ایران کا اسرائیل پر میزائل حملہ، پاور پلانٹ نشانہ، متعدد علاقوں میں بجلی بند
اشاعت کی تاریخ: 23rd, June 2025 GMT
data-id="863a0a8" data-element_type="widget" data-widget_type="theme-post-content.default">
تل ابیب: مشرق وسطیٰ میں جاری کشیدگی کے دوران ایران نے اسرائیل کی جانب سے کیے گئے حملوں کے جواب میں شدید میزائل کارروائی کی ہے، جس کے نتیجے میں جنوبی اسرائیل کا ایک اہم پاور پلانٹ براہِ راست نشانہ بنا۔ اس حملے سے متعدد علاقوں میں بجلی کی فراہمی متاثر ہوئی ہے جبکہ عوام نے گھنٹوں پناہ گاہوں میں پناہ لینے پر مجبور ہو کر خوف و ہراس کی کیفیت میں وقت گزارا۔
عالمی میڈیا رپورٹس کے مطابق اسرائیل الیکٹرک کارپوریشن نے تصدیق کی ہے کہ ایک میزائل ملک کے اسٹریٹجک انفرااسٹرکچر کے قریب آ کر گرا، جس سے پاور سپلائی میں شدید خلل پیدا ہوا۔ نہاریا، حیفا، میعیلیا اور مغربی بیت المقدس سمیت متعدد شہروں میں فضا میں سائرن گونج اٹھے، جس کے بعد شہریوں میں خوف کی لہر دوڑ گئی۔
رپورٹس کے مطابق تل ابیب کی حدود میں آسمان پر ایرانی میزائلوں کو پرواز کرتے دیکھا گیا، جس کے فوری بعد زوردار دھماکوں کی آوازیں سنائی دیں، اب تک کم از کم چار مختلف مقامات پر میزائل گرنے کی تصدیق ہو چکی ہے، جن میں اشدود اور مغربی بیت المقدس شامل ہیں۔
اسرائیلی حکام کی جانب سے فوجی سنسر شپ عائد کی گئی ہے، جس کے تحت متاثرہ علاقوں یا تنصیبات کی تفصیلات جاری کرنا ممنوع قرار دیا گیا ہے۔ اسی وجہ سے میڈیا پر حملے کی ویڈیوز یا مقامی نقصانات کی تصاویر سامنے نہیں آ رہی ہیں۔
واضح رہے کہ 13 جون کو اسرائیل نے ایران کے خلاف جارحانہ کارروائی کی تھی، جس کے بعد سے اب تک ایران کی جانب سے تقریباً 450 بیلسٹک میزائل داغے جا چکے ہیں۔ یہ حملہ ایران کی اب تک کی سب سے شدید جوابی کارروائی کے طور پر دیکھا جا رہا ہے۔
.ذریعہ: Jasarat News
پڑھیں:
لاہور: خوفناک واقعہ، سابق شوہر کے کزن نے ساتھیوں کے ساتھ خاتون کو اجتماعی زیادتی کا نشانہ بنا ڈالا
data-id="863a0a8" data-element_type="widget" data-widget_type="theme-post-content.default">
لاہور کے علاقے غالب مارکیٹ میں افسوسناک واقعہ پیش آیا جہاں ایک خاتون کو نشہ آور مشروب پلا کر تین افراد نے مبینہ طور پر اجتماعی زیادتی کا نشانہ بنا ڈالا۔
نجی ٹی وی کی رپورٹ کے مطابق یہ واقعہ ایک نجی ہوٹل میں پیش آیا، جہاں ملزمان نے خاتون کو دھوکے سے بلایا اور نشہ آور چیز کھلا کر زیادتی کی۔
پولیس کے مطابق متاثرہ خاتون کا تعلق ضلع قصور سے ہے، جس کی مدعیت میں تھانہ غالب مارکیٹ میں ناصر، محمد خان اور زاہد شاہ کے خلاف مقدمہ درج کر لیا گیا ہے۔
ابتدائی بیان میں متاثرہ خاتون نے بتایا کہ اس کا سابق شوہر ناصر اسی ہوٹل میں ملازم ہے، جبکہ اس کے کزن امتیاز نے ایک بہانے سے ہوٹل بلایا۔ منگل کی صبح اسے نشہ آور لسی پلا کر زیادتی کا نشانہ بنایا گیا۔
پولیس نے کارروائی کرتے ہوئے تینوں ملزمان کو گرفتار کر لیا ہے، جبکہ خاتون کو طبی معائنے کے لیے اسپتال منتقل کر دیا گیا ہے۔
ترجمان پولیس کے مطابق میڈیکل رپورٹ موصول ہونے کے بعد مقدمے میں مزید کارروائی عمل میں لائی جائے گی۔
لاڑکانہ: سندھ بار ایسوسی ایشن کے رہنما ایڈووکیٹ اطہر سولنگی کی امیر صوبہ کاشف سعید شیخ سے وفد کے ساتھ ملاقات ، ایڈووکیٹ نادر علی کھوسو ، قاری ابوزبیر جکھرو بھی موجودہیں