ایران نے صدر آصف زرداری، میرا اور فیلڈ مارشل کا نام لے کر شکریہ ادا کیا، وزیراعظم
اشاعت کی تاریخ: 26th, June 2025 GMT
فائل فوٹو
وزیراعظم شہباز شریف نے کہا ہے کہ ایران نے صدر آصف زرداری، میرا اور فیلڈ مارشل کا نام لے کر شکریہ ادا کیا۔
وفاقی کابینہ کے اجلاس میں شریک ارکان سے گفتگو کرتے ہوئے وزیراعظم شہباز شریف نے کہا کہ ایران نے پاکستان کا کھلے دل سے شکریہ ادا کیا، پاکستان نے بھرپور اور مستقل انداز میں ایران کی حمایت کی۔
وزیر اعظم نے کہا کہ ایرانی قوم نے بڑی جرات اور بہادری کا مظاہرہ کیا، ایران نے کہا کہ بڑے باوقار طریقے سے جنگ بند ہوگی، استنبول میں آرمی چیف کی ایرانی وزیر خارجہ سے ملاقات ہوئی۔
وزیر اعظم نے کہا کہ فیلڈ مارشل سید عاصم منیر کی صلاحیتوں کے معترف ہیں، امریکی صدر نے فیلڈ مارشل کی کھلے دل سے تعریف کی۔
انہوں نے کہا کہ ایران نے اسرائیل کو اپنے دفاع میں بھرپور جواب دیا، سعودی ولی عہد سے ٹیلی فون پر خطےکی صورتحال پر گفتگو ہوئی، قطر پر حملہ ہوا تو اس پر اظہارِ تشویش کیا۔
.ذریعہ: Jang News
کلیدی لفظ: فیلڈ مارشل نے کہا کہ ایران نے
پڑھیں:
پاکستان واضح کرچکا، کسی بھی بھارتی جارحیت کا بھر پور جواب دیا جائے گا: فیلڈ مارشل
فیلڈ مارشل سید عاصم منیر نے کہا ہے کہ پاکستان واضح کرچکا ہے کہ کسی بھی بھارتی جارحیت کا بھر پور جواب دیا جائے گا۔دورہ امریکہ کے دوران پاکستانی کمیونٹی سے خطاب کرتے ہوئے فیلڈ مارشل سید عاصم منیرکا کہنا تھا کہ امریکہ میں مقیم پاکستانیوں سے خطاب میرے لیے اعزاز کی بات ہے، اوورسیز پاکستانی وقار کا سرچشمہ اور دیگر پاکستانیوں کی طرح پر جوش ہیں۔انہوں نے کہا کہ اوورسیز پاکستانی ’برین ڈرین نہیں بلکہ برین گین‘ ہیں، ناگہانی آفات کی صورت میں بھی تارکین وطن سب سے پہلے لبیک کی کال دیتے ہیں، پاکستان کی خوش حالی دنیا بھر میں بسنے والے پاکستانیوں سے وابستہ ہے، تارکین وطن کی پاکستان سے وابستگی کھلی حقیقت ہے۔فلیڈ مارشل کا کہنا تھا کہ بھارت نے خود کو ’وشوا گرو‘ بنا کر پیش کرنا چاہتا ہے ، عملی طور پر ایسا کچھ بھی نہیں، بھارتی ایجنسی ’را‘ کی دہشت گرد سرگرمیوں سے پوری دنیا کو تشویشں ہے،کینڈا میں سکھ رہنما کا قتل پاکستان میں کلبھوشن یادیو کی موجودہ مثالیں ہیں۔سید عاصم منیر نے کہا کہ بھارت نے بہانہ بنا کر پاکستان کی خود مختاری کی سنگین خلاف ورزی کی ، بھارت نے جارحیت سے معصوم شہریوں کو شہید کیا،پاکستان نے بھارت کی دوغلی پالیسی کے خلاف کامیاب سفارتی جنگ لڑی۔ان کا کہنا تھا کہ کسی بھی غلطی کی وجہ سے تصادم بہت بڑی غلطی ہو گی، بھارت کی جارحیت نے پورے خطے کو خطرناک جنگ کے دہانے پر کھڑا کیا،ٹرمپ کا مشکور ہوں جس کی اسٹریٹجک لیڈر شب نے صرف پاکستان نہیں بلکہ پوری دنیا میں جنگوں کورکوایا۔فیلڈ مارشل نے کہا کہ قائد اعظم نے کہا تھا کشمیر پاکستان کی شہ رگ ہے، مقبوضہ کشمیر بھارت کا کوئی اندرونی معاملہ نہیں بلکہ عالمی نامکمل ایجنڈا ہے، کشمیریوں کے حق خود ارادیت کی حمایت کرتے رہیں گے، مقبوصہ کشمیر پر سلامتی کونسل کی قراردادیں موجود ہیں، ان کی حمایت جاری رکھیں گے، پاکستان امن کا خواہاں اور بھارت خطے میں عدم استحکام پر بضد ہے۔سید عاصم منیر کا کہنا تھا کہ پاکستان واضح کرچکا ہے کہ کسی بھی جارحیت کا بھر پور جواب دیا جائے گا جب کہ افغانستان میں فتنہ الخوارج سمیت کئی دہشت گرد گروہ شرپسند سرگرمیوں میں ملوث ہے، ہمیں دہشت گردوں سے کوئی ہمدردی نہیں۔انہوں نے کہا کہ سوشل میڈیا طاقتور ذریعہ ابلاع بن چکا ہے، ہمارے دشمن سوشل میڈیا کے غلط استعمال سے ہمارے خلاف منفی پروپیگنڈا کررہے ہیں اور اس کے ذریعے افراتفری پھیلاتے ہیں ،جب کہ غزہ میں جاری نسل کشی بدترین المیہ ہے۔فیلڈ مارشل کا مزید کہنا تھا کہ نئی نسل کی سوچ ، تعلقات اور ترجیحات مختلف ہیں جنہیں سمجھنے کی ضرورت ہے، آئیے ہم اپنے آباؤ اجداد کی میراث کو نئے جذبے سے آ گے بڑھائیں، امریکہ میں یہ میرا دوسرا دورہ ہے جو پاک امریکہ تعلقات کی نئی جہت کی علامت ہے ، ان دوروں کا مقصد تعمیری تعلقات کو فروغ دینا ہے۔
وزیراعظم کی ہدایت پر 100 ٹن کی پہلی امدادی کھیپ فلسطین بھجوانے کی تیاری مکمل