ٹرمپ اور نیتن یاہو کی پاکستان کو دھمکیاں؟ وائرل ویڈیوز کی حقیقت کیا ہے؟
اشاعت کی تاریخ: 20th, June 2025 GMT
حالیہ دنوں سوشل میڈیا پر دو ویڈیوز تیزی سے وائرل ہوئی ہیں، جن میں امریکی رہنما ڈونلڈ ٹرمپ اور اسرائیلی وزیراعظم بنیامین نیتن یاہو کو پاکستان کے حوالے سے متنازع بیانات دیتے ہوئے دکھایا گیا ہے۔
ان ویڈیوز کے منظرعام پر آنے کے بعد عوامی حلقوں میں شدید تشویش کی لہر دوڑ گئی اور کئی جانب سے ان بیانات کی مذمت کی جارہی ہے۔ عوامی ردعمل کے بعد فیکٹ چیک ٹیم نے ان ویڈیوز کی حقیقت جاننے کے لیے تحقیقات کیں۔
کیا ٹرمپ نے واقعی پاکستان کو ایران-اسرائیل تنازع سے دور رہنے کی ہدایت کی؟
سوشل میڈیا پر ایک ویڈیو میں ڈونلڈ ٹرمپ کو یہ کہتے ہوئے دکھایا گیا کہ ’’پاکستان کو اسرائیل اور ایران کے تنازع میں مداخلت نہیں کرنی چاہیے۔‘‘
ویڈیو میں انہیں یہ بھی کہتے ہوئے دکھایا گیا کہ خواجہ آصف نے اسرائیل کو دھمکی دی ہے، جبکہ پاکستان اپنی فوجی طاقت کے ساتھ الرٹ ہے۔ تاہم، حقیقت یہ ہے کہ یہ ویڈیو مصنوعی ذہانت (AI) کے ذریعے تیار کی گئی ہے۔
AI کی نشاندہی: ویڈیو میں ٹرمپ کے چہرے کے تاثرات غیر فطری ہیں، آواز میں روبوٹک لہجہ پایا جاتا ہے، اور الفاظ کے ادائیگی میں بے ربطگی نظر آتی ہے۔
ٹائم لائن کا تضاد: ویڈیو میں استعمال ہونے والی فوٹیج دراصل 30 مئی 2025 کی ہے، جبکہ ایران-اسرائیل تنازع 13 جون کو شروع ہوا۔
کوئی معتبر ذکر نہیں: امریکی میڈیا میں ٹرمپ کے اس طرح کے کسی بیان کا کوئی ریکارڈ موجود نہیں۔
لہٰذا، یہ دعویٰ بالکل غلط ہے کہ ٹرمپ نے پاکستان کو موجودہ تنازع سے متعلق کوئی ہدایت جاری کی ہے۔
کیا نیتن یاہو نے پاکستان کو جوہری دھمکی دی؟
دوسری وائرل ویڈیو میں نیتن یاہو کو کہتے ہوئے دکھایا گیا ہے کہ ’’ہمیں ایران اور پاکستان کو جوہری ہتھیاروں سے روکنا ہوگا۔‘‘ تاہم، یہ ویڈیو بھی گمراہ کن ہے۔
14 سال پرانا بیان: یہ کلپ دراصل 2011 کا ہے، جب نیتن یاہو نے ایک انٹرویو میں کہا تھا کہ اگر طالبان پاکستان پر قبضہ کرلیں تو جوہری خطرہ بڑھ سکتا ہے۔ انہوں نے براہ راست پاکستان کو دھمکی نہیں دی تھی۔
سیاق و سباق کو مسخ کیا گیا: وائرل ویڈیو میں ’’طالبان کے قبضے‘‘ والا حصہ حذف کردیا گیا، جس سے غلط تاثر دیا گیا کہ یہ بیان حالیہ ہے اور پاکستان کو نشانہ بنایا گیا ہے۔
نتیجہ
سوشل میڈیا پر وائرل ہونے والی یہ دونوں ویڈیوز جعلی یا گمراہ کن ہیں۔ نہ ٹرمپ نے پاکستان کو موجودہ تنازع سے متعلق کوئی ہدایت دی ہے، اور نہ ہی نیتن یاہو نے حالیہ دنوں میں پاکستان کو کوئی دھمکی دی ہے۔ صارفین سے گزارش ہے کہ ایسی ویڈیوز کو شیئر کرنے سے پہلے ان کی تصدیق ضرور کریں۔
.
ذریعہ
ذریعہ: Express News
کلیدی لفظ: پاکستان کو نیتن یاہو ویڈیو میں
پڑھیں:
ایران کے ساتھ مذاکرات جاری ہیں، ڈونلڈ ٹرمپ
امریکا کے صدر ڈونلڈ ٹرمپ نے ایران کے ساتھ مذاکرات معطلی کی رپورٹس کو بے بنیاد قرار دیتے ہوئے کہا ہے کہ ہمارے درمیان مذاکرات جاری ہیں۔
سوشل میڈیا پلیٹ فارم ٹرتھ سوشل پر جاری بیان میں ڈونلڈ ٹرمپ نے کہا کہ یہ جعلی خبریں کہ ایران اور امریکا کے درمیان چند روز قبل بات چیت بند ہوئی ہے، یہ سب غلط اور بے بنیاد خبریں ہیں۔
انہوں نے کہا کہ ہمارے درمیان بات چیت مسلسل جاری ہے جو چار دن پہلے، تین دن پہلے، دو دن پہلے، ایک دن پہلے اور آج بھی جاری رہے ہیں۔
ڈونلڈ ٹرمپ نے مذاکرات کے حوالے سے کہا کہ یہ کہاں تک پہنچتے ہیں کوئی نہیں جانتا لیکن میں نے ایران کو کہا ہے کہ کسی نہ کسی صورت آپ معاہدہ کریں، آپ گزشتہ 47 سال سے یہی کر رہے ہیں اور اس کو کسی صورت مزید جاری رکھنے کی اجازت نہیں دی جاسکتی ہے۔
https://truthsocial.com/@realDonaldTrump/posts/116681581361115247قبل ازیں امریکی سیکریٹری اسٹیٹ مارکو روبیو نے سینیٹ کی خارجہ کمیٹی کو بتایا ہے کہ ایران کے جوہری پروگرام پر مذاکرات میں چند ماہ کا عرصہ لگ سکتا ہے اور اس کے لیے ماہرین کی ٹیم درکار ہوگی جو معاملات طے کرے گی۔
انہوں نے کہا کہ ایران کے ساتھ معاہدے کے لیے بغیر ٹول کے آبنائے ہرمز بحال کرنے کی ضرورت ہے جبکہ امریکا نے آبنائے ہرمز کی بحالی کے لیے ایران کو پابندیوں میں نرمی کی پیش کش نہیں کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ