ایران پر اسرائیلی و امریکی جارحیت کی مذمت کرتے ہیں، مجلس اتحاد العلماء ملتان
اشاعت کی تاریخ: 23rd, June 2025 GMT
ملتان پریس کلب میں پریس کانفرنس کرتے ہوئے رہنمائوں کا کہنا تھا کہ ایران اور اسرائیل کے مابین حالیہ جنگ، فلسطین و یمن کی صورت حال، اور عالمی قوتوں کی خاموشی یہ ظاہر کرتی ہے کہ امت مسلمہ کو ایک مرکزی فکری قیادت اور متحدہ نظریاتی صف کی اشد ضرورت ہے۔ اسلام ٹائمز۔ مجلس اتحاد العلما ملتان کے مرکزی چیئرمین مولانا محمد ایاز الحق قاسمی، سرپرست قاری محبوب الرحمن جالندھری، سرپرست پروفیسر پیر خواجہ شفیق اللہ البدری صدیقی، صدر علامہ ڈاکٹر ارشد علی بلوچ، نائب صدر مولانا عبد الرحمن قاسمی، نائب صدر مولانا ابو حزام، صاحبزادہ قاری سید علی احمد شاہ گیلانی، جنرل سیکرٹری علامہ ابوبکر عثمان الازہری، ڈپٹی جنرل سیکرٹری علامہ توفیق حامدی، ڈپٹی سیکرٹری مولانا محمد قاسم جامی، ترجمان علامہ خالد محمود فاروقی، ڈپٹی سیکرٹری مولا نا ملک محمد رفیق، سیکرٹری اطلاعات علامہ عبدالحنان حیدری نے ملتان پریس کلب میں مشترکہ پریس کانفرنس کرتے ہوئے کہا کہ مجلس اتحاد العلما ملتان ایک ایسا فکری، نظریاتی، اور روحانی پلیٹ فارم ہے جو پاکستان خصوصا ملتان میں دینی و قومی شعور کو زندہ رکھنے، فرقہ واریت کے ناسور کو ختم کرنے، نوجوان نسل کو اسلامی اقدار اور حب الوطنی کے نظریے سے جوڑنے اور ریاستی اداروں کے وقار و احترام کے دفاع کے لیے تشکیل دیا گیا ہے آج ہم ایک ایسے دور میں کھڑے ہیں جہاں صرف پاکستانی ہی نہیں بلکہ پوری امت مسلمہ فکری، اخلاقی، جغرافیائی اور عسکری سطح پر شدید آزمائش سے گزر رہی ہے، ایران اور اسرائیل کے مابین حالیہ جنگ، فلسطین و یمن کی صورت حال اور عالمی قوتوں کی خاموشی یہ ظاہر کرتی ہے کہ امت مسلمہ کو ایک مرکزی فکری قیادت اور متحدہ نظریاتی صف کی اشد ضرورت ہے۔ ہم واضح الفاظ میں اعلان کرتے ہیں کہ پاک فوج، پاکستان کی بقا و استحکام کی محافظ ہے، حالیہ افواج پاکستان نے انڈیا کو دندان شکن جواب دیکر پاکستان قوم کا سر فخر سے بلند کیا۔
انہوں نے کہا کہ اپنے اپنے مسلک پر قائم و دائم رہتے ہوئے نہ صرف ایک دوسرے کے مسلک کو برداشت کرنا بلکہ ایک دوسرے کے مسلک اور اکابرین مسلک کا ادب و احترام کرنا، باہمی محبت و الفت، تحمل و برداشت پیدا کرنا نیز انفرادی و اجتماعی معاملات میں صفت و سادگی اور اسلامی تہذیب و تمدن اور مشرقی ثقافت و کلچر کو فروغ دینا، عقیدہ توحید الہی، عظمت انبیاو ختم نبوت، مقام صحابہ واہل بیت شان اولیائ، مساجد و مدارس دینی، تبلیغی و اصلاحی مراکز کا تحفظ و دفاع کرنا اور بے ادبی و گستاخی کرنے والوں کے خلاف ہمہ قسم کا پرزور احتجاج کرنا، ملک وملت کی فلاح و بہبود کیلئے ملکی اداروں سے تعاون کرنا اور ملک کے مفادات کو نقصان پہنچانے والے عناصر کے عزائم کو ناکام بنانے کی مقدور بھر کوشش کرنا، بین المسالک ہم آہنگی کے فروغ کے لیے مجلس اتحاد العلما مشاورت اور تربیتی نشستوں کا انعقاد کرے گی۔
ذریعہ: Islam Times
کلیدی لفظ: مجلس اتحاد
پڑھیں:
جعفریہ آرگنائزیشن کا ایران پر اسرائیلی حملے و آیت اللہ خامنہ ای کو دھمکیوں کیخلاف احتجاج، ویڈیو رپورٹ
اسلام ٹائمز: احتجاجی اجتماع میں مفتی تنویر الحق تھانوی، علامہ شبیر میثمی، علامہ ناظر تقوی، علامہ اظہر مشہدی، علامہ صادق جعفری، علامہ مفتی اہتمام الحق تھانوی، سید شبر رضا ایڈووکیٹ، ڈاکٹر صابر ابومریم، پروفیسر منوج چوہان، پاسٹر امانیول مسیح، مولانا وجاہت تھانوی، مولانا اشرف علی منتظری، مفتی محمد علی، فراز فخری، مولانا چانڈیو، ریاض الحسن، حسن رضا سہیل، آغا دانش حیدر، مولانا علی سجاد عابدی، ایس ایم نقی و دیگر نے خطاب کیا۔ متعلقہ فائیلیںرپورٹ: سید ظفر جعفری
امریکی سرپرستی میں اسرائیل کے ایران پر حملے اور رہبر انقلاب اسلامی آیت اللہ سید علی خامنہ ای کو قتل کی دھمکیوں کے خلاف جعفریہ آرگنائزیشن پاکستان کے زیر اہتمام کراچی پریس کلب پر احتجاجی اجتماع کا انعقاد کیا گیا، اس موقع پر مفتی تنویر الحق تھانوی، علامہ شبیر میثمی، علامہ ناظر تقوی، علامہ اظہر مشہدی، علامہ صادق جعفری، علامہ مفتی اہتمام الحق تھانوی، سید شبر رضا ایڈووکیٹ، ڈاکٹر صابر ابومریم، پروفیسر منوج چوہان، پاسٹر امانیول مسیح، مولانا وجاہت تھانوی، مولانا اشرف علی منتظری، مفتی محمد علی، فراز فخری، مولانا چانڈیو، ریاض الحسن، حسن رضا سہیل، آغا دانش حیدر، مولانا علی سجاد عابدی، ایس ایم نقی، سمیت بلاتفریق مذہب و مسلک، سماجی، مذہبی و سیاسی، سول سوسائٹی کے رہنماؤں نے شرکت کی اور خطاب کیا۔ رہنماؤں نے کہا کہ ہم پاکستانی آرمی چیف اور حکومت کے شکر گزار ہیں کہ انہوں نے اس مشکل وقت میں ایران سے دوستی کا بھرپور ثبوت دیا ہے۔ مقررین نے کہا کہ اسرائیل بین الاقامی دستور کو روندتے ہوئے انسانیت کا قتل کر رہا ہے، وہ بہت سے ممالک کی عوام کو لاکھوں کی تعداد میں قتل کرکے پورے پورے ملمالک کو کھنڈرات میں تبدیل کر چکا ہے، اس کی جتنی بھی مذمت کی جائے وہ کم ہے۔
مقررین نے کہا کہ اسرائیل ہو یا امریکا، یا یورپی یونین سب کو معلوم ہونا چاہیئے کہ ہم مسلمان ہیں اور کسی بھی مسلمان کو تکلیف پہنچے تو ہمیں بھی تکلیف محسوس ہوتی ہے۔ مقررین نے کہا کہ پاکستان کے عوام ایران اور سپریم لیڈر آیت اللہ سید علی خامنہ ای سے والہانہ عقیدت و محبت رکھتے ہیں، ہم ایران پر جنگ مسلط ہونے کو پاکستان پر جنگ مسلط ہونے کے مترادف سمجھتے ہیں، اسکی بنیادی وجہ یہ ہے کہ سپریم لیڈر آیت اللہ خامنہ ای نے عملی طور پر اسلام و انسانیت کا دفاع کرتے ہوئے عالمی طاقتوں، امریکا و اسرائیل کو واشگاف پیغام دیا ہے کہ اسرائیل جہاں بھی قتل و غارت کرے گا، ہم اس کے خلاف مکمل طور پر کھڑے ہونگے، لہٰذا اس صورتحال میں ہمارا خاموش رہنا اسلام اور انسانیت سے غداری کے مترادف ہوگا۔ مقررین نے کہا کہ سپریم لیڈر آیت اللہ خامنہ ای اسلام و انسانی کا سرمایہ ہیں، اور تمام مسلمان رنگ و نسل، مسلک و ملت سے بالاتر ہو کر اپنے محبوب قائد کے ساتھ کھڑے ہیں، اگر رہبر انقلاب اسلامی کو کوئی نقصان پہنچا تو اسکا ردعمل بہت سخت ہوگا اور عالمی طاقتوں کو اسکا خمیازہ بھگتنا پڑے گا، جو کہ عالمی امن کو متاثر کر سکتا ہے۔ مقررین نے کہا کہ وقت آگیا ہے کہ اسرائیل کو متحد ہو کر روکا جائے۔ احتجاجی اجتماع کے بعد شرکاء نے فوارہ چوک تک ریلی نکالی، جبکہ امریکا، اسرائیل اور بھارت کے پرچم بھی نذر آتش کئے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/@ITNEWSUrduOfficial
اسرائیل کا پاسداران انقلاب کے ایک اور اعلیٰ کمانڈر کو شہید کرنے کا دعویٰ