گلشن اقبال ٹائون ،1ارب 62کروڑ 45لاکھ روپے کا بجٹ منظور
اشاعت کی تاریخ: 26th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر )گلشن اقبال ٹاؤن کونسل کا سالانہ بجٹ برائے مالی سال 2025-26 ٹاؤن کونسل اجلاس میں چیئرمین ڈاکٹر فواد احمد کی صدارت میں پیش کیا گیا، جسے تمام اراکینِ کونسل نے اتفاقِ رائے سے منظور کرلیا۔ بجٹ کا مجموعی حجم 1 ارب 62 کروڑ 45 لاکھ روپے رکھا گیا ہے۔چیئرمین ڈاکٹر فواد احمد نے بجٹ کو ترقی، شفافیت اور مشاورت کا عکاس قرار دیتے ہوئے کہا کہ سرکاری افسران اور عوامی نمائندے ایک گاڑی کے دو پہیے ہیں۔ بجٹ کی تیاری میں بین الاقوامی معیار اور زمینی حقائق کو مدنظر رکھا گیا، جبکہ شہریوں کی آراء و تجاویز کو بھی شامل کیا گیا تاکہ عوام کو بلدیاتی سطح پر زیادہ سے زیادہ سہولیات فراہم کی جا سکیں۔انہوں نے مزید کہا کہ اختلافات فطری ہیں، لیکن انہیں باہمی مشاورت سے حل کیا جانا چاہیے۔ گزشتہ مالی سال کے دوران بجٹ میں طے شدہ آمدنی کے اہداف کا 82 فیصد صرف 11 ماہ میں حاصل کرلیا گیا، جو بجٹ کی حقیقت پسندی اور مالی نظم و ضبط کا مظہر ہے۔اجلاس میں اپوزیشن لیڈر اسلم کلمتی نے کہا کہ گلشن اقبال کے تمام اراکینِ کونسل ایک خاندان کی مانند ہیں۔ منظور شدہ بجٹ میں بنیادی بلدیاتی خدمات ،صفائی و ستھرائی ،سڑکوں کی مرمت ،اسٹریٹ لائٹس کی تنصیب و بہتری ،پارکس کی بحالی ودیگر ترقیاتی منصوبوں کیلئے فنڈ رکھے گئے ہیں۔ اس موقع پر وائس چیئرمین ابراہیم صدیقی و دیگر تمام اراکین کونسل سمیت محکمہ جاتی افسران بھی موجود تھے۔
.
ذریعہ: Jasarat News
پڑھیں:
یوم اقبالؒ منایا گیا،سینٹ میں متفقہ قرارداد منظور ‘ مزار پر گارڈز کی تبدیلی
لاہور‘ اسلام آباد (این این آئی+خبر نگار ) شاعر مشرق ڈاکٹر علامہ محمد اقبال کا 148واں یوم پیدائش عقیدت و احترام سے منایا گیا ۔لاہور میںمزار اقبال پر گارڈز کی تبدیلی کی پروقار تقریب ہوئی۔ رینجرز کی جگہ پاک بحریہ کے دستے نے اعزازی گارڈ کے فرائض سنبھال لیے۔ مہمان خصوصی نیوی کمانڈر سنٹرل پنجاب ریئر ایڈمرل سہیل احمد عزمی نے رینجرز اور پاک بحریہ کے دستوں کا معائنہ کیا۔ مزار اقبال پر امیرالبحر ایڈمرل نوید اشرف، پاک بحریہ کے افسروں، سیلرز اور نیوی سویلینز نے پھولوں کی چادر چڑھائی، فاتحہ خوانی کی۔ ملکی سلامتی، بقاء اور ترقی کیلئے خصوصی دعا بھی کی گئی۔ علاوہ ازیں ملک بھر میں تقریبات، عظیم شاعر کی تحریک پاکستان اور اُمہ کیلئے خدمات کو خراج عقیدت پیش کیا گیا۔ وزیر داخلہ محسن نقوی نے مفکر پاکستان علامہ محمد اقبالؒ کو شاندار الفاظ میں خراج عقیدت پیش کرتے ہوئے اپنے پیغام میں کہا شاعر مشرق نے مسلمانان ہند میں خودی اور وقار کا جذبہ بیدار کیا، پاکستان اقبالؒ کے خواب کی تعبیر ہے۔ نوجوانوں کیلئے علامہ اقبال ؒ کے افکار مشعل راہ ہیں۔ انہوں نے کہا ہمیں اقبالؒکے اصولوں پر عمل کرتے ہوئے پاکستان کی ترقی، اتحاد اور امن کیلئے کوشاں رہنا ہو گا۔ وفاقی وزیر نے دعا کی کہ اللہ تعالیٰ ہمیں افکار اقبال پر عمل کرنے اور وطن کو ترقی کی بلندیوں تک پہنچانے کی توفیق دے۔سینٹ میں اقبال ڈے کے حوالے سے قرارداد متفقہ طور پر منظور کر لی گئی۔ قرارداد میں شاعر مشرق علامہ اقبال کو خراج عقیدت پیش کیا گیا ہے۔ سینیٹر شیری رحمن نے قرارداد ایوان میں پیش کی۔ متن میں کہا گیا ہے کہ مفکر، فلسفہ دان علامہ اقبال کو ایوان خراج تحسین پیش کرتا ہے۔ علامہ اقبال نے جدوجہد، مساوات اور برابری کا پیغام دیا۔
ہاکس بے میں ایک شخص قتل‘عزیزبھٹی سے گولی لگی خاتون کی لاش ملی