کولمبین ڈیری کمپنی نے پنیر چکھنے کا عالمی ریکارڈ اپنے نام کر لیا
اشاعت کی تاریخ: 20th, June 2025 GMT
کولمبیا کی ڈیری کمپنی نے اپنی 80ویں سالگرہ کے موقع پر دنیا کی سب سے بڑی پنیر چکھنے کی تقریب کا انعقاد کر کے ایک نیا عالمی ریکارڈ قائم کر دیا، جس میں 1,185 افراد نے شرکت کی۔
گنیز ورلڈ ریکارڈز نے تصدیق کی ہے کہ ’الپینا پروڈکٹوس الیمنٹیسیوس ایس اے ایس بی آئی سی‘ نے دنیا کی سب سے بڑی پنیر چکھنے کی تقریب کا ریکارڈ حاصل کیا، جب کونڈینامارکا کے شہر سوپو میں 1,185 افراد نے مختلف اقسام کی ڈیری مصنوعات کا ذائقہ چکھا۔
کولمبیا میں قائم کردہ یہ حالیہ ریکارڈ آسٹریلیا کی کینگرو ویلی ایگریکلچرل اینڈ ہارٹیکلچرل ایسوسی ایشن سے چھینا گیا ہے، جہاں 2019 میں 1,000 افراد کے ساتھ پنیر چکھنے کی تقریب منعقد کی گئی تھی۔
گنیز ورلڈ ریکارڈز کے قوانین کے مطابق، تمام شرکا کو 3 اقسام کے پنیر چکھنا ہوتے ہیں، اس موقع پر جن پنیر کی اقسام کو منتخب کیا گیا، وہ گرویئر، سوپو، اور آرگوویا تھیں۔
گنیز ورلڈ ریکارڈز کی منصف ناتالیا رامیرز کے مطابق یہ تقریب نہ صرف پنیر چکھنے کے فن کا جشن ہے، بلکہ یہ الپینا کی ڈیری صنعت میں عمدگی کے عزم کو بھی اجاگر کرتی ہے۔ انہوں نے اس تاریخی سنگ میل کو ممکن بنانے پر تمام شرکا کو مبارکباد بھی دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلیا الپینا پروڈکٹوس الیمنٹیسیوس پنیر ڈیری کمپنی سوپو کولمبیا کونڈینامارکا کینگرو ویلی ایگریکلچرل اینڈ ہارٹیکلچرل ایسوسی ایشن گنیز ورلڈ ریکارڈز.
ذریعہ
ذریعہ: WE News
کلیدی لفظ: آسٹریلیا ڈیری کمپنی سوپو کولمبیا کونڈینامارکا گنیز ورلڈ ریکارڈز گنیز ورلڈ ریکارڈز
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار