ایران اسرائیل تنازع: مودی اور ایرانی صدر میں کیا بات ہوئی؟
اشاعت کی تاریخ: 23rd, June 2025 GMT
اسلام آباد (اُردو پوائنٹ ۔ DW اردو۔ 23 جون 2025ء) امریکہ کی جانب سے ایران میں تین اہم جوہری تنصیبات پر حملوں کے چند گھنٹے بعد بھارتی وزیر اعظم نریندر مودی نے اتوار ہی کے روز ایرانی صدر مسعود پزشکیان سے بات چیت کی اور اس دوران ''فوری طور پر کشیدگی میں کمی‘‘ پر زور دیا۔ بھارت ایران کا اسٹریٹیجک پارٹنر ہے اور امریکی حملوں کے بعد نئی دہلی کی جانب سے یہ پہلا تبصرہ تھا۔
بھارت اسرائیل کو ہتھیار بھیجنا بند کرے، اپوزیشن کا مطالبہ
دونوں رہنماؤں کے درمیان بات چیت اس لحاظ سے بھی اہم ہے کیونکہ یہ ویانا میں بین الاقوامی جوہری توانائی ایجنسی کے بورڈ آف گورنرز کی ایک ہنگامی میٹنگ سے پہلے ہوئی ہے، جہاں ایران پر امریکی حملے مرکزی موضوع ہوں گے۔
(جاری ہے)
بھارتی وزیر اعظم مودی نے صدر پزشکیان سے بات چیت کے بعد ایکس پر ایک پوسٹ میں کہا، ''ہم نے موجودہ صورت حال کے بارے میں تفصیل سے بات کی، حالیہ کشیدگی پر گہری تشویش کا اظہار کیا۔
آگے بڑھنے اور علاقائی امن، سلامتی اور استحکام کی جلد بحالی کے لیے فوری طور پر کشیدگی میں کمی، مکالمت اور سفارت کاری کے لیے اپنے مطالبات کا اعادہ کیا۔‘‘غزہ کی جنگ کے باوجود بھارت کو اسرائیلی فوجی برآمدات جاری
بھارتی وزارت خارجہ نے بھی ایک بیان جاری کیا ہے، جس میں کہا گیا کہ وزیر اعظم مودی نے ایران سے بھارتی شہریوں کی ''محفوظ وطن واپسی‘‘ کو یقینی بنانے میں بھارت کی مدد کرنے پر ڈاکٹر پزشکیان کا شکریہ ادا کیا۔
تیرہ جون کو مغربی ایشیا کے تنازع میں شدت آنے کے بعد سے نئی دہلی اور تہران ایران میں بھارتی شہریوں کی حفاظت کو یقینی بنانے کے لیے مل کر کام کر رہے ہیں۔
بھارت ایران اور اسرائیل دونوں کے ساتھ رابطے میںمشرق وسطیٰ کے تنازعے میں تازہ ترین ہیش رفت کے تناظر میں یہ مودی اور پزشکیان کے درمیان پہلی فون کال تھی۔ بھارت تہران اور اسرائیل دونوں کے ساتھ رابطے میں ہے۔
بھارتی وزیر خارجہ کے دورہ تہران کے مقاصد کیا ہو سکتے ہیں؟
پچھلے دس دنوں کے دوران اسرائیلی وزیر اعظم بینجمن نیتن یاہو نے بھارتی ہم منصب نریندر مودی سے اور اسرائیل کے وزیر خارجہ گیدون سعار نے بھی بھارتی وزیر خارجہ ایس جے شنکر سے بات کی ہے۔
اس سے قبل ایران کے وزیر خارجہ سید عباس عراقچی نے بھی جے شنکر سے بات کی تھی، جو کہ تہران کی طرف سے اعلیٰ سطحی رابطہ تھا۔
بھارتی وزیر اعظم کے دفتر سے جاری کردہ ایک بیان کے مطابق صدر پزشکیان نے وزیر اعظم مودی کو صورت حال کے متعلق ''تفصیل سے‘‘ آگاہ کیا اور ''خطے کی موجودہ صورت حال، خاص طور پر ایران اور اسرائیل کے درمیان جاری تنازعے پر اپنا نقطہ نظر شیئر کیا۔‘‘
بھارت ہزاروں مزدوروں کو اسرائیل کیوں بھیج رہا ہے؟
خیال رہے کہ گزشتہ سال اکتوبر میں روس کے شہر کازان میں 16ویں برکس سربراہی اجلاس کے موقع پر مودی نے پزشکیان سے ملاقات کی تھی۔
بھارت کی پریشانیاں؟ایران اسرائیل تنازعے میں بھارت خود کو ایک مشکل مقام پر پاتا ہے، کیونکہ دونوں ممالک کے ساتھ اس کے اہم اسٹریٹیجک اور دفاعی سمیت متعدد نوعیتوں کے تعلقات ہیں۔
بھارت اور ایران کے مابین متعدد دوطرفہ اور کثیر الجہتی امور پر قریبی رابطے ہیں۔ نئی دہلی نے بھارت اور ایران کے درمیان 20 ویں مشترکہ کمیشن کی میٹنگ کے لیے مئی میں ایرانی وزیر خارجہ سید عباس عراقچی کی میزبانی کی تھی۔
نئی دہلی میں سفارتی ذرائع کا کہنا ہے کہ وہ ایران میں ہونے والی پیش رفت کو قریب سے دیکھ رہے ہیں، جہاں امریکہ نے فردو، نطنز اور اصفہان میں جوہری تنصیبات پر حملے کیے ہیں۔
چابہار بندرگاہ: بھارت اور ایران میں معاہدہ، امریکہ کی تنبیہ
بھارت اور ایران چابہار بندرگاہ کے منصوبے پر بھی کام کر رہے ہیں، اور دونوں ممالک پاکستان اور افغانستان سے متعلق قدرے یکساں تحفظات رکھتے ہیں۔
ان دونوں ممالک میں اقلیتوں کے ساتھ سلوک کے بارے میں نئی دہلی اور تہران کے مشترکہ خدشات بھی انہیں قریب لے آئے ہیں۔ انہوں نے انٹرنیشنل نارتھ ساؤتھ ٹرانسپورٹ کوریڈور پر بھی ایک ساتھ کام کیا ہے۔ایران اور بھارت نے شنگھائی تعاون کی تنظیم کے سربراہی اجلاس میں بھی ایک ساتھ کام کیا ہے اور دونوں فریق اکثر چین اور روس کے بارے میں سفارتی مکتوب کا تبادلہ کرتے رہے ہیں۔
تجزیہ کاروں کا خیال ہے کہ بھارت ایران اور اسرائیل دونوں ہی کے ساتھ اپنے تعلقات رکھنا چاہتا ہے اس لیے اسے ہر قدم بہت احتیاط سے اٹھانا پڑ رہا ہے۔
ادارت: مقبول ملک
.
ذریعہ
ذریعہ: UrduPoint
کلیدی لفظ: تلاش کیجئے بھارت اور ایران اور اسرائیل بھارتی وزیر ایران میں کے درمیان ایران اور نئی دہلی رہے ہیں کے ساتھ اور اس سے بات کے لیے
پڑھیں:
جانتی ہوں، عثمان ہادی کو کس نے قتل کروایا؟، ممتا بنر جی کے مودی سرکار سے متعلق سنسی خیز انکشافات
بھارتی ریاست مغربی بنگال کی سابق وزیراعلیٰ اور ترنمول کانگریس کی سربراہ ‘ممتا بنرجی’ نے بنگلہ دیش کی انقلابی تحریک کے مرکزی رہنما عثمان ہادی کے قتل کے حوالے سے انتہائی چونکا دینے والے انکشافات کیے ہیں۔
منگل کو ممتا بنر جی نے دعویٰ کیا ہے کہ وہ اس ہائی پروفائل قتل میں ملوث اصل چہروں سے واقف ہیں، تاہم قومی اور سفارتی اثرات کے باعث وہ فی الحال نام ظاہر نہیں کر رہیں۔
بی جے پی حکومت پر سنگین الزاماتمنگل کو وسطی کولکتہ میں ایک بڑے احتجاجی اجتماع سے خطاب کرتے ہوئے ممتا بنرجی نے بھارتیہ جنتا پارٹی (بی جے پی) کی وفاقی حکومت پر پہلی بار کھل کر الزامات کی بوچھاڑ کی۔ انہوں نے کہا کہ مرکز کی مودی حکومت عثمان ہادی کے قتل کیس سے متعلق انتہائی حساس معلومات اور شواہد کو عوام سے چھپا رہی ہے۔
میگھالیہ سرحد سے داخلہ اور اسپیشل ٹاسک فورس کی کارروائیسابق وزیراعلیٰ نے سنسنی خیز تفصیلات بتاتے ہوئے مزید دعویٰ کیا کہ بنگلہ دیش کی تنظیم ’انقلاب منچ‘ کے مرکزی کردار عثمان ہادی کے قتل میں ملوث ملزمان بھارتی ریاست میگھالیہ کی سرحد کے راستے مغربی بنگال میں داخل ہوئے تھے۔ ان کی آمد کی اطلاع ملتے ہی مغربی بنگال کی ’اسپیشل ٹاسک فورس‘ (ایس ٹی ایف) نے فوری کارروائی کرتے ہوئے ملزمان کو گرفتار کر لیا تھا۔
امیت شاہ کا فون اور خاموش رہنے کی درخواستممتا بنرجی نے یہ بھی انکشاف کیا کہ ملزمان کی گرفتاری کے فوراً بعد انہیں بھارتی وزیر داخلہ ’امیت شاہ‘ کا فون موصول ہوا تھا۔
یہ بھی پڑھیں:عثمان ہادی قتل کیس کے مرکزی ملزمان کا عدالت میں الزامات سے انکار
انہوں نے دعویٰ کیا کہ ’امیت شاہ‘ نے مجھ سے درخواست کی کہ اس کیس کی تفصیلات اور ملزمان کی شناخت کو عوام کے سامنے نہ لایا جائے کیونکہ یہ معاملہ براہِ راست ’قومی مفاد‘ سے جڑا ہوا ہے‘۔
ممتا بنرجی کا کہنا تھا کہ وہ طویل عرصے سے ملک اور خطے کے مفاد میں خاموش تھیں، لیکن وفاقی حکومت کی جانب سے حالیہ دنوں میں مبینہ سیاسی دباؤ اور انتقامی کارروائیوں کے بعد اب وہ سچ بولنے پر مجبور ہو گئی ہیں۔
دوسری جانب نئی دہلی میں وفاقی حکومت کی طرف سے ممتا بنرجی کے ان سنگین الزامات پر فوری طور پر کوئی باضابطہ ردعمل سامنے نہیں آیا ہے۔
مجھے سب کچھ معلوم ہےاپنے خطاب کے دوران ممتا بنرجی نے سوال اٹھایا کہ عثمان ہادی کے قتل کا حتمی حکم کس نے دیا تھا؟ انہوں نے واضح اشارہ دیا کہ وہ سازش کاروں کے ناموں سے اچھی طرح واقف ہیں۔
نام نہ بتانے کی وجہ بتاتے ہوئے ان کا کہنا تھا کہ ’میں جانتی ہوں کہ قتل کس نے کروایا اور کن لوگوں کے نام سامنے آئے تھے۔ حکومتیں بدل سکتی ہیں، لیکن مجھے سب کچھ معلوم ہے۔ اگر میں نے ابھی نام ظاہر کر دیے تو بنگلہ دیش میں شدید سیاسی اثرات اور بھونچال آ سکتا ہے‘۔
مزید پڑھیں:عثمان ہادی قتل کیس: مرکزی ملزم فیصل کے معاون کو بھارت میں گرفتار کر لیا گیا
سیاسی تجزیہ کاروں کا کہنا ہے کہ مغربی بنگال میں حالیہ اسمبلی انتخابات کے بعد پیدا ہونے والی شدید سیاسی کشیدگی کے دوران ممتا بنرجی کے اس بیان نے نہ صرف بھارتی سیاست کو گرما دیا ہے، بلکہ بھارت اور بنگلہ دیش کے مابین حساس سفارتی تعلقات پر بھی سوالیہ نشانات کھڑے کر دیے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الزامات امیت شاہ بنگلہ دیش ترنمول کانگریس سنگین سیاسی عثمان ہادی۔ مغربی بنگال ممتا بنر جی مودی سرکار
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ