محکمہ کھیل سے ملنے والی عزت زندگی بھر کا سرمایہ ہے:عبدالعلیم لاشاری
اشاعت کی تاریخ: 26th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسپورٹس ڈیسک) سیکریٹری اسپورٹس اینڈ یوتھ افیئرز عبدالعلیم لاشاری نے کہا ہے کہ محکمہ کھیل سے ملنے والی عزت ان کی زندگی بھر کا سرمایہ ہے،سندھ کے کھلاڑیوں کے لئے بہت کچھ کرنا چاہتا تھا لیکن اب ریٹائرہورہا ہوں،مکمل تیاری کے باوجود نیشنل گیمز کا اپنے دور میں انعقاد نہ کرنے کا افسوس رہے گا۔ان خیالات کا اظہار انہوں نے اپنے اعزاز میں محکمہ کھیل کے اسٹاف کی جانب سے سے دی گئی الوداعی تقریب سے خطاب کرتے ہوئے کیا۔اس موقع پر چیف انجینئر محمد اسلم مہر،ڈائرکٹر اسپورٹس اسد اسحاق،سید حبیب اللہ،سیکشن آفیسر علی ڈنو گوپانگ،سندھ اولمپک ایسوسی ایشن کے سیکریٹری احمد علی راجپوت،عادل دایو،پی آر او محکمہ کھیل حامد علی خان،محمدشاہد خان،یار محمد،منصور احمد،سراج الاسلام،محمد علی،معظم شیخ،تمام ڈی ای او ز اور دیگر بھی موجود تھے۔سیکریٹری اسپورٹس نے اپنے خطاب میں صوبائی وزیر کھیل سردار محمد بخش خان مہر کا شکریہ ادا کرتے ہوئے کہا کہ انہوں نے مجھے فری ہینڈ دے کر محکمہ کھیل میں کام کرنے کا موقع دیا جس پر میں ان کا بہت شکر گزار ہوں یہ ان کا مجھ پر اعتماد ہی تھا کہ ہم نے مختصر وقت میں سندھ کے اندر کھیلوں اور ایونٹس کا مستقل انعقاد کیا اور ساتھ ہی انفرا اسٹرکچر کو پہلے سے کہیں بہتر بنایا۔نیشنل گیمز کے لئے بھی ہماری تیاری مکمل تھی لیکن عین وقت پر گیمز ملتوی کر دئیے گئے اس بات کا افسوس رہے گا کہ مکمل تیاری کے باوجود نیشنل گیمز منعقد نہیں کرواسکے۔جب میں نے چارج سنبھالا تو چیزیں بے ترتیب تھیں،مجھے وقت تو لگا لیکن چیف انجینئر محمداسلم مہر کی مشاورت سے بہت جلد معاملات سنبھال لئے اور ہر چیز درست سمت میں گامزن ہو گئی۔سندھ کی تاریخ میں پہلی بار صحرائے تھر اور دریائے سندھ کے کنارے گیمز منعقد کروائے،ہماری کوشش تھی کہ سندھ کے دوردراز اور پس ماندہ علاقوں کے نوجوانوں کو بھی کھیلوں کی سہولیات اور مواقع فراہم کئے جائیں جس میں ہم نے بہت کامیابی حاصل کی۔ہم نے باہمی کاوشوں سے محکمہ کھیل کو فعال کیا اور تمام ڈی ایس او ز کے ساتھ مل کر کھیل اور کھلاڑیوں کے لئے حکمت عملی ترتیب دی۔ہم نے ایک ٹیم کی طرح کام کیا،ان کا کہنا تھا کہ سندھ میں کھیلوں کے فروغ کے لئے مجھے نا صرف اپنے اسٹاف بلکہ سندھ اولمپک ایسوسی ایشن اور دیگر تمام صوبائی اسپورٹس ایسوسی ایشنز کی بھر پور معاونت رہی جبکہ میڈیا نے بھی میرا پھر پور ساتھ دیا۔چیف انجینئر محمد اسلم مہر نے اپنے خطاب میں کہاکہ عبدالعلیم لاشاری نے سیکریٹری اسپورٹس کی حیثیت سے جو کام اپنے مختصر دور میں کیا ہے وہ دوسروں کے کئی برس کے کام پر بھاری ہے،محکمہ کھیل اور مجھ سمیت تمام اسٹاف ان کی خدمات کو فراموش نہیں کر سکتا۔ان کی خدمات آنے والے سیکریٹری اسپورٹس کے لئے چیلنج ہونگی اور انہیں ان سے زیادہ کام کرنا ہوگا۔
.
ذریعہ
ذریعہ: Jasarat News
کلیدی لفظ: سیکریٹری اسپورٹس محکمہ کھیل سندھ کے کے لئے
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار