پاکستان سے جنگ کے آخری دن بھارت نے نیوکلیئر وار ہیڈ نصب کر لیے تھے: بلاول
اشاعت کی تاریخ: 23rd, June 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: چیئرمین پیپلز پارٹی بلاول بھٹو زرداری نے انکشاف کیا ہے کہ حالیہ پاک-بھارت کشیدگی کے دوران پاکستان کے پاس صرف چند سیکنڈ تھے یہ فیصلہ کرنے کے لیے کہ بھارت کی جانب سے داغا گیا میزائل جوہری ہے یا نہیں۔
برطانوی اخبار کو دیے گئے ایک انٹرویو میں بلاول بھٹو نے بتایا کہ ایسے وقت میں جب پاکستانی افواج کو یقین تھا کہ وہ جنگ میں کامیابی حاصل کر رہی ہیں، پاکستان نے جنگ بندی اس شرط پر قبول کی کہ امریکا نے وعدہ کیا کہ پاکستان اور بھارت کے درمیان تمام تنازعات پر غیر جانبدار مقام پر مذاکرات ہوں گے۔
انہوں نے کہا کہ اگرچہ جنگ بندی ہو چکی ہے، لیکن اب تک امن قائم نہیں ہوا، جو ایک تشویشناک صورتحال ہے۔ بلاول کا کہنا تھا کہ روایتی جنگ کے امکانات کم ہونے کے باوجود، حالات اب بھی خطرناک حد تک نازک ہیں۔
انہوں نے واضح کیا کہ پہلگام حملے سے پاکستان کا کوئی تعلق نہیں تھا، اور بھارت نہ تو اس حملے میں ملوث افراد کے نام یا شناخت فراہم کر سکا، نہ ہی سرحد پار سے مداخلت کے کوئی قابلِ بھروسہ شواہد پیش کیے گئے۔
بلاول بھٹو نے زور دیا کہ پاکستان نے جنگ بندی اس امید پر قبول کی تھی کہ امریکا ایک وسیع سفارتی عمل کی حمایت کرے گا تاکہ جنوبی ایشیا میں دیرینہ مسائل حل کیے جا سکیں، مگر جب ایسا نہیں ہو رہا تو عالمی برادری کو یہ سمجھنا چاہیے کہ صرف جنگ بندی کافی نہیں — خطرہ اب بھی حقیقی ہے۔
انہوں نے مزید انکشاف کیا کہ کشیدگی کے آخری دنوں میں بھارت نے جوہری ہتھیار نصب کر لیے تھے، جس سے صورتحال اور بھی سنگین ہو گئی تھی۔
.
ذریعہ
ذریعہ: Jasarat News
پڑھیں:
بلاول کل چلاس جبکہ آصفہ بھٹو ہنزہ میں خطاب کریں گی
رکن قومی اسمبلی بی بی آصفہ بھٹو زرداری کل بتاریخ تین جون بروز بدھ شام چار بجے گلگت بلتستان کے ضلع ہنزہ کی تحصیل علی آباد کے ڈگری کالج گراؤنڈ میں انتخابی جلسے سے خطاب کریں گی۔ اسلام ٹائمز۔ رکن قومی اسمبلی بی بی آصفہ بھٹو زرداری کل بتاریخ تین جون بروز بدھ شام چار بجے گلگت بلتستان کے ضلع ہنزہ کی تحصیل علی آباد کے ڈگری کالج گراؤنڈ میں انتخابی جلسے سے خطاب کریں گی۔ جبکہ پاکستان پیپلزپارٹی کے چیئرمین بلاول بھٹو زرداری کل تین جون بروز بدھ شام پانچ بجے گلگت بلتستان کے ضلع دیامر کی تحصیل چلاس میں واقع فٹبال گراؤنڈ میں انتخابی جلسہ عام سے خطاب کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ