جماعت اسلامی یوتھ ڈیجیٹل سمٹ کل اسلام آبادمیں ہوگی
اشاعت کی تاریخ: 21st, June 2025 GMT
data-id="863a0a8" data-element_type="widget" data-widget_type="theme-post-content.default">
لاہور (نمائندہ جسارت) جماعت اسلامی پاکستان کے تحت کل22جون کو جناح کنونشن سینٹر اسلام آبادمیں یوتھ ڈیجیٹل سمٹ منعقد ہوگی۔ یوتھ ڈیجیٹل سمٹ میں امیر جماعت اسلامی پاکستان حافظ نعیم الرحمن نوجوانوں کے لیے لائحہ عمل کا اعلان کریں گے، سمٹ کے لیے 12ہزارسے زاید نوجوان مرد وخواتین نے رجسٹریشن کرائی ہے، نوجوان سمٹ میں لازمی شرکت کریں۔ ان خیالات کا اظہار جماعت اسلامی پاکستان کے سیکرٹری اطلاعات شکیل احمد ترابی اور ہیڈ میڈیا سیل سلمان شیخ نے دفتر جماعت اسلامی میں پریس کانفرنس کرتے ہوئے کیا۔جماعت اسلامی پاکستان کے سیکرٹری اطلاعات شکیل احمد ترابی نے کہاکہ کل 22 جون 2025ء بروز اتوار کو کنونشن سینٹر میں صبح 10 بجے سے رات 10 بجے تک یوتھ ڈیجیٹل سمٹ ہوگا۔ یوتھ ڈیجیٹل سمٹ کی تفصیلات بتاتے ہوئے ہیڈ میڈیا سیل سلمان شیخ نے کہاکہ یہ پاکستان کی تاریخ کا پہلا ڈیجیٹل سمٹ ہے جو اس قدر بڑے پیمانے پر ہورہاہے، سمٹ کے لیے ہزاروں نوجوان مرد وخواتین نے رجسٹریشن کرائی ہے۔ اس یوتھ ڈیجیٹل سمٹ کا بنیادی مقصد پاکستان کے بیانیے کو آگے بڑھانا ہے۔ نوجوانوں کو مایوس کیا جارہاہے، نوجوانوں کو ان راہوں پر ڈالنے کی کو شش کی جارہی ہے جو پاکستان کے لیے ٹھیک نہیں ہے۔ اس سمٹ میں ہم نوجوانوں کے ذمے دارانہ سوشل میڈیا کے استعمال پر بات کریں گے۔ اداروں کی مخالفت کی وجہ سے ایسا بیانیہ بنایا جارہا ہے جو ریاست کے خلاف ہے۔ سیاسی مخالفت کو ریاست کی مخالفت میں تبدیل کیا جارہاہے ان سب مسائل پر سمٹ میں بات ہوگی۔ ہم نوجوانوں کو بلاکر ان کو بااختیار بنانے کی بات کریں گے۔ ڈیجیٹل یوتھ سمٹ میں مختلف سیشن ہوں گے۔ یوتھ شارک ٹینک بھی اس سمٹ کا حصہ ہوگا جس میں نوجوانوں کے آئیڈیاز کو اسپانسر کیا جائے گا۔ ایک سیشن فلسطین کے لیے ہوگا۔ ہم نے سمٹ کے لیے انفلوانسر سے براہ راست رابطہ کیا اور انہوں نے سمٹ میں آنے کی حامی بھری ہے۔ امیر جماعت اسلامی پاکستان حافظ نعیم الرحمن سمٹ میں نوجوانوں کے لیے لائحہ عمل کا اعلان کریں گے۔ الخدمت فاونڈیشن بھی اپنے ڈیسک سمٹ میں بنائے گی۔ ڈیجیٹل پلیٹ فارم بھی وہاں موجود ہوں گے، نوجوان سمٹ میں ضرور شرکت کریں۔ کوشش ہوگی کہ ڈیجیٹل یوتھ سمٹ ہر سال ہو، سمٹ میں 50فیصد سے زیادہ خواتین نے رجسٹریشن کرائی ہے۔
.
ذریعہ
ذریعہ: Jasarat News
کلیدی لفظ: جماعت اسلامی پاکستان نوجوانوں کے پاکستان کے کریں گے کے لیے
پڑھیں:
ٹرمپ کے وار پاورز محدود؛ امریکی پارلیمان نے ایران جنگ روکنے کی قرارداد منظور کرلی
امریکی ایوانِ نمائندگان نے صدر ڈونلڈ ٹرمپ کو ایران کے ساتھ جاری فوجی تنازع سے امریکی افواج واپس بلانے کی ہدایت دینے والی وار پاورز قرارداد دوبارہ منظور کرلی۔
عالمی خبر رساں ادارے کے مطابق یہ قرارداد اپوزیشن جماعت ڈیموکریٹ کی رکنِ کانگریس پرامیلا جے پال کی جانب سے پیش کی گئی جس کے حق میں 214 جب کہ مخالفت میں 208 ووٹ پڑے۔
رائے شماری میں اپوزیشن جماعت ڈیموکریٹ کے تمام اراکین نے قرارداد کی حمایت کی جب کہ حکمراں جماعت ریپبلکن کے 5 ارکان نے بھی پارٹی پالیسی کے برعکس ووٹ دیتے ہوئے قرارداد کے حق میں رائے دی۔
خیال رہے کہ یہ دوسری بار ہے کہ ایوانِ نمائندگان نے اسی نوعیت کی قرارداد منظور کی ہے۔ گزشتہ ماہ بھی ایوان نے ایسی ہی ایک قرارداد منظور کی تھی جسے بعد میں سینیٹ نے بھی منظور کر لیا تھا۔
اگرچہ قرارداد کی منظوری سیاسی لحاظ سے اہم سمجھی جا رہی ہے تاہم اس کی قانونی حیثیت محدود ہے۔ ٹرمپ انتظامیہ کا مؤقف ہے کہ اس قسم کی وار پاورز قراردادیں آئین سے مطابقت نہیں رکھتیں اور صدر بطور کمانڈر اِن چیف قومی سلامتی کے معاملات میں فوجی فیصلے کرنے کا اختیار رکھتے ہیں۔
ووٹنگ سے قبل ہونے والی بحث میں ایوانِ خارجہ امور کمیٹی کے سرکردہ ڈیموکریٹ رکن گریگ میکس نے کہا کہ صدر ٹرمپ نے کانگریس کی پیشگی منظوری کے بغیر ایران کے خلاف فوجی کارروائی کر کے امریکی قانون اور آئینی تقاضوں کی خلاف ورزی کی ہے۔
یہ قرارداد ایسے وقت منظور ہوئی جب یمن کے حوثیوں کے بحیرہ احمر میں سعودی آئل ٹینکرز پر حملوں کے بعد عالمی منڈی میں خام تیل کی قیمتیں 100 ڈالر فی بیرل سے تجاوز کرچکی ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار