ٹیکسٹائل مل کا مشکلات کے باعث لیز پر لیا گیا اسپننگ یونٹ بند
اشاعت کی تاریخ: 20th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی(کامرس رپورٹر)آرکٹک ٹیکسٹائل ملز لمیٹڈنے پاکستان میں اسپننگ سیکٹر کی موجودہ خراب صورتحال کے پیش نظر اپنے لیز پر لیے گئے اسپننگ یونٹ کی سرگرمیاں فوری طور پر بند کرنے کا اعلان کر دیا ہے۔یہ بات کمپنی نے جمعرات کے روز پاکستان اسٹاک ایکسچینج کو جاری کردہ نوٹس میں بتائی۔ آرکٹک ٹیکسٹائل ملز لمیٹڈنیجو پہلے خورشید اسپننگ ملز کے نام سے جانی جاتی تھی نے اپنے ایک بیان میں بتایا کہ بورڈ آف ڈائریکٹرز نے 19 جون 2025 کو ہونے والے اجلاس میں فوری طور پر لیز ہولڈ اسپننگ یونٹ کے استعمال کو بند کرنے کا فیصلہ کیا ہے۔کمپنی کے بیان میں کہا گیا کہ یہ فیصلہ پاکستان بھر میں اسپننگ سیکٹر کی موجودہ خراب صورتحال کو مدنظر رکھتے ہوئے کیا گیا، جس میں طلب میں مسلسل کمی، پیداواری لاگت میں اضافہ، اور مارکیٹ میں غیر یقینی صورتحال شامل ہیں۔ ان حالات کے باعث لیز پر لیا گیا اسپننگ یونٹ تجارتی طور پر قابلِ عمل نہیں رہا۔پاکستان کا ٹیکسٹائل سیکٹر ملکی معیشت میں کلیدی کردار ادا کرتا ہے اور برآمدات و مجموعی قومی پیداوار میں نمایاں حصہ رکھتا ہے۔ تاہم یہ شعبہ اس وقت کئی چیلنجز کا سامنا کر رہا ہے، جن میں ایکسپورٹ فیسلیٹیشن اسکیم سے متعلق مسائل اور مہنگی توانائی لاگت شامل ہیں۔گزشتہ ہفتے حکومت نے اپنے وفاقی بجٹ میں درآمدی کاٹن یارن پر 18 فیصد سیلز ٹیکس عائد کیا۔ آل پاکستان ٹیکسٹائل ملز ایسوسی ایشن (اپٹما) نے اس فیصلے کو سراہتے ہوئے حکومت سے مطالبہ کیا کہ وہ یہ 18 فیصد سیلز ٹیکس تمام اقسام کے درآمدی یارن اور فیبرکس چاہے وہ کاٹن کے ہوں یا پالیسٹر کے پر بھی لاگو کرے۔
.ذریعہ: Jasarat News
کلیدی لفظ: اسپننگ یونٹ
پڑھیں:
ایران میں پھنسے پاکستانیوں کی واپسی کیلئے پی آئی اے پروازوں کا آغاز
data-id="863a0a8" data-element_type="widget" data-widget_type="theme-post-content.default">
کراچی: ایران میں پھنسے پاکستانیوں کی بحفاظت واپسی کے مشن کا آغاز ہوگیا ہے اور پاکستان انٹرنیشنل ایئر (پی آئی اے) نے ایران میں پھنسے پاکستانیوں کی واپسی کے لیے خصوصی پروازوں کا آپریشن شروع کر دیا ہے۔
پی آئی اے ذرائع نے بتایا کہ پی آئی اے کا خصوصی طیارہ ترکمانستان کے دارالحکومت اشک آباد روانہ ہوگیا ہے جبکہ ایرانی شہر مشہد سے 150 پاکستانیوں کو ترکمانستان کے دارالحکومت اشک آباد پہنچایا گیا ہے، جنہیں ایران سے اشک آباد پہنچنے کی ہدایت کی گئی تھی۔
ذرائع نے بتایا کہ کئی روز سے ایران میں پھنسے ان پاکستانیوں کو اشک آباد سے لے کر خصوصی پرواز رات واپس پاکستان پہنچے گی۔
ایرانی فضائی حدود کی بندش کی وجہ سے پاکستانی ایران میں پھنسے ہوئے تھے تاہم ایران میں پاکستانی سفارت خانے کے حکام کی مدد سے ہم وطنوں کو پہلے اشک آباد پہنچانے کے انتظامات کیے گئے ہیں۔
ذرائع نے مزیدبتایا کہ مزید پروازوں کے لیے حکومتی ہدایت پر پی آئی اے اپنا خصوصی فلائٹ آپریشن جاری رکھے گا۔
ایران پر اسرائیلی حملے: پی آئی اے نے فلائٹ پلان تبدیل کردیا