(ایران پر امریکی، اسرائیلی حملے) جماعت اسلامی کے کراچی سے کشمیر تک احتجاجی مظاہرے
اشاعت کی تاریخ: 24th, June 2025 GMT
کراچی، حیدرآبادسمیت کئی شہر امریکا کاجو یار ہے، غدار ہے، غدار ہے کے فلگ شگاف نعروں سے گونج اٹھے
یہ جنگ اسرائیل اور ایران کی نہیں بلکہ کفر اور اسلام کی جنگ ہے، ممتاز حسین سہتو،سید علی مردان شاہ و دیگر کا خطاب
امیر جماعت اسلامی حافظ نعیم الرحمٰن کی کال پر جماعت اسلامی سندھ کی جانب سے ایران پر امریکی حملے کے خلاف کراچی سے کشمیر تک سندھ بھر میں احتجاجی مظاہرے کیے گئے۔احتجاجی مظاہروں میں شریک افراد نے "جو امریکہ کا یار ہے، غدار ہے، غدار ہے، امریکہ کا ایک علاج الجہاد الجہاد، ایران سے رشتہ ہے کیا لاالہ اللہ ہے” کے فلگ شگاف نعرے لگا رہے تھے۔ جماعت اسلامی سندھ کے جاری کردہ اعلامیہ کے مطابق کراچی، حیدرآباد، ، دادو، فرید آباد، میہڑ، سکھر، شکارپور،جیکب آباد، کشمور،ٹھٹہ، بدین، ٹنڈو آدم سمیت کئی شہروں میں ہونے والے احتجاجی مظاہروں کو جماعت اسلامی کے مرکزی، صوبائی اور مقامی رہنماؤں سمیت مذہبی جماعتوں کے رہنماؤں اور سول سوسائٹی کے نمائندوں نے خطاب کیا۔ جماعت اسلامی پاکستان کے مرکزی ڈپٹی جنرل سیکرٹری ممتاز حسین سہتو نے سیٹھارجہ میں منعقدہ احتجاجی مظاہرے سے خطاب کرتے ہوئے کہا کہ آج امت مسلمہ کے ایمان کے امتحان کا وقت ہے کیونکہ یہ جنگ اسرائیل اور ایران کی نہیں بلکہ کفر اور اسلام کی جنگ ہے، پوری پاکستانی قوم اس جنگ میں ایران کے ساتھ کھڑی ہے۔ سکھر پریس کلب پر منعقدہ احتجاجی مظاہرے سے خطاب کرتے ہوئے جماعت اسلامی سندھ کے ڈپٹی جنرل سیکرٹری مولانا حزب اللہ جکھرو اور امان اللہ تنیو نے کہا کہ ایران پر امریکی حملہ اقوام متحدہ کے چارٹر اور بین الاقوامی قانون کی خلاف ورزی ہے۔ ٹرمپ اور نیتن یاہو جنگی جرائم اور غزہ کے مظلوم فلسطینی عوام کی نسل کشی میں ملوث ہیں ان کے خلاف عالمی عدالت میں کارروائی ہونی چاہیے۔ وزیر اعظم شہباز شریف کی جانب سے عالمی دہشت گرد ٹرمپ کو نوبل امن انعام کے لیے نامزد کرنا غزہ کے 70 ہزار شہداء کے خون سے غداری ہے۔ لاڑکانہ میں جناح باغ سے پریس کلب تک احتجاجی ریلی سے ضلعی امیر ایڈووکیٹ نادرعلی کوسو، مقامی امیر رمیز راجہ شیخ اور غلام عباس ڈاھانی نے خطاب کرتے ہوئے کہا کہ اس وقت پوری امت کو متحد ہو کر سامراجی قوتوں کا مقابلہ کرنا چاہیے اگر آج ہم متحد نہ ہوئے تو کل ہماری باری بھی آسکتی ہے۔ ٹھٹہ پریس کلب پر احتجاجی مظاہرے سے ضلعی امیر ایڈوکیٹ عبدالمجید سموں، مقامی کونسلر محرم علی خاصخیلی نے خطاب کیا۔ دادو میں ضلعی رہنما محمد موسیٰ ببر کی قیادت میں احتجاجی مظاہرہ کیا گیا، کندھ کوٹ پریس کلب پر منعقدہ مظاہرے سے حفیظ اللہ گولو، مولانا رفیع الدین چنا نے خطاب کیا جبکہ بدین پریس کلب کے سامنے احتجاجی مظاہرے سے ضلعی امیر سید علی مردان شاہ، فتح خان کھوسو اور دیگر رہنماؤں نے خطاب کرتے ہوئے کہا کہ اسرائیل کی جانب سے عالمی قوانین کی حالیہ خلاف ورزی، انسانی حقوق کی پامالی، اور ایران پر جارحیت میںبے گناہ مسلمانوں کی شہادت کی سخت الفاظ میں مذمت کرتے ہیں۔ یہ عمل علاقائی امن کے لیے سنگین خطرہ ہے، اسرائیل اور امریکہ طاقت کے زور پر بین الاقوامی معاہدوں کو پامال کر رہے ہیں۔ جیکب آباد میں مقامی دفتر سے ڈی سی آفس تک احتجاجی مظاہرہ کیا گیا جس کو قائم مقام امیر محمد حنیف کھوسو اور ہدایت اللہ رند نے خطاب کیا،ٹنڈوالہیار میں منعقدہ احتجاجی مظاہرے سے ضلعی امیر آصف یاسین،عاشق خانزاد اور رائو جاوید کی قیادت میں احتجاجی مظاہرہ کیا گیا،شکارپور میںگھنٹہ گھر چوک پر منعقدہ احتجاجی مظاہرے سے مقامی امیر مولانا صدرالدین مہر، اصغر پہوڑ ودیگر نے خطاب کیا۔ ٹنڈوآدم پریس کلب پر منعقدہ احتجاجی مظاہرے سے مشتاق احمد عادل، عبدالغفورانصاری نے خطاب کیا جبکہ میرپورخاص، کشموربھی احتجاجی مظاہرے کیے گئے۔
.ذریعہ: Juraat
کلیدی لفظ: منعقدہ احتجاجی مظاہرے سے خطاب کرتے ہوئے جماعت اسلامی پریس کلب پر نے خطاب کیا ایران پر کہا کہ ا غدار ہے
پڑھیں:
ایران کیجانب سے اسلامی تعاون تنظیم کے غیر معمولی اجلاس کے انعقاد کا مطالبہ
اسلامی تعاون تنظیم کے سیکرٹری جنرل کیساتھ ساتھ ترکی و سعودی عرب کے وزرائے خارجہ کو لکھے گئے اپنے خط میں ایرانی وزیر خارجہ نے غزہ میں جاری وسیع انسانی تباہی کا جائزہ لینے اور امداد کی فی الفور فراہمی سمیت اس حوالے سے رابطہ کاری کیلئے اسلامی تعاون تنظیم کا غیر معمولی اجلاس طلب کرنیکا مطالبہ کیا ہے اسلام ٹائمز۔ ایرانی وزیر خارجہ سید عباس عراقچی نے غزہ میں سفاک صیہونی رژیم کے ہاتھوں جاری فلسطینی عوام کی وسیع نسل کشی اور انسانیت سوز جنگی جرائم کو روکنے کے لئے اسلامی تعاون تنظیم کے سیکرٹری جنرل حسین ابراہیم طہ سمیت ترکی و سعودی عرب کے وزرائے خارجہ ہاکان فیدان و فیصل بن فرحان کو بھی خط تحریر کیا ہے۔ اپنے خط میں سید عباس عراقچی نے غزہ میں جاری وسیع انسانی تباہی کا جائزہ لینے اور امداد کی فی الفور فراہمی سمیت اس حوالے سے رابطہ کاری کیلئے اسلامی تعاون تنظیم کا غیر معمولی اجلاس طلب کرنیکا مطالبہ کیا ہے۔
اپنے خط میں ایرانی وزیر خارجہ نے تاکید کی کہ انتہائی تشویش اور گہری اخلاقی و سیاسی عجلت کے احساس کے ساتھ، میں ایک بار پھر آپ کو غزہ کی پٹی میں بگڑتی انسانی صورتحال کے حوالے سے خط لکھ رہا ہوں، یہ ایک ایسی صورتحال ہے کہ جو اس وقت امت اسلامیہ و عالمی برادری کو درپیش سنگین ترین بحرانوں میں سے ایک بن چکی ہے کیونکہ غزہ کی ابتر صورتحال انسانی برداشت کی حد سے تجاوز کر گئی ہے اور وہاں جو کچھ ہو رہا ہے وہ محض ایک انسانی بحران نہیں بلکہ شدید محاصرے میں محصور عام شہری آبادی کی منظم تباہی بھی ہے لہذا یہاں سرزد ہونے والے انسانیت کے خلاف گھناؤنے جرائم کی وسعت و شدت کے لئے فوری و مربوط کارروائی کی ضرورت ہے۔
سید عباس عراقچی نے لکھا کہ تازہ ترین اعداد و شمار اور تمام معتبر انسانی تنظیموں و میڈیا ذرائع کی رپورٹوں سے ظاہر ہوتا ہے کہ غزہ کی عام شہری آبادی کو ایسی صورتحال کا سامنا ہے کہ جسے صرف ایک لفظ میں بیان کیا جا سکتا ہے اور وہ ہے "وسیع نسل کشی"! انہوں نے لکھا کہ اس سے بھی زیادہ تشویشناک بات یہ ہے کہ بڑھتے ہوئے شواہد، غزہ پر دوبارہ قبضہ کرنے اور اسے مقبوضہ فلسطینی اراضی میں مکمل طور پر الحاق کر لینے کے قابض صیہونی رژیم کے اسٹریٹجک و غیر قانونی ارادے کی نشاندہی کرتے ہیں۔
اسلامی تعاون تنظیم کے ہنگامی اجلاس میں غزہ میں جاری انسانی تباہی کا جائزہ لینے اور امداد کی فوری فراہمی کے لئے ہم آہنگی پیدا کرنے سمیت غاصب صیہونی رژیم کی جانب سے غزہ پر مستقل قبضے کے ارادے کے قانونی و سیاسی پہلوؤں کے جائزے، متفقہ مؤقف اختیار کرنے اور سفارتی، قانونی و اقتصادی وسائل سمیت بھرپور اقدامات پر عملدرآمد پر زور دیتے ہوئے سید عباس عراقچی نے مزید لکھا کہ مذکورہ بالا صورتحال کو دیکھتے ہوئے اور اسلامی تعاون تنظیم کے چارٹر کی دفعات و وزرائے خارجہ کونسل کے غیر معمولی اجلاسوں کے انعقاد کے سابقہ طریقہ کار کے مطابق، میں باضابطہ طور پر یہ درخواست کرتا ہوں کہ تنظیم کے ہیڈ کوارٹر میں وزرائے خارجہ کونسل کا غیر معمولی اجلاس جلد از جلد منعقد کیا جائے!
پی ٹی آئی کا مینار پاکستان پر جلسہ کی اجازت کیلئے لاہور ہائیکورٹ سے رجوع