ٹیلی گرام کے بانی کا دولت اپنے ’سرکاری اور غیرسرکاری‘ بچوں میں تقسیم کرنے کا اعلان
اشاعت کی تاریخ: 21st, June 2025 GMT
ٹیلی گرام کے روسی بانی پاول ڈوروف نے اعلان کیا ہے کہ وہ اپنا کروڑوں ڈالر پر مشتمل مالیاتی اثاثہ اپنے 100 سے زائد بچوں میں برابر تقسیم کریں گے۔
یہ بھی پڑھیں:اپنے ہی بچے کی پرورش کے لیے ماہانہ ڈیڑھ کروڑ روپے سے زائد رقم لینے والی خاتون کون ہیں؟
40 سالہ ڈوروف کے مطابق، ان کے چھ سرکاری بچے اور اسپرم ڈونیشن سے پیدا ہونے والے دیگر بچوں کے درمیان ان کی موت کے بعد جھگڑے نہیں چاہتے۔
فرانسیسی میگزین ’لی پوئنٹ‘ کو انٹرویو میں ڈوروف نے کہا کہ میں چاہتا ہوں کہ میرے تمام بچوں کے حقوق برابر ہوں۔ میں نہیں چاہتا کہ میری موت کے بعد وہ ایک دوسرے سے لڑیں۔
انہوں نے دعویٰ کیا کہ ان کے سپرم ڈونیشنز سے 12 ممالک میں 100 سے زائد بچے پیدا ہوئے ہیں، جبکہ وہ 3 مختلف خواتین سے پیدا ہونے والے 6 بچوں کے سرکاری والد بھی ہیں۔
ڈوروف نے واضح کیا کہ ان کے کسی بھی بچے کو اگلے 30 سال تک وراثت میں ملنے والی رقم تک رسائی نہیں ہوگی۔
یہ بھی پڑھیں:ننھے بچے کی خواہش پر استنبول کا آسمان رنگین غباروں سے بھر گیا
ان کا کہنا تھا کہ میں چاہتا ہوں کہ وہ عام لوگوں کی طرح زندگی گزاریں، خود کو سنواریں، اپنے آپ پر بھروسہ کریں، تخلیقی کام کریں، نہ کہ بینک اکاؤنٹ پر انحصار کریں۔
ڈوروف، جو فی الحال دبئی میں مقیم ہیں، نے حال ہی میں اپنی وصیت بنائی ہے۔ وجہ پوچھے جانے پر انہوں نے کہا، آزادیوں کی حفاظت کرنے سے طاقتور ریاستوں سمیت بہت سے دشمن بن جاتے ہیں۔
گزشتہ سال فرانسیسی حکام نے انہیں پلیٹ فارم پر جرائم روکنے میں ناکامی کے الزام میں گرفتار کیا تھا، جسے ڈوروف نے ’سراسر مضحکہ خیز‘ قرار دیا۔
ٹیلی گرام، جسے ڈوروف نے 2013 میں لانچ کیا تھا، کے ماہانہ صارفین کی تعداد ایک ارب سے زیادہ ہے۔ ڈوروف اس میسجنگ سروس کے واحد شیئر ہولڈر ہیں اور دنیا بھر میں اپنے انوکھے خیالات اور متنازعہ فیصلوں کی وجہ سے مشہور ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
100 بچے بانی ٹیلی گرام ٹیلی گرام ڈوروف ڈونیشن.
ذریعہ
ذریعہ: WE News
کلیدی لفظ: 100 بچے بانی ٹیلی گرام ٹیلی گرام ڈوروف ڈونیشن ٹیلی گرام ڈوروف نے
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار