موسمی خرابی کے باعث فلائٹ آپریشن متاثر، 2 پروازیں منسوخ، 39 تاخیر کا شکار
اشاعت کی تاریخ: 26th, June 2025 GMT
ملک کے مختلف شہروں میں خراب موسم اور طوفانِ بادو باراں کے باعث فضائی آپریشن شدید متاثر ہوا ہے۔ قومی ایئرلائن پی آئی اے کی لاہور اور کراچی کی 2 اہم پروازیں منسوخ کر دی گئیں جبکہ 39 پروازیں تاخیر کا شکار ہوئیں۔
ایئرپورٹ ذرائع کے مطابق قومی ایئرلائن کی کراچی سے لاہور جانے والی پروازیں پی کے 302 اور لاہور سے کراچی کی واپسی پرواز پی کے 303 کو منسوخ کر دیا گیا ہے۔
تاخیر کا شکار پروازیںاسلام آباد: 12 پروازیں تاخیر کا شکار
لاہور: 14 پروازوں کی آمد و روانگی متاثر
کراچی: 7 پروازیں تاخیر کا شکار
استنبول سے آنے والی ترک ایئرلائن کی پرواز TK-714 کو کراچی میں اتارنے کے بعد لاہور روانہ کیا گیا۔ اسی طرح سعودی عرب کے دارالحکومت ریاض سے اسلام آباد آنے والی پرواز PF-769 کو ملتان ایئرپورٹ پر لینڈ کروایا گیا۔
بین الاقوامی پروازوں کو مشکلاتخراب موسم کے باعث شارجہ، راس الخیمہ، کولمبو، دبئی، پیرس اور دوحہ سے لاہور آنے والی پروازوں کو لینڈنگ میں مشکلات کا سامنا رہا۔
لاہور سے جدہ کی 12، ریاض کی 6 اور ابوظبی کی ایک پرواز کو روانگی میں 4، چار گھنٹے کی تاخیر ہوئی۔ اس کے علاوہ دوحہ، دبئی، ٹورنٹو اور دیگر شہروں کو جانے والی پروازیں بھی متاثر ہوئیں۔
موسم کی صورتحاللاہور، اسلام آباد اور فیصل آباد کے بعد پشاور میں بھی گرج چمک کے ساتھ موسلا دھار بارش کا سلسلہ جاری ہے، جس کی وجہ سے فضائی آپریشن میں مزید خلل پڑنے کا امکان ظاہر کیا جا رہا ہے۔
ایئرپورٹ حکام نے مسافروں کو ہدایت کی ہے کہ وہ ایئرلائنز سے اپنی پروازوں کے تازہ ترین شیڈول کی تصدیق کر لیں تاکہ کسی پریشانی سے بچا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پروازوں میں تاخیر پی آئی اے طوفان بادوباراں.
ذریعہ
ذریعہ: WE News
کلیدی لفظ: پروازوں میں تاخیر پی ا ئی اے طوفان بادوباراں تاخیر کا شکار والی پرواز
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
بھارت سے جنگ اور افغانستان میں کارروائی خارج ازامکان نہیں، وزیردفاع