مائیکل وان نے شاہین آفریدی کو بابر اعظم سے بہتر ٹی20 کھلاڑی قرار دے دیا
اشاعت کی تاریخ: 23rd, June 2025 GMT
سابق انگلش کپتان اور معروف کرکٹ مبصر مائیکل وان نے پاکستانی فاسٹ بولر شاہین شاہ آفریدی کو بابر اعظم سے بہتر ٹی20 فارمیٹ کا کھلاڑی قرار دے دیا۔
اپنے بیان میں مائیکل وان نے کہاکہ بابر اعظم بلاشبہ ایک بہترین بیٹر ہیں، لیکن وہ ٹی20 فارمیٹ کی تیز رفتار ضروریات کے مطابق فٹ نہیں بیٹھتے۔
یہ بھی پڑھیں آئی سی سی ون ڈے رینکنگ میں بابر اعظم بدستور سرفہرست، شاہین آفریدی لڑکھڑا گئے
انہوں نے مزید کہاکہ اگر بابر کو انگلینڈ، آسٹریلیا یا ویسٹ انڈیز جیسی ٹیموں میں شامل کرنے کا سوال ہو، تو وہاں ان کے لیے ٹی20 میں جگہ بنانا مشکل ہوگا۔
اس کے برعکس مائیکل وان نے شاہین شاہ آفریدی کی بھرپور تعریف کرتے ہوئے انہیں میچ ونر اور شاندار بولر قرار دیا، جنہوں نے کئی بار پاکستان کو ٹی20 میچز میں فتح دلائی ہے۔
مائیکل وان نے اپنی گفتگو میں عماد وسیم، فخر زمان اور محمد عامر کو بھی پاکستان کے اہم اور مؤثر ٹی20 کھلاڑی قرار دیتے ہوئے کہاکہ یہ تینوں کھلاڑی کسی بھی میچ کا پانسہ پلٹنے کی صلاحیت رکھتے ہیں۔
یہ بھی پڑھیں بابر اعظم اور شاہین آفریدی کا بھارت میں ویڈیو شوٹ:’یہ ہمارے لڑکے خراب کر رہے ہیں’
مائیکل وان کے اس بیان پر کرکٹ حلقوں میں نئی بحث چھڑ گئی ہے، خاص طور پر ایسے وقت میں جب پاکستان کی ٹیم ورلڈ کپ اور دیگر عالمی ایونٹس میں کارکردگی کے حوالے سے تنقید کی زد میں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بابر اعظم بہتر کھلاڑی پاکستان کرکٹ ٹیم ٹی20 فارمیٹ شاہین شاہ آفریدی مائیکل وان وی نیوز.ذریعہ: WE News
کلیدی لفظ: بہتر کھلاڑی پاکستان کرکٹ ٹیم ٹی20 فارمیٹ شاہین شاہ ا فریدی مائیکل وان وی نیوز مائیکل وان نے
پڑھیں:
ایشیا کپ سپر 4 مرحلہ: شاہین آج بھارتی غرور خاک میں ملانے کو تیار
دبئی (نیوز ڈیسک) ایشیا کپ کے سپر فور مرحلے میں شاہین بھارتی سورماؤں سے دو دو ہاتھ کرنے کو تیار ہوگئے، گرین شرٹس پچھلی ہار کا بدلہ چکانے کو بے قرار ہے۔
ہینڈ شیک تنازع کے بعد ایک بار پھر ایونٹ میں دو روایتی حریفوں پاکستان اور بھارت کی ٹیموں میں آج زور کا جوڑ پڑے گا، میچ پاکستانی وقت کے مطابق شام ساڑھے 7 بجے شروع ہوگا، گراؤنڈ وہی، ٹیمیں وہی اور میچ ریفری بھی اینڈی پائی کرافٹ ہی ہوں گے۔
واضح رہے کہ گروپ میچ میں بھارت نے پاکستان کو 7 وکٹ سے شکست دی تھی۔
گزشتہ روز میچ کی تیاری کیلئے قومی سکواڈ دبئی کرکٹ اکیڈمی پہنچا تو پاکستان کے ساتھ بھارتی فینز نے ان کا استقبال کیا، بھارتی فینز نے اپنے پسندیدہ کھلاڑی فخر زمان کے تصاویر بنوائیں اور آٹو گراف بھی لیا۔
آئی سی سی اکیڈمی میں چیئرمین پی سی بی محسن نقوی کی آمد پر بھارتی سپورٹنگ سٹاف اور کھلاڑی ٹریننگ سیشن ختم کر کے ہوٹل چلے گئے، محسن نقوی نے کوچ مائیک ہیسن اور کپتان سلمان علی آغا سے گفتگو کی، دیگر کھلاڑیوں سے بھی ملاقات کر کے حوصلہ بڑھایا۔
ٹیم مینجمنٹ نے کپتان سے مل کر بھارت کیخلاف میچ کی حکمت عملی بنا لی، اوپنر بلے باز صائم ایوب کا بیٹنگ آرڈر تبدیل کرنے کا فیصلہ کیا گیا ہے، اوپننگ سے ہٹا کر نمبر چار پر بیٹنگ کرائے جانے کا امکان ہے، فائنل الیون میں بھی تبدیلی متوقع ہے۔
حسن نواز کی جگہ حسین طلعت کو ٹیم میں شامل کئے جانے کا امکان ہے، فاسٹ باؤلنگ میں شاہین اور حارث کو ہی رکھنے پر اتفاق کیا گیا ہے۔
شائقین کرکٹ نے ایک بار پھر قومی ٹیم سے امیدیں وابستہ کر لیں اور جیت کیلئے دعاگو ہیں، ان کا کہنا ہے کہ پاکستانی ٹیم ہار کا بدلہ چکائے گی۔
ہینڈ شیک تنازع اور ریفری کی معافی
یاد رہے کہ 14 ستمبر کو کھیلے گئے پاک بھارت میچ میں دونوں ٹیموں کے کپتانوں نے نہ تو ٹاس کے وقت اور نہ ہی میچ کے اختتام پر ہاتھ ملایا تھا۔
بعدازاں یہ انکشاف ہوا کہ میچ ریفری اینڈی پائی کرافٹ نے پاکستانی کپتان سلمان علی آغا کو بھارتی کپتان سے ہاتھ نہ ملانے کا کہا تھا، پاکستان کرکٹ بورڈ نے اس رویے پر شدید احتجاج کیا اور آئی سی سی کو ریفری ہٹانے کا مطالبہ کیا۔
تاہم دوسرے میچ سے قبل اینڈی پائی کرافٹ نے پاکستانی ٹیم سے باضابطہ معذرت کر لی، جس کی ویڈیو بھی جاری کر دی گئی۔
Post Views: 1
وزیراعظم شہباز شریف کی امریکی صدر ڈونلڈ ٹرمپ سے 25 ستمبر کو ملاقات کی تیاریاں