ہانیہ عامر کا بھارتی فلم سردار جی 3 میں کاسٹ ہونا کتنا اہم؟ شوبز شخصیات نے بتادیا
اشاعت کی تاریخ: 24th, June 2025 GMT
بھارتی پنجابی فلم ’سردار جی 3‘ کا ٹریلر ریلیز ہونے کے بعد جہاں مداح ہانیہ عامر کو دیکھ کر خوشگوار حیرت میں مبتلا ہوئے وہیں پاکستانی شوبز شخصیات نے بھی اپنی مختلف پوسٹس میں ہانیہ عامر کی انڈین فلم میں اداکاری کو تاریخی قرار دے دیا اور ان کی خوب تعریفیں کیں۔
پاکستان شوبز کے معروف اداکار اور ہدایت کار یاسر حسین نے انسٹاگرام پر فلم کا ٹریلر شیئر کرتے ہوئے لکھا کہ بہت سے پاکستانی اداکاروں نے بھارتی فلموں میں کام کیا لیکن ہانیہ عامر کی فلم تاریخی حیثیت رکھتی ہے۔ انہوں نے مزید کہا کہ ان حالات میں ہانیہ عامر کا بھارتی فلم میں ہونا ان کی شاندار اداکاری کا ثبوت ہے۔
اداکارہ زارا نور عباس نے لکھا کہ وہ ہانیہ عامر کے لیے بہت خوش ہیں اور ان پر فخر کرتی ہیں۔ ساتھ ہی انہوں نے کہا کہ ہماری سپر اسٹار ہالی ووڈ کے سفر کی جانب گامزن ہیں۔
ہانیہ عامر کی دوست یشما گل نے اداکارہ کو مخاطب کرتے ہوئے لکھا کہ آ جاؤ اور چھا جاؤ۔
انوشے اشرف لکھتی ہیں کہ ان سے قبل زیادہ تر پاکستانی اداکاروں نے بھارتی فلموں میں سائیڈ رول ادا کیے لیکن ہانیہ عامر نے مرکزی کردار ادا کیا اور وہ بھی دلجیت دوسانجھ جیسے اداکار کے ساتھ۔
پاکستانی اداکارہ زویا ناصر نے ہانیہ عامر کی تعریفوں کے پل باندھتے ہوئے کہا کہ ’اسٹار ہے اسٹار، آئی ہے تو چھا گئی ہے‘۔
ان کے علاوہ دیگر شوبز شخصیات نے بھی ہانیہ عامر کی بھارتی فلم کا ٹریلر جاری ہونے پر خوشی کا اظہار کرتے ہوئے اداکارہ کو اسٹار قرار دیا۔
واضح رہے کہ ہانیہ عامر کی ’سردار جی 3‘ میں شمولیت کے حوالے سے کافی عرصے سے قیاس آرائیاں جاری تھیں کیونکہ پاکستان اور بھارت کے درمیان حالیہ کشیدگی کے بعد یہ اطلاعات سامنے آئی تھیں کہ ہانیہ عامر کو فلم سے نکال دیا گیا ہے۔ اس کے بعد دلجیت دوسانجھ نے فلم کے حوالے سے پہلا پوسٹر شیئر کیا تو اس میں ہانیہ عامر کہیں نہیں تھیں۔
یہ بھی پڑھیں: سردار جی 3 کا ٹریلر ریلیز، دلجیت دوسانجھ کے ساتھ ہانیہ عامر کی شمولیت سے مداح حیران
اداکارہ ہانیہ عامر کی فلم میں شمولیت سے متعلق قیاس آرائیوں پر دلجیت دوسانجھ نے بھی مکمل خاموشی اختیار کر رکھی تھی اور ہانیہ عامر نے بھی اس حوالے سے میڈیا پر کوئی بیان جاری نہیں کیا تھا تاہم اب ’سردار جی 3‘ کا آفیشل ٹریلر سامنے آنے کے بعد تمام سوالوں کا جواب مل گیا ہے۔
پنجابی فلم انڈسٹری کی فلم ‘سردار جی 3’ سال 2015 میں ریلیز ہونے والی پنجابی فلم ‘سردار جی’ فرنچائز کا تیسرا حصہ ہے جو اپنی میکنگ کی خبروں سے ہی سرخیوں میں ہے۔ 22 اپریل 2025 کو پہلگام حملے کے بعد بھارت کی کئی فلمی تنظیموں، بشمول فیڈریشن آف ویسٹرن انڈیا نے ایمپلائیز (FWICE)، نے پاکستانی فنکاروں کے ساتھ کسی بھی قسم کے تعاون پر اعتراض کیا اور ان پر بالی ووڈ میں پابندی عائد کرنے کا مطالبہ کیا۔ سوشل میڈیا پر #BOYCOTTSARDARJI3 جیسے ہیش ٹیگز ٹرینڈ کرنے لگے تھے اب یہ فلم بھارت کے بجائے صرف اوورسیز ریلیز کی جائے گی۔
سردار جی 3 صرف اوورسیز میں 27 جون کو ریلیز ہو رہی ہے۔ فلم میں دلجیت دوسانجھ، نیرو باجوہ، ہانیہ عامر، ناصر چنیوٹی اور دیگر مشہور پنجابی اداکار شامل ہیں۔ فلم کی شوٹنگ برطانیہ میں کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
دلجیت دوسانجھ سردار جی 3 ہانیہ عامر.ذریعہ: WE News
کلیدی لفظ: دلجیت دوسانجھ ہانیہ عامر دلجیت دوسانجھ ہانیہ عامر کی بھارتی فلم کا ٹریلر فلم میں نے بھی کے بعد
پڑھیں:
شاہ رخ خان اور سلمان خان کے ساتھ فلم کرنے کے لیے عامر خان نے شرط رکھ دی
شاہ رخ خان، عامر خان اور سلمان خان کو بالی ووڈ کے تین بڑے سپر اسٹارز مانا جاتا ہے۔ مداح پچھلے 30 سالوں سے اس انتظار میں ہیں کہ کیا کبھی یہ تینوں ایک ساتھ کسی فلم میں نظر آئیں گے۔ شاہ رخ کے بیٹے آریان خان نے اپنی ہدایتکاری میں بننے والی پہلی ویب سیریز ’دی باسٹرڈز آف بالی ووڈ‘ میں تینوں کو اکٹھا ضرور کیا، لیکن اس ہفتے نیٹ فلکس پر ریلیز ہونے والے اس طنزیہ ایکشن کامیڈی شو میں تینوں نے اسکرین اسپیس شیئر نہیں کی۔
اپنے حالیہ انٹرویو میں عامر خان نے بتایا کہ وہ تینوں ایک ساتھ کام کرنے کے لیے تیار ہیں اگر ایک اچھی اسکرپٹ آتی ہے۔ ایک پوڈکاسٹ ’گیم چینجرز‘ میں بات کرتے ہوئے ’دنگل‘ اسٹار عامر خان نے کہا کہ سلمان اور شاہ رخ پہلے ساتھ کام کر چکے ہیں، سلمان اور میں بھی ساتھ کام کر چکے ہیں، لیکن ہم تینوں نے ایک ساتھ کبھی کام نہیں کیا۔ لیکن میرا خیال ہے کہ ہم اب اس کے لیے پہلے سے زیادہ تیار ہیں۔
یہ بھی پڑھیں: جیسیکا ہائنس سے ناجائز تعلق اور بچہ، عامر خان ڈی این اے ٹیسٹ کرا لیں میرے پاس ثبوت ہیں، بھائی فیصل خان کا دعویٰ
عامر خان کا مزید کہنا تھا کہ اگر کوئی اچھی کہانی آئے، جس میں تینوں کے لیے اچھے کردار ہوں، اور وہ تینوں کو پسند آئے، تو ہم یقیناً اس میں کام کریں گے۔ اس کے علاوہ اور کوئی مسئلہ نہیں ہے۔ جب ان سے پوچھا گیا کہ کیا تینوں کا ایک ہی اسکرپٹ پر متفق ہونا ممکن ہے، تو عامر نے کہا اس کا امکان 50-50 ہے۔
مسٹر پرفیکشنسٹ کا مزید کہنا تھا کہ اگر تینوں خانز ایک ساتھ میں کام کرتے ہیں تو اس پر ناظرین کی توقعات بہت زیادہ ہوں گی۔ عامر نے کہا یہ ایک جذباتی بات ہے جسے ہم تینوں شاہ رخ، سلمان اور میں سمجھتے ہیں۔ ہم تینوں ناظرین کے جذبات کی قدر کریں گے۔
یہ بھی پڑھیں: فیصل خان کا بالی ووڈ اسٹار عامر خان پر غیر ازدواجی تعلق اور ناجائز بچے کا الزام
واضح رہے کہ شاہ رخ اور سلمان نے فلم ’کرن ارجن‘ اور 1998 میں ’کچھ کچھ ہوتا ہے‘ میں ساتھ کام کیا ہے۔ اس کے علاوہ دونوں نے ایک دوسرے کی فلموں میں کیمیو بھی کیے ہیں، جیسے ’ٹیوب لائٹ‘، ’زیرو‘، ’پٹھان‘، اور ’ٹائیگر 3‘۔
سلمان اور عامر نے 1994 کی کامیڈی فلم ’انداز اپنا اپنا‘ میں ساتھ کام کیا تھا۔ عامر اور شاہ رخ نے اب تک صرف ایک سین شیئر کیا ہے۔ 1993 کی تھرلر فلم ’پہلا نشہ‘ میں، جو دیپک تجوری کی فلم تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ بالی ووڈ کنگز سلمان خان شاہ رخ خان عامر خان
وی ایکسکلوسیو: مودی نے بھارت میں اقلیتوں کا جینا حرام کردیا، وفاقی وزیر کھیئل داس کوہستانی