مسلم لیگ ق کے سیکرٹری جنرل پنجاب و صوبائی وزیر چوہدری شافع حسین سے سیکرٹری اطلاعات مسلم لیگ ق سنٹرل پنجاب خواجہ رمیض حسن کی خصوصی ملاقات
اشاعت کی تاریخ: 21st, June 2025 GMT
لاہور (اُردو پوائنٹ اخبارتازہ ترین۔ 21 جون2025ء) پاکستان مسلم لیگ ق کے سیکرٹری جنرل پنجاب و صوبائی وزیر چوہدری شافع حسین سے سیکرٹری اطلاعات مسلم لیگ ق سنٹرل پنجاب خواجہ رمیض حسن نے خصوصی ملاقات کی۔ اس موقع پر گفتگو کرتے ہوئے صوبائی وزیر چوہدری شافع حسین نے کہا کہ مسلم لیگ ق کے منشور کے مطابق عوامی خدمات میری ترجیحات میں شامل ہیں۔ میں نے ڈیڑھ سال کے عرصہ میں بطور وزیر صنعت و تجارت پنجاب جو خدمات انجام دی ہیں ان کا مثالی ریکارڈ عوام اور میڈیا کے سامنے رکھا ہے جو بالکل نئی روایت ہے۔
(جاری ہے)
انہوں نے کہا کہ مختلف ممالک بشمول چائینہ، آذربائجان کی جانب سے پنجاب میں بھاری سرمایہ کاری ایک ریکارڈ ہے جس کی ماضی میں مثال نہیں ملتی۔اس موقع پر گفتگو کرتے ہوئے خواجہ رمیض حسن نے کہا کہ پارٹی قیادت کی ہدایات کے مطابق پارٹی کے شعبہ اطلاعات و نشریات کو پنجاب بھر میں باقاعدہ فعال کیا گیا ہے۔پارٹی ورکرز پرنٹ الیکٹرانک اور سوشل میڈیا پلیٹ فارمز مکمل طور پر اپنی خدمات انجام دے رہے ہیں۔ صوبائی سیکرٹری جنرل کے وژن کے مطابق انٹرا پارٹی میرٹ پر کوئی سمجھوتا نہیں ہے۔.
ذریعہ
ذریعہ: UrduPoint
کلیدی لفظ: تلاش کیجئے مسلم لیگ ق
پڑھیں:
مشرقِ وسطیٰ کی صورتحال قابو سے باہر، فوری جنگ بندی ضروری ہے، انتونیو گوتریس
اقوام متحدہ کے سیکرٹری جنرل کا کہنا تھا کہ موجودہ بحران سے نکلنے کا واحد مؤثر راستہ سفارت کاری، مذاکرات اور سیاسی حل ہے، اور تمام فریقین کو کشیدگی کم کرنے کے لیے فوری اقدامات کرنے چاہییں۔ اسلام ٹائمز۔ اقوام متحدہ کے سیکرٹری جنرل انتونیو گوتریس نے مشرقِ وسطیٰ میں بڑھتی ہوئی کشیدگی پر شدید تشویش کا اظہار کرتے ہوئے کہا ہے کہ خطے کی صورتحال قابو سے باہر ہوتی جا رہی ہے اور فوری طور پر لڑائی روکنا ناگزیر ہے۔ اپنے ایک بیان میں انتونیو گوتریس نے کہا کہ اب واپس پلٹنے کا وقت آ گیا ہے اور ہر جگہ جنگ و جدل کا خاتمہ ہونا چاہیے تاکہ مزید انسانی جانوں کے ضیاع کو روکا جا سکے۔
انہوں نے زور دیا کہ بحری راستوں پر آزادانہ آمدورفت بحال کی جائے، کیونکہ عالمی تجارت اور علاقائی استحکام کے لیے محفوظ بحری گزرگاہیں انتہائی اہم ہیں۔ اقوام متحدہ کے سیکرٹری جنرل نے کہا کہ موجودہ بحران سے نکلنے کا واحد مؤثر راستہ سفارت کاری، مذاکرات اور سیاسی حل ہے، اور تمام فریقین کو کشیدگی کم کرنے کے لیے فوری اقدامات کرنے چاہییں۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم