’مالی بدعنوانی‘ میں ملوث سابق افسر کے کرپشن سے متعلق الزامات بے بنیاد ہیں، این آئی سی وی ڈی
اشاعت کی تاریخ: 25th, June 2025 GMT
قومی ادارہ برائے امراضِ قلب (این آئی سی وی ڈی) کی انتظامیہ نے ادارے کے سابق چیف فنانشل آفیسر (سی ایف او) فیصل ستار کی جانب سے لگائے گئے الزامات کو بے بنیاد اور ذاتی مفاد پر مبنی قرار دیتے ہوئے سختی سے مسترد کر دیا ہے۔
این آئی سی وی ڈی کے ترجمان کے مطابق سابق سی ایف او نے آٹھ ماہ قبل اعلیٰ حکام کو ایک خط لکھا تھا، جس میں ادارے کے سربراہ پر الزامات عائد کیے گئے تھے۔
ترجمان کا کہنا ہے کہ اس وقت ادارے نے خط کا تفصیلی جواب بھی دیا تھا، تاہم اب اُن کا دوبارہ پرانا معاملہ میڈیا میں اچھالنا ذاتی مفادات کی عکاسی کرتا ہے۔
ادارے کا کہنا ہے کہ فیصل ستار خود غیر قانونی مالی ادائیگیوں میں ملوث پائے گئے تھے، جس پر انکوائری کمیٹی تشکیل دی گئی۔
کمیٹی کے سامنے انہوں نے مالی بے ضابطگیوں کا اعتراف کیا، جس کے بعد ادارے نے سخت ایکشن لیتے ہوئے اُنہیں رقم واپس کرنے کا حکم دیا۔
فیصل ستار نے 54 لاکھ روپے کی رقم واپس کی اور بعد ازاں اپنے عہدے سے استعفیٰ دے دیا۔
ترجمان کے مطابق خط میں ادارے کے ایگزیکٹو ڈائریکٹر پروفیسر طاہر صغیر کے خلاف لگائے گئے الزامات جھوٹ پر مبنی، انتقامی جذبے اور ذاتی رنجش کا نتیجہ ہیں۔
این آئی سی وی ڈی ایک شفاف، دیانت دار اور میرٹ پر مبنی نظام پر یقین رکھتا ہے، اور ادارے کی ساکھ کو نقصان پہنچانے کی ہر کوشش کا بھرپور جواب دیا جائے گا۔
.
ذریعہ
ذریعہ: Express News
کلیدی لفظ: سی وی ڈی
پڑھیں:
رواں مالی سال کے دوران زرعی شعبے کی شرح نمو 2.9 فیصد، رقبہ کم ہونے کے باوجود پیداوار بہتر رہی
رواں مالی سال26-2025 کے دوران زرعی شعبے کی شرح نمو 2.9 فیصد رہی اور قابل کاشت رقبہ 3.6 فیصد کم ہونے کے باوجود پیداوار بہتر رہی اور اہم فصلوں کی مجموعی پیداوار میں 0.6 فیصد اضافہ ہوا ہے۔
قومی اقتصادی سروے 26-2025 کے اہم نکات کے مطابق گندم کاشت رقبہ 4.4 فیصد اور پیداوار4.3 فیصد بڑھ کر 2 کروڑ 96 لاکھ ٹن رہی۔
مالی سال 26-2025 کے دوران چاول کی پیداوار میں 2.8 فیصد اضافہ ہوگیا، گنے کی پیداوار میں 6.2 فیصد اضافہ ہوا اور مجموعی پیداوار8 کروڑ 94 لاکھ ٹن ریکارڈ کی گئی۔
رپورٹ کے مطابق مکئی کی پیداوار میں 2.7 فیصد کمی آئی تاہم کاشت کا رقبہ گزشتہ سال کے برابر رہا، کپاس کی پیداوار میں بھی 0.5 فیصد کمی رہی اور کاشت کا رقبہ بھی 1.5 فیصد کم ہوگیا۔
دیگر فصلوں میں 2.4 فیصد نمواور پیداوار میں ریکارڈ 50.4 فیصد اضافہ ہوگیا، آلو کی پیداوار 27.6 فیصد، آم 11.6 فیصد اور کیلے کی پیداوار 30.8 فیصد بڑھ گئی۔
اسی طرح ہلدی کی پیداوار میں 25.1 فیصد مرچوں کی پیداوار میں 9.2 فیصد، کاٹن جننگ اور متفرق زرعی شعبوں کی شرح نمو صرف 0.1 فیصد رہی اور لائیو اسٹاک شعبے کی شرح نمو 3.8 فیصد رہی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ