مکران ڈویژن کو ایران سے بجلی کی فراہمی معطل، نیشنل گرڈ سےمنسلک کردیا گیا
اشاعت کی تاریخ: 23rd, June 2025 GMT
ایران سے بجلی کی فراہمی معطل ہونے کے بعد بلوچستان کے مکران ڈویژن کو قومی گرڈ سے منسلک کردیا گیا ہے، جس کے نتیجے میں علاقے میں بجلی کی فراہمی مرحلہ وار بحال ہونا شروع ہو گئی ہے۔
یہ بھی پڑھیں: اقتصادی رابطہ کمیٹی نے ایران سے 100 میگاواٹ بجلی حاصل کرنے کی منظوری دے دی
بلوچستان کا مکران ڈویژن، جس میں گوادر، کیچ (تربت)، پنجگور، پسنی، اورماڑہ اور ہوشاب جیسے اضلاع شامل ہیں، ایران سے درآمد کی جانے والی بجلی پر انحصار کررہے تھے، ایران سے تقریباً 200 میگاواٹ بجلی ان علاقوں کو فراہم کی جاتی تھی، جو اکثر سرحد پار فنی خرابی یا دیگر وجوہات کی بنا پر متاثر ہوتی رہی ہے۔
پیر کے روز دوپہر 12 بجے ایران سے بجلی کی فراہمی اچانک منقطع ہو گئی، جس کے باعث مکران کے تمام اضلاع تاریکی میں ڈوب گئے۔
یہ بھی پڑھیں: ایران سے گوادر بجلی فراہمی کا معاہدہ طے پاگیا
کوئٹہ الیکٹرک سپلائی کمپنی (کیسکو) کے ترجمان کے مطابق، ہنگامی بنیادوں پر اقدامات کرتے ہوئے ان علاقوں کو فوری طور پر نیشنل گرڈ سے منسلک کردیا گیا۔ اس عمل کے تحت گوادر، پنجگور، تربت، پسنی، ہوشاب اور اورماڑہ میں بجلی کی فراہمی مرحلہ وار بحال کردی گئی۔
ترجمان کیسکو نے بتایا کہ ایران سے بجلی کی بحالی کے لیے ایرانی حکام سے رابطے جاری ہیں۔ توقع ہے کہ جلد ہی سرحد پار سے بجلی کی فراہمی دوبارہ شروع ہوجائے گی۔
یہ بھی پڑھیں: بلوچستان میں بجلی چوروں کے خلاف کارروائیاں تیز، 35 افراد کے خلاف مقدمات درج
یاد رہے کہ بلوچستان کا ساحلی علاقہ ماضی میں انفراسٹرکچر کی کمی اور نیشنل گرڈ سے عدم ربط کے باعث بجلی کی شدید قلت کا شکار رہا ہے۔ ایران کے ساتھ بجلی کی درآمدی معاہدے کے تحت مکران کو نسبتاً بہتر فراہمی حاصل ہوئی، لیکن بارہا یہ نظام غیر یقینی حالات کا شکار رہا۔
حکومت کی جانب سے مکران کو قومی گرڈ سے مستقل طور پر جوڑنے کے منصوبے کئی سال سے زیر غور تھے اور حالیہ پیش رفت اس جانب ایک اہم قدم سمجھی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اورماڑہ ایران بجلی بلوچستان پاکستان پسنی پنجگور تربت مکران نیشنل گرڈ ہوشاب.ذریعہ: WE News
کلیدی لفظ: اورماڑہ ایران بجلی بلوچستان پاکستان پنجگور ہوشاب سے بجلی کی فراہمی ایران سے بجلی کی
پڑھیں:
بلوچستان: اغواکاروں نے اسسٹنٹ کمشنر زیارت کو بیٹے سمیت قتل کردیا
بلوچستان کے ضلع زیارت میں اغوا کیے گئے اسسٹنٹ کمشنر محمد افضل اور ان کے کمسن بیٹے کو سفاکانہ طور پر قتل کردیا گیا۔ دونوں کی گولیوں سے چھلنی لاشیں ہرنائی کے علاقے زردآلو سے برآمد ہوئیں۔
لیویز ذرائع کے مطابق محمد افضل اور ان کے بیٹے کو 2 ماہ قبل زیارت کے علاقے زیزری سے نامعلوم افراد نے اغوا کیا تھا۔ چند روز قبل اغوا کاروں کی جانب سے ایک ویڈیو جاری کی گئی تھی، جس میں شہید اسسٹنٹ کمشنر اور ان کے بیٹے نے حکام سے اغوا کاروں کے مطالبات پورے کرنے کی اپیل کی تھی۔
یہ بھی پڑھیں: زیارت سے اغوا ہونے والے اسسٹنٹ کمشنر اور بیٹے کی ویڈیو منظر عام پر، رہائی کے لیے مطالبات تسلیم کرنے کی اپیل
بلوچستان حکومت نے اس واقعے کے بعد مجرموں کی نشاندہی پر 5 کروڑ روپے انعام کا اعلان بھی کیا تھا۔
افسوسناک واقعے پر وزیر اعلیٰ بلوچستان میر سرفراز بگٹی نے شدید مذمت کا اظہار کرتے ہوئے کہاکہ شہید اسسٹنٹ کمشنر محمد افضل ایک فرض شناس، دیانتدار اور قابل افسر تھے جنہوں نے اپنی ذمہ داریاں نہایت خلوص سے انجام دیں۔
انہوں نے کہاکہ محمد افضل نے فرض کی ادائیگی کے دوران جان کا نذرانہ پیش کیا اور وہ ہمیشہ عوام کے دلوں میں زندہ رہیں گے۔
وزیراعلیٰ نے مزید کہاکہ معصوم جانوں کے قاتل اور امن کے دشمن اپنے عبرتناک انجام سے نہیں بچ پائیں گے۔
لواحقین سے تعزیت کرتے ہوئے انہوں نے کہا کہ حکومت دکھ کی اس گھڑی میں ان کے ساتھ کھڑی ہے اور شہدا کی قربانیاں بلوچستان میں قیامِ امن کے لیے مشعل راہ ہیں۔
دوسری جانب وفاقی وزیر داخلہ محسن نقوی نے بھی اس واقعے پر شدید ردعمل دیتے ہوئے اسے بزدلانہ اور انسانیت سوز اقدام قرار دیا۔
انہوں نے شہید افسر اور ان کے بیٹے کو خراج عقیدت پیش کرتے ہوئے کہا کہ محمد افضل نے فرض کی ادائیگی کے دوران شہادت کا عظیم رتبہ پایا، وہ ایک فرض شناس اور محنتی افسر تھے جو ہمیشہ ہمارے دلوں میں زندہ رہیں گے۔
یہ بھی پڑھیں: اسسٹنٹ کمشنر زیارت بیٹے سمیت اغوا، مسلح افراد نے گاڑی کو آگ لگادی
وزیر داخلہ نے کہا کہ اس گھناؤنے جرم میں ملوث درندے قانون کی گرفت سے نہیں بچ سکیں گے اور انہیں ان کے انجام تک پہنچایا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسسٹنٹ کمشنر زیارت اغواکار بلوچستان بیٹے سمیت قتل وزیراعلیٰ بلوچستان وی نیوز
شراب و اسلحہ برآمدگی کیس: علی امین گنڈا پور کے وارنٹ گرفتاری برقرار