20 شاہراہوں پر چنگ چی بندش کا فیصلہ واپس لیا جائے، محمود حامد‘ نجیب ایوبی
اشاعت کی تاریخ: 22nd, June 2025 GMT
data-id="863a0a8" data-element_type="widget" data-widget_type="theme-post-content.default">
250622-08-7
کراچی(اسٹاف رپورٹر) آل پاکستان آرگنائزیشن آف اسمال ٹریڈرز اینڈ کاٹیج انڈسٹری کراچی کے صدر محمود حامد اور جماعت اسلامی پبلک ایڈ کمیٹی کے جنرل سیکرٹری نجیب ایوبی نے کہا ہے کہ جماعت اسلامی چنگ چی رکشہ کے کاروبار سے وابستہ افراد کو بے روزگار نہیں ہونے دے گی اور ان پر جاری مظالم پر بھرپور احتجاج کرے گی، شہر میں پبلک ٹرانسپورٹ نہ ہونے کے برابر ہے، حکومت نے سرکاری ریڈ اورپنک الیکٹرک بسوں کا کرایہ 50 روپے سے 120 روپے کردیا ہے ایسے موقع پر چنگ چی رکشوں کو 20 شاہراہوں پر بند کر دینا اور ان پر 50 اور 40 ہزار روپے کے چالان، ایف آئی آر اور گرفتاریاں انتہائی قابل مذمت ہیں جس کی بھرپور مزاحمت کی جائے گی۔وہ آل اورنگی چنگ چی رکشہ اینڈ سی این جی ایسوسی ایشن کے وفد سے ادارہ نور حق میں بات چیت کر رہے تھے۔ جس نے ایسوسی ایشن کے صدر عمران زیدی اور جنرل سیکرٹری عدنان حسین شاہ کی قیادت میں جماعت اسلامی پبلک ایڈ کمیٹی کے رہنماؤں سے ملاقات کی اور اپنے مسائل سے آگاہ کیا۔ ٹرانسپورٹرز رہنماؤں نے جماعت اسلامی کی قیادت کو پیر 23 جون کو کراچی پریس کلب پر ہونے والی’’بھوک ہڑتال‘‘ کے حوالے سے بھی آگاہ کیااور کہا کہ ہمیں فاقہ کشی اور ظلم سے نجات دلائی جائے۔اس موقع پر ڈپٹی جنرل سیکرٹری جماعت اسلامی عبدالرحمن فدا بھی موجود تھے، عبدالرحمن فدا نے کہا کہ ریڈ بسوں کے کرایوں میں اضافہ کر کے اور 20 روٹ پر چنگ چی رکشوں کو بند کر کے حکومت ساڑھے 3 کروڑ شہریوں کو عذاب میں مبتلا کر رہی ہے جس کی بھرپور مزاحمت کی جائے گی۔
ذریعہ: Jasarat News
کلیدی لفظ: جماعت اسلامی چنگ چی
پڑھیں:
جماعت اسلامی سندھ کے نائب امیر نصراللہ چناسے ڈکیتی
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر)جماعت اسلامی سندھ کے نائب امیر حافظ نصراللہ چنا سے ڈاکوؤں کی لوٹ مار،گن پوائنٹ پرگاڑی موبائل ونقدی لے کرفرار ہوگئے،تفصیلات کے مطابق وہ جمعرات کو صبح جیسے ہی اپنے گھر سے ڈرائیور کے ساتھ تحصیل مقام تنگوانی میں ایک تنظیمی
پروگرام میں شرکت کے لیے روانہ ہوئے، تو کندھ کوٹ کے قریب تنگوانی لنک روڈ پر رمضان لاڑو کے مقام پر ڈاکوؤں نے ان کا راستہ روک لیا۔4سے زایدڈاکوؤں نے اسلحے کے زور پر گاڑی نمبر-168 BGP، 2عدد موبائل فون اور نقد رقم لوٹ لی اور فرار ہو گئے۔جماعت اسلامی سندھ کے ترجمان مجاہد چنا نے واقعے کی تصدیق کرتے ہوئے کہا کہ ڈاکو نقد رقم، موبائل فون اور گاڑی لوٹ کر فرار ہو گئے۔ جماعت اسلامی سندھ کے جنرل سیکرٹری محمد یوسف نے واقعے کی سخت مذمت کرتے ہوئے کہاکہ سندھ میں ڈاکوؤں کا راج ہے کسی شہری کی جان ومال محفوظ نہیں ہے۔کچے اورپکے کے ڈاکو ملکرصوبے کے وسائل اورعوام کو لوٹ رہے ہیں ان کا کہنا تھاکہ اس وقت پورا صوبہ بدامنی کی لپیٹ میں ہے،عملی طور سندھ ڈاکوراج کے حوالے کیا گیا ہے اور پیپلز پارٹی کی حکومت ان کی سرپرستی کر رہی ہے۔ انہوں نے مزید کہا کہ گزشتہ سال امن و امان کے نام پر 200 ارب روپے مختص کیے گئے، اس کے باوجود سندھ کے لوگ آج بھی امن کو ترس رہے ہیں ۔ادھر واقعے کی اطلاع ملتے ہی جماعت اسلامی کے کارکنان اور شہری اتحاد کندھکوٹ کے رہنما موقع پر پہنچ گئے۔ اکبر چوکی روڈ بلاک کرکے حکومت کے خلاف شدید نعرے بازی کی اور مطالبہ کیا کہ گاڑی اور دیگر سامان واپس اور ملزمان کو گرفتار کر کے سخت سزا دی جائے۔
ایران اور اسرائیل کشیدگی چند گھنٹوں میںختم ہو جائے گی،فرانسیسی صدرکادعویٰ