گاڑی کو روکنا پولیس اہلکاروں کو مہنگا پڑگیا، ڈرائیور کا انوکھا اقدام
اشاعت کی تاریخ: 24th, June 2025 GMT
ایک ہسپانوی شخص نے گاڑی روکنے پر طیش میں آکر ٹریفک پولیس اہلکاروں پر اپنی پالتو شہد کی مکھیاں چھوڑ دیں اور اطمینان سے فرار ہوگیا۔
یہ بھی پڑھیں: برسوں ایک ہی تھرماس استعمال کرنے والے شخص کے ساتھ کیا ہوا؟
یہ انوکھا واقعہ اسپین کے ایک چھوٹے سے قصبے سرویرا میں اس وقت پیش آیا جب پولیس نے ایک وین کو اس لیے روکا کہ ڈرائیور سیٹ بیلٹ نہیں پہنے ہوئے تھا۔ وہ شخص گاڑی غیر متوازن انداز میں بھی چلا رہا تھا۔ تاہم جیسے ہی گاڑی رکی وہ 70 سالہ مکھی بان غصے سے لال پیلا ہوگیا اور دونوں اہلکاروں سے یہاں تک کہا کہ مجھے گاڑی روکنے کی بجائے تم دونوں کو کچل دینا چاہیے تھا۔پولیس اہلکاروں کو شک ہوا کہ اس شخص نے شراب پی ہوئی ہے لہٰذا اس کا موقعے پر ہی ٹیسٹ کیا گیا تاہم سانس میں الکحل کی مقدار بہت کم نکلی جس پر پولیس والوں نے ٹیسٹ دوبارہ دینے کو کہا۔ ان کا یہ کہنا تھا کہ وہ شخص جو پہلے ہی غصے سے بھرا بیٹھا تھا آپے سے ہی باہر ہوگیا اور کہا کہ ٹھہرو اب میں تم لوگوں کو قتل ہی کردیتا ہوں۔
مزید پڑھیے: سانپوں سے کٹواکر مہلک بیماریوں کا علاج، متنازع معالج کے ہاں مریضوں کی ِبھیڑ
پھر اس شخص نے اپنی وین کے پچھلے حصے میں جا کر شہد کی مکھیوں کا چھتا کھول دیا اور اس میں موجود شہد کی مکھیاں ان اہلکاروں پر چھوڑ دیں جس سے دونوں پولیس اہلکار زخمی ہو گئے اور قریبی ریسٹورنٹ میں پناہ لینے پر مجبور ہو گئے۔مشتعل مکھیاں پولیس اہلکاروں پر جھپٹ پڑی تھیں اور دونوں کو متعدد ڈنک لگے جس پر ان دونوں کو بھاگ کر جان بچانی پڑی۔ اسی اثنا میں وہ مکھی بان آرام سے گاڑی لے کر فرار ہو گیا۔
مزید پڑھیں: ہوائی جہاز پر مفت سفر کرنے والا پکڑا گیا، وہ یہ ’کمال‘ دکھاتا کیسے تھا؟
پولیس نے بعد میں اس شخص کو گرفتار کر لیا۔ تاہم چند گھنٹوں بعد ہی وہ ضمانت پر رہا کر دیا گیا۔ دونوں اہلکار اتنے زخمی ہوچکے تھے کہ انہیں اسپتال میں داخل ہونا پڑا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپین ٹریفک اہلکار مشکل میں شہد کی مکھیاں.ذریعہ: WE News
کلیدی لفظ: اسپین ٹریفک اہلکار مشکل میں شہد کی مکھیاں پولیس اہلکاروں شہد کی
پڑھیں:
جنوبی وزیرستان، پولیس پر حملے میں 3 راہگیر جاں بحق، 3 اہلکاروں سمیت 14 افراد زخمی
ڈسٹرکٹ پولیس آفیسر (ڈی پی او) طاہر شاہ کے مطابق دھماکا اور فائرنگ کے بعد علاقے میں سکیورٹی اہلکاروں کی بھاری نفری تعینات کر دی گئی ہے اور شواہد اکٹھے کیے جا رہے ہیں۔ اسلام ٹائمز۔ جنوبی وزیرستان میں پولیس وین کے قریب دھماکے اور فائرنگ کے واقعے میں 3 راہگیر جاں بحق ہوگئے جب کہ 3 پولیس اہل کاروں سمیت 14 افراد زخمی ہو گئے۔ پولیس کے مطابق جنوبی وزیرستان کے علاقے وانا بازار میں شکئی اسٹینڈ کے قریب پولیس وین کے پاس زور دار دھماکا ہوا، جس کے فوری بعد نامعلوم مسلح افراد کی جانب سے شدید فائرنگ بھی کی گئی، جس سے علاقے میں خوف و ہراس پھیل گیا۔ واقعے میں 3 راہ گیروں کے جاں بحق ہونے کی پولیس نے تصدیق کردی ہے جب کہ تین پولیس اہل کاروں سمیت 14 افراد زخمی ہیں، جنہیں فوری طور پر وانا ہیڈکوارٹر اسپتال منتقل کیا گیا ہے، جہاں انہیں طبی امداد فراہم کی جا رہی ہے۔ ڈسٹرکٹ پولیس آفیسر (ڈی پی او) طاہر شاہ کے مطابق دھماکا اور فائرنگ کے بعد علاقے میں سکیورٹی اہلکاروں کی بھاری نفری تعینات کر دی گئی ہے اور شواہد اکٹھے کیے جا رہے ہیں۔
بی جے پی کی ہدایت پر لاکھوں ووٹروں کو ووٹ دینے کے حق سے محروم کیا جارہا ہے، پرینکا چترویدی