اراکین اسمبلی کی تنخواہیں نہیں بڑھیں گی، جیب سے دینے کو تیار ہوں، وزیراعلیٰ خیبرپختونخوا
اشاعت کی تاریخ: 23rd, June 2025 GMT
وزیراعلیٰ خیبر پختونخوا علی امین گنڈاپور نے کہا ہے کہ خیبرپختونخوا اسمبلی کے اراکین کی تنخواہوں میں اضافہ نہیں کیا جا رہا۔ ساتھ ہی اراکین کو یہ بھی بتا دیا کہ وہ ضرورت مند اراکین کو ذاتی طور پر مدد دینے کے لیے تیار ہیں۔
یہ بھی پڑھیں اسپیکر سمیت دیگر پارلیمنٹیرینز کی تنخواہوں میں اضافے کے خلاف خواجہ آصف پھٹ پڑے
بجٹ اجلاس کے دوران اپوزیشن کی رکن اسمبلی ثوبیہ شاہد نے اراکین کی تنخواہیں بڑھانے کی بات کی اور مطالبہ کیاکہ صوبائی اسمبلی کے اراکین کی تنخواہیں قواعد کے مطابق بڑھائی جائیں۔
وزیراعلیٰ علی امین گنڈاپور خود اسمبلی اجلاس میں موجود تھے۔ انہوں نے ثوبیہ شاہد کی درخواست پر خود اٹھ کر جواب دیا اور کہاکہ اراکین اسمبلی کی تنخواہوں پر بات نہیں ہوگی۔ انہوں نے کہاکہ ان کی پارٹی کی پالیسی نہیں ہے کہ ایم پی ایز کی تنخواہیں بڑھائی جائیں۔
علی امین نے کہاکہ وہ خود ان اراکین کو ریلیف دینے کے لیے تیار ہیں جنہیں ضرورت ہے۔ ’جس بھی ایم پی اے کو پیسے چاہییں، میں ذاتی طور پر ہر ماہ ایک لاکھ روپے دینے کے لیے تیار ہوں۔‘
انہوں نے کہاکہ اراکین اسمبلی کی تنخواہوں میں اضافہ پارٹی پالیسی نہیں ہے، اور تنخواہیں بڑھانے کا اختیار بھی ان کے پاس نہیں ہے۔
یہ بھی پڑھیں کٹوتی کرنی ہے تو ججز کی تنخواہیں اراکین قومی اسمبلی کے برابر کی جائیں، قادر مندوخیل
علی امین نے اپنی بات دہراتے ہوئے کہاکہ جن اراکین کو ضرورت ہو، وہ ان سے رابطہ کریں، رقم ماہانہ ان کے اکاؤنٹس میں منتقل کردی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اراکین اسمبلی تنخواہیں علی امین گنڈاپور وزیراعلیٰ خیبرپختونخوا وی نیوز.ذریعہ: WE News
کلیدی لفظ: اراکین اسمبلی تنخواہیں علی امین گنڈاپور وزیراعلی خیبرپختونخوا وی نیوز اراکین اسمبلی کی تنخواہیں کی تنخواہوں اراکین کو علی امین کے لیے
پڑھیں:
دہشتگردی کے خاتمے کیلئے پوری قوم فورسز کیساتھ ہے: علی امین گنڈا پور
خیبر پختونخوا کے وزیراعلیٰ علی امین گنڈاپور نے بلوچستان کے علاقے مستونگ میں سکیورٹی فورسز کی گاڑی کے قریب دھماکے کی شدید مذمت کی ہے۔وزیراعلیٰ کے پی علی امین گنڈا پور نے کہا کہ سکیورٹی فورسز نے ملک میں امن کی خاطر بے مثال قربانیاں دی ہیں، شہداء اور ان کے خاندانوں کو سلام پیش کرتے ہیں، دہشتگردی کے خاتمے کے لئے پوری قوم سکیورٹی فورسز کے ساتھ ہے۔علی امین گنڈا پور نے شہداء کے درجات کی بلندی اور پسماندگان کے لئے صبرِ جمیل کی دعا کی اور کہا کہ ہم سوگوار خاندانوں کے غم میں برابر کے شریک ہیں۔واضح رہے کہ فتنہ الہندوستان کے دہشتگردوں نے سکیورٹی فورسز کی گاڑی پر بارودی مواد سے حملہ کیا تھا جس میں 3 جوان شہید ہوگئے تھے، جوابی کارروائی میں 4 دہشتگردوں کو جہنم واصل کیا گیا تھا۔
وفاقی کابینہ کا منظور کردہ پاکستان کا پہلا گرین بلڈنگ کوڈ کیا ہے؟