80 سالہ شخص کی ایک ہفتے کی کمائی 40 بلین ڈالر، دولت مندوں میں دوسرے نمبر پر
اشاعت کی تاریخ: 21st, June 2025 GMT
80 سالہ شخص ایک ہفتے میں 40 بلین ڈالرز کی کمائی کرکے 61 سالہ جیف بیزوزاور41 سالہ مارک زکر برگ سے زیادہ امیر بن گیا۔
فورچون میگزین کی رپورٹ کے مطابق لیری ایلی سن ایک ٹیک کمپنی کے شریک بانی ہیں ، جو اب دنیا کے دوسرے امیر ترین شخص بن چکے ہیں، جن کی دولت 250 اعشاریہ 9 ارب ڈالر ہوچکی ہے۔
رپورٹ کے مطابق لیری ایلی سن کے کاروبار کی اسٹاک ویلیو میں اضافے سے ایک ہی دن میں 25 بلین ڈالر کی بڑھوتری ہوئی اور اگلے ہی کچھ ہی دنوں میں اس میں مزید 16 بلین ڈالرز کا اضافہ ہوگیا۔
میگزین کی رپورٹ کے مطابق یہ سب کچھ اور کل کی کلاوڈ کمپیوٹنگ بزنس کی زبردست کامیابی سے ممکن ہوا ، یہی وجہ ہے کہ کمپنی کی اسٹاک ویلیو میں غیر معمولی اضافہ ریکارڈ کیا گیا۔
رپورٹ کے مطابق لیری ایلی سن کے پاس کمپنی کے 41 فیصد شیئرز ہیں، یوں اُن کی دولت 250 اعشاریہ 9 ارب ڈالر تک پہنچ گئی ہے ،یہی چیز انہیں ایلون مسک 405 اعشاریہ 8 ارب ڈالرز کے بعد دولت مندوں کی فہرست میں دوسرے نمبر پر لے آئی ہے۔
میٹا ( فیس بک ) کے سی ای او مارک زکر برگ کی دولت 240 ارب جبکہ جیف بیزوز کی ملکیت229 ارب ڈالرز ہے۔
80 سالہ لیری ایلی سن نے 1977ء میں اوریکل کی بنیاد ایک ڈیٹا بیس سافٹ ویئر کمپنی کے طور پر رکھی تھی، وقت کے ساتھ یہ کمپنی ایک عالمی کلاؤڈ کمپیوٹنگ پاور ہاؤس میں بدل گئی۔
وہ اپنی دلیر شخصیت اور شاہانہ طرز زندگی کی بدولت بھی جانے جاتے ہیں، وہ ایک لائسنس یافتہ پائلٹ ہیں، جو فوجی طیارہ بھی رکھتے ہیں، 2012ء میں انہوں نے ایک جزیرہ 300 ملین ڈالر میں خریدا تھا۔
Post Views: 4.
ذریعہ
ذریعہ: Daily Mumtaz
کلیدی لفظ: رپورٹ کے مطابق بلین ڈالر ارب ڈالر
پڑھیں:
ایران-امریکا مجوزہ معاہدہ، عالمی مارکیٹ میں تیل کی قیمت میں کمی
ایران کی جانب سے امریکا کے ساتھ مجوزہ معاہدے پر نظرثانی کی رپورٹس کے بعد عالمی مارکیٹ میں تیل کی قیمت گر گئی ہے۔
غیرملکی خبرایجنسی نے بتایا کہ ایران کی جانب سے امریکی مجوزہ معاہدے کا جائزہ لینے کی ایرانی میڈیا کی رپورٹس کے بعد عالمی مارکیٹ میں تیل کی قیمتیں کم ہوگئی ہیں جو پہلے سیشن میں بلند ہوگئی تھیں۔
عالمی مارکیٹ میں برینٹ خام تیل کی قیمت 0.69 ڈالر یا 0.7 فیصد کمی کے ساتھ 94.29 ڈالر فی بیرل اور ویسٹ ٹیکساس کی قیمت 0.82 ڈالر یا 0.9 فیصد کمی کے بعد 91.34 ڈالر فی بیرل کی سطح پر آگئی ہے۔
گزشتہ کے اواخر میں امریکا اور ایران کے درمیان امن معاہدے کی امیدوں کی توقعات پر تیل کی قیمت 16 فیصد سے زیادہ کمی آئی تھی لیکن گزشتہ روز برینٹ اور ویسٹ ٹیکساس کی قیمتوں میں بالترتیب 3 اور 5 فیصد اضافہ ہوگیا تھا۔
امریکی صدر ڈونلڈ ٹرمپ نے بیان میں کہا تھا کہ ایران کے ساتھ مذاکرات جاری ہیں اور اگلے ہفتے کے بعد جنگ بندی میں توسیع اور آبنائے ہرمز کی بحالی کے لیے معاہدہ ہوسکتا ہے۔
ایرانی میڈیا نے رپورٹ کیا کہ عارضی امریکا تجاویز پر تاحال ایران کی جانب سے کوئی جواب نہیں دیا گیا ہے تاہم جائزہ لیا جا رہا ہے۔
امریکا اور ایران کے درمیان مذاکرات میں پیش رفت کی رپورٹس کے باوجود آبنائے ہرمز سے تیل کی سپلائی بدستور محدود ہے اور ماہرین نے تیل کے سرمایہ کاروں کے لیے یہ خطرناک قرار دیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ