قومی ہاکی ٹیم کی پرولیگ میں شرکت کھٹائی میں پڑگئی، پابندی کا بھی خدشہ
اشاعت کی تاریخ: 26th, June 2025 GMT
پاکستان ہاکی ٹیم کی انٹرنیشنل ہاکی فیڈریشن کی پرو ہاکی لیگ میں شرکت مالی وسائل کی کمی کے باعث کھٹائی میں پڑسکتی ہے۔
یہ بھی پڑھیں: قومی ہاکی ٹیم کے کپتان عماد بٹ نے اسپورٹس بورڈ کی دعوت مسترد کردی، وجہ کیا بنی؟
انٹرنیشنل ہاکی فیڈریشن نے پاکستان ہاکی فیڈریشن کو پرو ہاکی لیگ میں شرکت کا دعوت نامہ بھیجا ہے جس کے تحت پی ایچ ایف کو پہلا جواب جمعہ 27 جون کو دینا ہے لیکن پاکستان ہاکی فیڈریشن کی پرو لیگ میں شرکت مالی وسائل سےمشروط ہے۔
پاکستان ہاکی فیڈریشن کو قومی ٹیم کو پرو لیگ میں بھجوانے کے لیے 50 کروڑ روپے سے زائد رقم درکار ہے اور اگر اس کا انتظام نہ ہوسکا تو پاکستان کی ایونٹ میں شرکت ممکن نہیں ہوسکے گی۔
مزید برآں پرو لیگ میں شرکت کی حامی بھرلینے کے بعد ٹیم نہ بھجوانے پر پاکستان ہاکی فیڈریشن پربھاری جرمانہ حتیٰ کہ پابندی بھی عائد ہوسکتی ہے۔
پرو ہاکی لیگ میں دنیا کی ٹاپ ٹیمیں شرکت کرتی ہیں اور اس میں شرکت سے پاکستان ہاکی ٹیم کی رینکنگ میں بہتری آئے گی۔
مزید پڑھیے: ایف آئی ایچ نیشنز کپ میں شاندار کارکردگی کے بعد قومی ہاکی ٹیم وطن واپس پہنچ گئی
ماضی میں پاکستان ہاکی ٹیم نے پرو ہاکی لیگ میں شرکت نہیں کی تھی جس کی وجہ سے پاکستان کی ہاکی رینکنگ 17ویں نمبر پر چلی گئی تھی۔
دریں اثنا پاکستان سپورٹس بورڈ (پی ایس بی) کے ڈائریکٹر جنرل یاسر پیرزادہ نے پاکستان ہاکی فیڈریشن کے سیکریٹری جنرل رانا مجاہد کے ہمراہ جمعرات کو کی گئی پریس کانفرنس میں کہا کہ ہاکی قومی کھیل ہے اور اس کے فروغ کے لیے کردار ادا کر رہے ہیں تاہم ہاکی کا موازنہ کرکٹ سے نہیں کر سکتے۔
انہوں نے کہا کہ کرکٹ پر کیے جانے والے اخراجات کا کسی کھیل سے کوئی موازنہ نہیں ہے تاہم خواہش ہے کہ ہر فیڈریشن کی معاونت کریں۔
یاسر پیرزادہ نے کہا کہ ہاکی پرو لیگ کھیلنے کے لیے کثیر فنڈز کی ضرورت ہے جو اسپورٹس بورڈ کی استعداد سے زیادہ ہے لیکن ہم سے جو کچھ بھی ہوسکا وہ کریں گے۔ انہوں نے کہا کہ ہاکی فیڈریشن کی تجویز کا جائزہ لیا جائے گا۔
اس موقعے پر گفتگو کرتے ہوئے پاکستان ہاکی فیڈریشن کے سیکریٹری جنرل رانا مجاہد نے کہا کہ پاکستان نے ہاکی کا آخری ٹورنامنٹ اچھا کھیلا اور ایف آئی ایچ نیشنز ہاکی کپ میں پاکستان کی پرفارمنس تسلی بخش رہی ہے۔
انہوں نے کہا کہ کل تک ٹیم کا اعلان کیا جائے گا جو چین میں ٹورنامنٹ کھیلے گی۔
مزید پڑھیں: ایف آئی ایچ نیشنز ہاکی فائنل: نیوزی لینڈ نے پاکستان کو 2-6 سے شکست دیدی
رانا مجاہد نے کہا کہ پرو لیگ کے اخراجات بہت زیادہ ہیں جس کے لیے نجی شعبہ کے تعاون کے خواہشمند ہیں۔
انہوں نے کہا کہ پی ایچ ایف اپنی کوششیں بھی کررہا ہے اور ہم نے انٹرنیشنل ہاکی فیڈریشن کے صدر سے رابطہ کیا ہے اور تمام صورتحال پر وقت مانگا ہے کیونکہ اگر لیگ میں شرکت کی حامی بھرنے کے بعد اگر شریک نہیں ہونگے تو انٹرنیشنل ہاکی فیڈریشن پابندی بھی لگا سکتی ہے۔
سیکرٹری جنرل رانا مجاہد نے کہا کہ حکومت اور اسپورٹس بورڈ کی گائیڈ لائنز کے خلاف پاکستان ہاکی فیڈریشن کوئی کام نہیں کرے گی۔
انہوں نے توقع ظاہر کی کہ موجودہ صورتحال پر وزیراعظم محمد شہباز شریف ہماری مدد کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان اسپورٹس بورڈ قومی ہاکی ٹیم ہاکی پرو لیگ.ذریعہ: WE News
کلیدی لفظ: پاکستان اسپورٹس بورڈ قومی ہاکی ٹیم ہاکی پرو لیگ انٹرنیشنل ہاکی فیڈریشن پاکستان ہاکی فیڈریشن پرو ہاکی لیگ میں انہوں نے کہا کہ قومی ہاکی ٹیم اسپورٹس بورڈ لیگ میں شرکت فیڈریشن کی رانا مجاہد پرو لیگ ہے اور کی پرو کے لیے
پڑھیں:
اسحاق ڈار کونسل آف ہیڈز آف گورنمنٹ اجلاس میں شرکت کے لیے ماسکو روانہ
اسلام آباد:نائب وزیراعظم و وزیر خارجہ سینیٹر محمد اسحاق ڈار شنگھائی تعاون تنظیم (ایس سی او) کے کونسل آف ہیڈز آف گورنمنٹ اجلاس میں شرکت کے لئے ماسکو روانہ ہو گئے۔
دفتر خارجہ کے مطابق انہیں اس دورے کی دعوت روس کے وزیرِاعظم میخائل میشوستن نے دی۔ نائب وزیراعظم و وزیر خارجہ 17 تا 18 نومبر 2025 کو روس کے دارالحکومت ماسکو میں منعقد ہونے والے اجلاس میں پاکستان کے وفد کی قیادت کریں گے۔ اجلاس میں بیلاروس، چین، قازقستان، کرغزستان، روس، تاجکستان اور ازبکستان کے سربراہانِ حکومت، ایران کے نائب صدر، اور پاکستان و بھارت کے وزرائے خارجہ شریک ہوں گے۔
ایس سی او کے رکن ممالک کے علاوہ، منگولیا، بحرین، مصر، قطر، کویت اور ترکمانستان کے سربراہانِ حکومت، نیز دولتِ مشترکہ برائے آزاد ریاستیں ، یوریشین اکنامک یونین ، کلیکٹیو سکیورٹی ٹریٹی آرگنائزیشن اور ڈیموکریٹک سوشلسٹس آف امریکا سمیت بین الاقوامی و علاقائی تنظیموں کے سربراہان بھی اجلاس میں شرکت کریں گے۔
نائب وزیرِ اعظم اپنے خطاب میں اہم علاقائی و عالمی امور پر پاکستان کا مؤقف پیش کریں گے اور ایس سی او خطے کے فائدے کے لیے تنظیم کو مزید مضبوط بنانے کے طریقوں پر روشنی ڈالیں گے۔
واضح رہے کہ کونسل آف ہیڈز آف گورنمنٹ، ایس سی او کا دوسرا بڑا فیصلہ ساز ادارہ ہے جو اقتصادیات، مالیات، تجارت، رابطہ سازی، باہمی تجارت، سماجی و اقتصادی تعاون اور تنظیم کے بجٹ سے متعلق معاملات میں رہنمائی فراہم کرتا ہے۔ کونسل آف ہیڈز آف گورنمنٹ اجلاس میں مشترکہ اعلامیہ، بیانات اور اہم فیصلوں کی منظوری دی جاتی ہے۔
نائب وزیرِ اعظم و وزیرِ خارجہ، اجلاس کے موقع پر دیگر ایس سی او ممالک کی قیادت کے ساتھ دوطرفہ ملاقاتیں بھی کریں گے۔
دہلی کار بم دھماکہ معاملے میں کشمیر سے ایک اور ڈاکٹر کو گرفتار کیا گیا