید پڑھیں: پیٹ کی چربی کی وجوہات اور اسے ختم کرنے کے آسان طریقے
جینیاتی عوامل
کچھ خواتین میں قدرتی طور پر پیٹ کے گرد چربی جمع ہونے کا رجحان زیادہ ہوتا ہے۔
نیند کی کمی
ناکافی یا غیر معیاری نیند بھوک کے ہارمونس (لیپٹن اور گھریلن) کو متاثر کرتی ہے، جس سے کھانے کی خواہش بڑھتی ہے اور پیٹ کی چربی زیادہ ہونے لگتی ہے۔
طبی مسائل اور ادویات
تھائیرائیڈ کے مسائل، پولی سسٹک اووریز (PCOS) یا کچھ دوائیں (جیسے کورٹیسون) بھی پیٹ کی چربی بڑھا سکتی ہیں۔
علاماتکمر کا گھیر 35 انچ (88 سینٹی میٹر) سے زیادہ ہونا خطرناک سمجھا جاتا ہے۔
مزید پڑھیں: کافی پینے سے جگر کی چربی کم ہونے کا امکان
پیٹ کے گرد مستقل پھولا ہوا یا بھاری پن محسوس ہونا۔
ذیابیطس اور دل کی بیماریوں کا بڑھتا ہوا خطرہ۔
نجات کے طریقےمتوازن غذا: سبزیاں، دالیں، پھل، دبلا گوشت اور اجناس کھائیں، جبکہ شکر اور سفید آٹے سے پرہیز کریں۔
باقاعدہ ورزش: واک، سائیکلنگ اور تیراکی کے ساتھ ساتھ ہلکی پھلکی ویٹ ٹریننگ کریں۔
تناؤ پر قابو: یوگا، مراقبہ اور سانس کی مشقیں مددگار ہیں۔
بہتر نیند: روزانہ 7 سے 9 گھنٹے کی پرسکون نیند لیں۔
الکحل اور غیر صحت مند مشروبات سے پرہیز: یہ پیٹ کی چربی کو بڑھاتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان