مشرق وسطیٰ کشیدگی: پی آئی اے نے قطر، بحرین، کویت اور دبئی کے لیے فضائی آپریشن معطل کردیا
اشاعت کی تاریخ: 23rd, June 2025 GMT
ایران کی جانب سے قطر میں امریکی اڈے پر بیلسٹک میزائل حملوں کے بعد پاکستان کی قومی ایئرلائن (پی آئی اے) نے خطے میں بڑھتی ہوئی کشیدگی کے پیشِ نظر قطر، بحرین، کویت اور دبئی کے لیے اپنی تمام پروازیں عارضی طور پر معطل کردی ہیں۔
ترجمان پی آئی اے کے مطابق یہ فیصلہ خلیجی ممالک میں پیدا ہونے والی جنگی صورت حال کے باعث کیا گیا ہے۔
ترجمان نے کہا کہ مسافروں کی سلامتی اولین ترجیح ہے، اور حالات معمول پر آنے کے بعد فضائی آپریشن دوبارہ بحال کر دیا جائے گا۔
واضح رہے کہ کچھ دیر قبل ایران نے قطر اور عراق میں قائم امریکی فوجی اڈوں پر بیلسٹک میزائلوں سے حملے کیے۔
امریکی میڈیا کے مطابق ایران کی جانب سے قطر کی فضا میں 6 بیلسٹک میزائل داغے گئے جن کا ہدف العدید ایئر بیس تھا، جو خطے میں امریکی فوج کی سب سے بڑی تنصیب ہے۔
قطری وزارت خارجہ نے اپنے ردعمل میں بتایا کہ حملوں سے قبل ہی امریکی اڈہ حفاظتی اقدامات کے تحت خالی کرا لیا گیا تھا۔ مزید یہ کہ قطری فضائی دفاعی نظام نے ایران کی جانب سے داغے گئے میزائلوں میں سے ایک کو فضا میں ہی تباہ کردیا۔
دوسری جانب عراق میں قائم امریکی عین الاسد ائیر بیس پر بھی ہائی الرٹ جاری کردیا گیا ہے، جہاں فضائی دفاعی نظام کو فعال کر دیا گیا ہے اور امریکی اہلکاروں کو محفوظ بنکروں میں منتقل کر دیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آپریشن منسوخ پاکستان انٹرنیشنل ایئرلائن پی آئی اے مشرق وسطیٰ کشیدگی وی نیوز.ذریعہ: WE News
کلیدی لفظ: پاکستان انٹرنیشنل ایئرلائن پی ا ئی اے مشرق وسطی کشیدگی وی نیوز گیا ہے
پڑھیں:
چمن میں افغانستان کی جانب سے فائرنگ کی گئی، پاکستان نے افغانستان کے دعوؤں کو مسترد کردیا
پاکستان نے چمن میں پاک افغان سرحد پر پیش آنے والے واقعے کے حوالے سے افغانستان کی جانب سے پھیلائے گئے دعوؤں کو سختی سے مسترد کردیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سندھ بلڈنگ، صدر ٹاؤن میں غیر قانونی عمارتوں کی تعمیرات، حکام بے پروا