صیہونی فوج نے خان یونس میں افسر سمیت 7 اہلکاروں کی ہلاکت کا اعتراف کر لیا
اشاعت کی تاریخ: 25th, June 2025 GMT
ابتدائی تحقیقات کے مطابق واقعہ منگل کی دوپہر پیش آیا، جب مزاحمت کاروں نے ایک بکتر بند گاڑی "پوما" پر نصب شدہ بارودی مواد کو دھماکے سے اڑا دیا۔ اسلام ٹائمز۔ قابض صیہونی فوج نے خان یونس میں دو مختلف واقعات میں 7 فوجیوں کی ہلاکت اور دیگر کے زخمی ہونے کا اعتراف کر لیا ہے۔ قابض اسرائیلی فوج نے بدھ کی صبح اعتراف کیا ہے کہ جنوبی غزہ کے علاقے خان یونس میں فلسطینی مزاحمت کاروں کے حملے میں ایک افسر اور 6 فوجی ہلاک جبکہ دیگر زخمی ہوئے ہیں۔ ابتدائی تحقیقات کے مطابق واقعہ منگل کی دوپہر پیش آیا، جب مزاحمت کاروں نے ایک بکتر بند گاڑی "پوما" پر نصب شدہ بارودی مواد کو دھماکے سے اڑا دیا۔ اس گاڑی میں انجینئرنگ کور کی ایک جنگی یونٹ سوار تھی۔ دھماکے کے بعد گاڑی اور اس میں موجود فوجی آگ کی زد میں آ گئے، جس سے وہ جھلس گئے۔ ان کی شناخت کے لیے کئی گھنٹے درکار ہوئے۔ ہلاکتوں کے اعلان کے بعد قابض فوج نے ان میں سے 6 اہلکاروں کے نام جاری کیے۔ہلاکتوں کے علاوہ منگل ہی کے روز ایک الگ واقعے میں دو اسرائیلی فوجی بھی زخمی ہوئے، جن میں سے ایک کی حالت نازک ہے۔
.ذریعہ: Islam Times
کلیدی لفظ: فوج نے
پڑھیں:
مستونگ/ کرک: آپریشن، بم دھماکہ، فائرنگ، میجر، 6 اہلکار شہید، 4 دہشتگرد ہلاک
مستونگ‘ کرک‘ اسلام آباد‘ راولپنڈی ( نمائندہ خصوصی+ خبرنٰگار خصوصی+ نوائے وقت رپورٹ+ این این آئی) خیبر پی کے میں سکیورٹی فورسز اور ایف سی کا آپریشن‘ بم دھماکے اور فائرنگ کے نتیجے میں میجر‘ 6جوان شہید اور چار دہشتگرد مارے گئے۔ خیبر پی کے ضلع کرک میں تھانہ گرگری کی حدود میں فتنہ الہندوستان کے دہشت گردوں نے ایف سی اہلکاروں کی گاڑی پر اندھا دھند فائرنگ کردی جس کے نتیجے میں 4 اہلکار شہید ہوگئے۔ ایف سی اہلکار فیلڈ سکیورٹی کی ڈیوٹی پر مامور تھے۔ بلاول بھٹو‘ گورنر خیبر پی کے‘ وفاقی وزیرداخلہ محسن نقوی نے کرک میں ایف سی اہلکاروں کی گاڑی پر فتنہ الہندوستان کے دہشتگردوں کے حملے کی مذمت کی اور جام شہادت نوش کرنے والے 3 اہلکاروں اور ڈرائیور کو خراج عقیدت پیش کیا۔ محسن نقوی نے کہا کہ لانس نائیک محمود شاہ، سپاہی شاہد، سپاہی رؤف اور ڈرائیور شاہ پور نے شہادت کا بلند رتبہ پایا۔ سکیورٹی فورسز نے بھارتی سپانسرڈ دہشتگردوں کیخلاف آپریشن کیا۔ آئی ایس پی آر کے مطابق دہشتگردوں نے مستونگ میں سکیورٹی فورسز کی گاڑی کو آئی ای ڈی سے نشانہ بنایا۔ دھماکہ میں میجر محمد رضوان سمیت تین فوجی جوان شہید ہو گئے۔ سکیورٹی شہداء میں نائیک ابن امین، لانس نائیک محمد یونس شامل ہیں۔ سکیورٹی فورسز کے کلیئرنس آپریشن میں 4 دہشتگرد مارے گئے۔ میجر محمد رضوان ایک دلیر افسر تھے۔ انہوں نے متعدد آپریشنز میں حصہ لیا۔ آئی ایس پی آر کا کہنا ہے کہ پاکستان کی سیکیورٹی فورسز بھارتی سرپرستی میں ہونے والی دہشت گردی کے مکمل خاتمے کے لیے پرعزم ہیں، اور ہمارے بہادر سپاہیوں کی ایسی قربانیاں ہمارے عزم کو مزید مضبوط بناتی ہیں۔
بی جے پی کی ہدایت پر لاکھوں ووٹروں کو ووٹ دینے کے حق سے محروم کیا جارہا ہے، پرینکا چترویدی