ایران پر اسرائیلی حملوں میں شامل ہونے والے امریکی جہازوں کو نشانہ بنایاجائے گا: یمن کا اعلان
اشاعت کی تاریخ: 21st, June 2025 GMT
data-id="863a0a8" data-element_type="widget" data-widget_type="theme-post-content.default">
ثنا: یمن نے ایران پر اسرائیلی حملوں میں شامل ہونے والے امریکی جہازوں کو نشانہ بنانے کا اعلان کردیا۔
برطانوی اخبار ’دی ٹیلیگراف‘ کے مطابق یمنی گروپ کے عسکری ترجمان یحییٰ سریع نے خبردار کیا ہے کہ اگر امریکا اسرائیل کی جانب سے ایران پر کیے جانے والے حملوں میں شریک ہوا تو وہ بحیرہ احمر میں امریکی جہازوں کو نشانہ بنائیں گے۔
ترجمان یحییٰ سریع نے کہا کہا کہ اگر امریکا، اسرائیلی دشمن کے ساتھ مل کر ایران پر حملہ اور جارحیت میں ملوث ہوا تو ہماری مسلح افواج امریکی جہازوں اور جنگی جہازوں کو بحیرہ احمر میں نشانہ بنائیں گی۔
مئی میں امریکا اور حوثیوں کے درمیان ایک جنگ بندی کا معاہدہ ہوا تھا، تاکہ بحیرہ احمر میں امریکی جہازوں پر حوثی حملے روکے جا سکیں۔
اس وقت ڈونلڈ ٹرمپ نے کہا تھا کہ حوثیوں نے اعلان کیا ہے کہ وہ مزید لڑائی نہیں چاہتے، وہ واقعی مزید جنگ نہیں چاہتے، اور ہم اس کا احترام کریں گے، ہم بمباری روک دیں گے، اور انہوں نے ہتھیار ڈال دیے ہیں۔
.ذریعہ: Jasarat News
کلیدی لفظ: امریکی جہازوں جہازوں کو ایران پر
پڑھیں:
ایران میں اسرائیلی حملوں میں 639 افراد جاں بحق، 1,320 زخمی
data-id="863a0a8" data-element_type="widget" data-widget_type="theme-post-content.default">
مشرق وسطیٰ میں جاری خونی کشیدگی ساتویں روز میں داخل ہو گئی ہے، ایران میں اسرائیلی فضائی حملوں کے نتیجے میں کم از کم 639 افراد اپنی جان کی بازی ہار چکے ہیں جب کہ 1,320 سے زائد زخمی ہیں۔
یہ ہولناک انکشاف امریکا میں قائم انسانی حقوق کی بین الاقوامی تنظیم ہیومن رائٹس ایکٹوسٹس نے اپنی تازہ رپورٹ میں کیا ہے، رپورٹ کے مطابق جاں بحق افراد میں 263 عام شہری اور 154 سیکیورٹی فورسز کے اہلکار شامل ہیں جبکہ باقی اموات کی شناخت تاحال جاری ہے۔
تنظیم کا کہنا ہے کہ یہ اعداد و شمار ایران میں موجود اس کے زمینی نیٹ ورک اور مقامی ذرائع سے تصدیق کے بعد مرتب کیے گئے ہیں۔ رپورٹ میں یہ بھی واضح کیا گیا ہے کہ کئی متاثرہ علاقوں میں شدید بمباری کے باعث مکمل معلومات تک رسائی ممکن نہیں، جس کے باعث جانی نقصان کی اصل تعداد اس سے کہیں زیادہ ہو سکتی ہے۔
دوسری جانب ایرانی حکومت کی طرف سے تاحال مکمل اعداد و شمار جاری نہیں کیے جا رہے۔ سرکاری طور پر آخری بار فراہم کی گئی تفصیلات کے مطابق ایران نے 224 ہلاکتوں اور 1,277 افراد کے زخمی ہونے کی تصدیق کی تھی۔
ہیومن رائٹس ایکٹوسٹس نے خبردار کیا ہے کہ ایران کے کئی شہروں میں اسرائیلی فضائی حملوں کا سلسلہ جاری ہے، اور تباہ شدہ علاقوں میں امدادی ٹیموں کو رسائی میں شدید مشکلات کا سامنا ہے۔ تنظیم نے عالمی برادری سے فوری مداخلت کی اپیل کرتے ہوئے کہا ہے کہ اگر جنگی کارروائیاں فوری طور پر نہ رکیں تو انسانی جانوں کا ضیاع کہیں بڑے پیمانے پر ہو سکتا ہے۔
ایئرانڈیا کے طیارے کی تباہی اور 270 افراد کی ہلاکت کے بعد بھارتی حکام کا تمام بوئنگ 787 طیاروں کی مکمل جانچ کا حکم