لاہور: ڈیفنس میں انوکھی واردات: چور مالک کے سامنے اس کی کار لے اڑے
اشاعت کی تاریخ: 23rd, June 2025 GMT
لاہور ڈیفنس میں چور کار مالک کے سامنے اس کی گاڑی لے اڑے۔
رپورٹ کے مطابق ڈیفنس سی کے علاقے میں شہری کی 90لاکھ مالیت کی کار چور لے اڑے، چوری کی سی سی ٹی وی فوٹیج موصول ہوگئی۔
ایف آئی آر کے مطابق چور نے ٹیلی فون کے ذریعے کال کرکے گاڑی کا خریدار بن کر شہری کے گھر آیا،گاڑی چیک کرنے کے بہانے لے کر فرار ہو گیا۔
لاہورپولیس نے مقدمہ درج کرکے سی سی ٹی وی کی مدد سے نامعلوم ملزم چور کی تلاش شروع کردی۔
.
ذریعہ: Express News
پڑھیں:
توشہ خانہ ٹو کیس میں اہم پیش رفت: سابق ملٹری سیکرٹری بریگیڈیئر (ر) محمد احمد کا بیان سامنے آ گیا
توشہ خانہ ٹو کیس میں ایک اہم پیش رفت سامنے آئی ہے، جہاں سابق وزیرِ اعظم عمران خان اور ان کی اہلیہ بشریٰ بی بی کے خلاف چشم دید گواہ بریگیڈیئر (ر) محمد احمد کا عدالت میں ریکارڈ کرایا گیا بیان منظرِ عام پر آ گیا ہے۔
بریگیڈیئر (ر) محمد احمد، جو مئی 2020 سے اپریل 2022 تک وزیرِ اعظم عمران خان کے ملٹری سیکرٹری کے طور پر خدمات انجام دیتے رہے، نے عدالت کو بتایا کہ انہیں سعودی ولی عہد کی جانب سے ملنے والا قیمتی بلغاری جیولری سیٹ توشہ خانہ میں جمع نہ کروانے کی ہدایت خود عمران خان اور بشریٰ بی بی نے دی تھی۔
انہوں نے کہا کہ 2021 کے دورۂ سعودی عرب کے دوران انہیں یہ تحفے موصول ہوئے، جن میں قیمتی جیولری سیٹ کے علاوہ عود کی بوتلیں، زیتون کا تیل، کھجوریں اور ایک کتاب بھی شامل تھیں۔ ان کا کہنا تھا کہ تمام تحائف کی تصاویر سرکاری پروٹوکول کے مطابق لی گئیں، اور اس عمل میں وزارتِ خارجہ نے باقاعدہ طور پر وزیرِ اعظم آفس کو ان تحائف کے بارے میں تحریری اطلاع دی۔
بیان کے مطابق:
سعودی تحائف کی مجموعی مالیت 29 لاکھ 14 ہزار 500 روپے لگائی گئی۔
ان میں سے بشریٰ بی بی کو دیے گئے تحائف کے بدلے میں رقم جمع کروا دی گئی تھی۔
توشہ خانہ سیکشن کی جانب سے اس معاملے پر کوئی باضابطہ اعتراض سامنے نہیں آیا۔
بریگیڈیئر (ر) محمد احمد کے مطابق تحائف کی قیمت کا تعین اور توشہ خانہ کے ساتھ تمام خط و کتابت بھی عمران خان کی ہدایت پر ہی کی گئی۔
یہ بیان ایسے وقت میں سامنے آیا ہے جب توشہ خانہ کیس میں مزید گواہوں اور شواہد پر نظر رکھی جا رہی ہے، اور مقدمہ ملک کی سیاست اور قانون کی دنیا میں خاصی توجہ کا مرکز بنا ہوا ہے۔
Post Views: 1
کراچی کے مختلف علاقوں میں صبح سویرے ہلکی بارش