آسٹریا کی جوڈو پلئیر و سائیکلسٹ سبرینا فلزموزر کراچی سے K2 کے سفر پر گامزن
اشاعت کی تاریخ: 21st, June 2025 GMT
آسٹریا سے تعلق رکھنے والی اولمپک جوڈو پلئیر، مہم جو اور سائیکلسٹ سبرینا فلزموزر اس وقت پاکستان میں ایک منفرد اور جرات مندانہ مشن پر ہیں۔
Sea to Summitکے عنوان سے جاری اس مشن کا آغاز انہوں نے 21 مئی کو کراچی سے کیا اور اب تک وہ 2324 کلومیٹر کا سفر طے کرتے ہوئے اسکردو پہنچ چکی ہیں۔
سبرینا نہ صرف 4 بار اولمپکس میں جوڈو کی نمائندگی کر چکی ہیں بلکہ وہ 4 مرتبہ عالمی چیمپئن شپ میں بھی حصہ لے چکی ہیں۔ ان کا جذبہ اور محنت قابل تقلید ہے۔
یہ بھی پڑھیں: گلگت بلتستان: اسکائی سائیکلنگ اور زپ لائن ایڈونچر نے سیاحوں کے دل جیت لیے
اپنے مشن کے حوالے سے گفتگو کرتے ہوئے انہوں نے کہا کہ کراچی سے اسکردو تک میں نے مکمل روڈ سائیکلنگ کی ہے اور اب اسکردو سے اسکولی گاؤں تک ماونٹین سائیکلنگ کا مرحلہ شروع ہوگا۔
انہوں نے کہا کہ اسکولی سے آگے K2 تک میں پیدل سفر کروں گی جہاں جولائی کے آخر میں K2 کو سر کرنے کی کوشش کا آغاز کروں گی۔
سبرینا کا یہ مشن محض جسمانی آزمائش کا نام نہیں بلکہ ثقافتی اور انسانی روابط کی ایک حسین داستان بھی ہے۔
مزید پڑھیے: لاہور ہائیکورٹ : اسموگ کے تدارک کے لیے سائیکلنگ کو فروغ دینے کی ہدایت
انہوں نے دوران سفر کراچی، لاہور اور دیگر شہروں کے جوڈو کلبز اور سائیکلنگ کلبز کا دورہ کیا جہاں انہوں نے لیکچرز دیے اور اپنے تجربات شیئر کیے۔
اسلام آباد میں ان کی ملاقات پاکستان نیوی اور پاک فوج کے جوڈو پلیئرز سے بھی ہوئی جبکہ خواتین، بچوں اور مختلف خاندانوں سے مل کر وہ پاکستانی معاشرے کے مختلف پہلوؤں سے روشناس ہوئیں۔
سبرینا نے کہا کہ ’میرے لیے یہ سفر کئی لحاظ سے مشکل ہے لیکن پاکستان کے خوبصورت لوگ، علاقے، ثقافت اور تہذیب میری ہر مشکل کو آسان بنا دیتے ہیں۔ یہاں کے لوگوں نے میرے حوصلے کو مزید مضبوط کیا ہے‘۔
مزید پڑھیں: مقامی و غیر ملکی کوہ پیماؤں نے اسپانٹک چوٹی سر کرلی
انہوں نے کہا کہ میرا مقصد ہے کہ خواتین ہر میدان میں آگے آئیں چاہے وہ سائیکلنگ ہو، کوہ پیمائی یا کوئی اور شعبہ۔
سبرینا فلزموزر کا یہ مشن پاکستان کی سرزمین پر ایک نئی امید اور حوصلے کی علامت بن کر ابھرا ہے اور ان کا جذبہ پاکستانی نوجوانوں، بالخصوص خواتین کے لیے ایک مثال ہے۔ مزید تفصیل جانیے اس ویڈیو رپورٹ میں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریا کی اولمپک جوڈو پلئیر، مہم جو اور سائیکلسٹ سبرینا فلزموزر سبرینا فلزمورز کراچی سے کے 2.ذریعہ: WE News
کلیدی لفظ: سبرینا فلزمورز کراچی سے کے 2 سبرینا فلزموزر نے کہا کہ کراچی سے انہوں نے
پڑھیں:
گرمی کا توڑ پشاوری فالودہ جسے دیکھ کر منہ میں پانی بھر آئے
یوں تو پشاور مختلف کھانوں کے لحاظ سے بھی بہت مشہور ہے اور ملک کے دیگر شہروں میں اس کا ایک منفرد مقام ہے لیکن یہاں ایک اور چیز بھی تیار کی جاتی ہے جو شدید گرمی کا توڑ اور انتہائی خوش ذائقہ ہے۔
یہ بھی پڑھیں: صحت کا خزانہ: تخمِ بالنگو المعروف تخمِ ملنگا کے حیران کن فوائد
وہ ہے قلفی اور سویوں سے بنا پشاوری فالودہ۔ پشاور کے تاریخی قصہ خوانی بازار میں قدیم دکانیں آج بھی آباد ہیں جہاں سویّوں، قلفی اور پھلوں کی مدد سے انتہائی ذائقے دار فالودہ تیار کیا جاتا ہے۔
دکانداروں کے مطابق اس قدیم و روایتی فالودے کی ترکیب بھی بہت قدیم ہے جس کی خاص بات اس میں استعمال کی جانے والی ہوم میڈ سویاں اور خالص دودھ کی قلفی ہے جبکہ اس کے اوپر پھل او روایتی گلابی شربت بھی ڈالا جاتا ہے۔
بعض جگہوں پر اسے مزید خاص بنانے کے لیے اس میں ربڑی، بادام، پستہ اور آئس کریم کا اضافہ بھی کیا جاتا ہے۔
مزید پڑھیے: پشاور: قصہ خوانی بازار اور قہوے کا آپس میں کیا تعلق ہے؟
دکانداروں کا کہنا ہے کہ پشاوری فالودے کا ذائقہ میٹھا اور فرحت بخش ہوتا ہے جو گرمی کی شدت کو منٹوں میں ختم کر دیتا ہے اس لیے یہ کہا جائے تو بیجا نہ ہوگا کہ اس سخت گرمی کا توڑ پشاوری فالودہ ہے۔ مزید مزیدار باتیں جانیے اس ویڈیو رپورٹ میں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پشاور پشاوری فالودہ قصہ خوانی بازار گرمی کا توڑ مزیدار پشاوری فالودہ
پاکستان کو FATF میں سفارتی فتح کیسے ملی ،عالمی برادری نےبھارتی پراپیگنڈےپر کیوں توجہ نہیں دی