گوگل پلے اور ایپ اسٹور نے دو خطرناک ایپس پر پابندی عائد کردی
اشاعت کی تاریخ: 26th, June 2025 GMT
data-id="863a0a8" data-element_type="widget" data-widget_type="theme-post-content.default">
اسمارٹ فون صارفین کی تصاویر چرانے کے انکشاف پر دو خطرناک موبائل ایپلی کیشنز پر پابندی عائد کر دی گئی ہے۔ مذکورہ ایپس کو گوگل پلے اسٹور اور ایپل ایپ اسٹور سے ہٹا دیا گیا ہے۔
سائبر سیکیورٹی کے ماہرین نے خبردار کیا ہے کہ اس نوعیت کی کارروائیاں دیگر مشہور ایپس کے جعلی ورژنز، جیسے کہ ٹک ٹاک کی چربہ ایپس، کے ذریعے بھی کی جا سکتی ہیں۔
کیسپر اسکائی کے ماہرین کے مطابق ہمارے اسمارٹ فونز کے کیمرا رولز میں موجود سیکڑوں تصاویر اور اسکرین شاٹس — جن میں بینک اسٹیٹمنٹس، کارڈ تفصیلات، فوٹو آئی ڈی اور سیکیورٹی کوڈز شامل ہو سکتے ہیں — ہیکرز کے ہاتھ لگنے کی صورت میں سنگین خطرات پیدا ہو سکتے ہیں۔
ماہرین کا کہنا ہے کہ ان ایپس کو اسپارک کیٹ میلویئر کی نئی قسم کے ساتھ منسلک کیا گیا ہے، جو جنوری میں دریافت ہوئی تھی۔ یہ میلویئر آئی فون اور اینڈرائیڈ دونوں پلیٹ فارمز کو نشانہ بناتا ہے اور ایک خاص اوپٹیکل کریکٹر ریکگنیشن (OCR) ٹول استعمال کرتا ہے، جو ہیکرز کو صارف کے فون کی اسکرین پر موجود مواد کو پڑھنے کی صلاحیت دیتا ہے۔
ٹیک ویب سائٹ بلیپنگ کمپیوٹر کے مطابق، اگر چرائی گئی تصاویر میں حساس معلومات موجود ہوں تو انہیں بلیک میلنگ اور دیگر مجرمانہ مقاصد کے لیے بھی استعمال کیا جا سکتا ہے۔
رپورٹ کے مطابق، یہ میلویئر پھیلانے کے لیے جن پلیٹ فارمز کو استعمال کیا گیا ان میں ایپل ایپ اسٹور پر موجود کرنسی ایپ “币کوائن” اور گوگل پلے پر موجود انسٹنٹ میسجنگ ایپ “SOEX” شامل ہیں۔
قابل ذکر ہے کہ SOEX، جس میں کرپٹو کرنسی ایکسچینج کے فیچرز بھی شامل ہیں، اینڈرائیڈ کے آفیشل اسٹور سے 100 سے زائد مرتبہ ڈاؤن لوڈ کی جا چکی ہے۔
.
ذریعہ
ذریعہ: Jasarat News
پڑھیں:
ولیکا اسپتال میں ایچ آئی وی کا ایک اور کیس رپورٹ، 18 ماہ کے بچے میں بیماری کی تصدیق
فائل فوٹو۔ولیکا اسپتال کراچی میں ایچ آئی وی کا ایک اور نیا کیس رپورٹ ہوا ہے۔ اسپتال حکام کے مطابق 18 ماہ کے بچے میں ایچ آئی وی کی تصدیق ہوئی ہے۔
اسپتال حکام کے مطابق ایچ آئی وی کے تصدیق شدہ کیسز کی تعداد 95 ہوگئی ہے۔
بچے کے والد کے مطابق 18 ماہ کا عبد الصمد دسمبر 2025 میں ولیکا اسپتال میں زیر علاج تھا، مسلسل طبیعت خراب رہنے پر بچے کا ایچ آئی وی کا ٹیسٹ کروایا۔
والد کا کہنا ہے کہ ٹیسٹ کروانے پر بچے میں ایچ آئی وی کی تصدیق ہوئی۔ میرے 5 بچے ہیں، باقی بچوں کے بھی ٹیسٹ کروائیں گے۔
اسپتال حکام کے مطابق ایچ آئی وی سے اب تک 9 بچے جاں بحق ہوچکے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار