میتوں کو بھیجنے کے لیے کچرا اٹھانے والے تابوت بھیجنے پر کے پی حکومت پر تنقید
اشاعت کی تاریخ: 27th, June 2025 GMT
دریائے سوات میں ڈوب کر جاں بحق ہونے والے افراد کی میتوں کو نکالنے کے بعد جب ان کی میتیں لانے کے لیے کچرا اٹھانے والی گاڑیاں بھیجی تو خیبرپختونخوا حکومت کو عوامی سطح پر شدید تنقید کا سامنا کرنا پڑا۔
سوشل میڈیا پر وائرل ہونے والی تصاویر اور ویڈیوز میں دیکھا جا سکتا ہے کہ جاں بحق افراد کی میتیں ایسی گاڑیوں میں لائی گئیں جو عموماً صفائی کے لیے استعمال ہوتے ہیں، جسے عوام نے انسانی وقار کی سنگین توہین قرار دیا۔ شہریوں اور سوشل میڈیا صارفین نے حکومتِ خیبرپختونخوا کو آڑے ہاتھوں لیتے ہوئے کہا کہ یہ اقدام انتظامی غفلت، بے حسی اور بے حرمتی کی بدترین مثال ہے۔
سوات انتظامیہ نے سیلاب میں جاں بحق ہونیوالوں کیلئے تابوت ٹی ایم اے کے کچرا اٹھانے والی گاڑی میں بھیجے pic.
— Muhammad Faheem (@MeFaheem) June 27, 2025
سوشل میڈیا صارفین کا کہنا ہے کہ ایکس صارف فرح لودھی خان نے لکھا کہ ’ انتہائی افسوس سے کہنا پڑتا ہے کہ زندوں کی قدر ہو یا نہیں مگر مرنے والوں کی بے حرمتی کا پورا سامان ہوتا ہے یہاں۔ نہ آبادی کے حساب سے مردہ خانے، نہ تمیز طریقے سے تجہیز و تدفین کا انتظام، اونچے نیچے، بغیر باؤنڈری کے اپنی مرضی سے بنے قبرستان۔ بندہ سوچے مریں گے تو بھی عزت نہیں۔ ‘
انتہائی افسوس سے کہنا پڑتا ہے کہ زندوں کی قدر ہو یا نہیں مگر مرنے والوں کی بے حرمتی کا پورا سامان ہوتا ہے یہاں۔ نہ آبادی کے حساب سے مردہ خانے، نہ تمیز طریقے سے تجہیز و تدفین کا انتظام، اونچے نیچے، بغیر باؤنڈری کے اپنی مرضی سے بنے قبرستان۔
بندہ سوچے مریں گے تو بھی عزت نہیں۔
— farah lodhi khan (@farah_lodhi) June 27, 2025
ایک اور صارف نے لکھا کہ آج ایک بار پھر ثابت ہوا کہ ہم پر مسلط لوگوں میں انسانیت مرچکی ہے۔
آج ایک بار پھر ثابت ہوا کہ ہم پر مسلط لوگوں میں انسانیت مر چکی ہے
— Naeem 6-0 (@Qasranibaloch78) June 27, 2025
صارف شیر افضل خان نے لکھا کہ انتہائی بے غیرتی والا کام ہے یہ اگر زمہ داروں کو سزا نہیں دی اس پر تو لعنت ہو آپ پر بھی۔ لعنت ہمارے اس ووٹ پر جو تم جیسے نا اہلوں کو دیا ہے۔
@YarMKNiazi @AliAminKhanPTI
انتہائی بے غیرتی والا کام ہے یہ
اگر زمہ داروں کو سزا نہیں دی اس پر
تو لعنت ہو آپ پر بھی۔
لعنت ہمارے اس ووٹ پر جو تم جیسے نا اہلوں کو دیا ہے۔
— Sher Afzal Khan (@afzalkhan76) June 27, 2025
واقعے پر اب تک صوبائی حکومت کی جانب سے کوئی واضح وضاحت یا معافی سامنے نہیں آئی، جس پر عوامی غصہ مزید بڑھ گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news خیبرپختونخوا حکومت دریائے سوات سوات کچرا لاشیں میونسپل کارپوریشنذریعہ: WE News
کلیدی لفظ: خیبرپختونخوا حکومت دریائے سوات سوات کچرا لاشیں میونسپل کارپوریشن کے لیے
پڑھیں:
ایبٹ آباد میں 3 بچے دریا میں بہہ گئے، 2 نعشیں برآمد، تیسرا بچہ ریسکیو
ایبٹ آباد میں حویلیاں ندی کے مقام پر طغیانی کی وجہ سے 2 بچے دریا میں بہہ گئے ۔
ریسکیو 1122 نے کارروائی کرتے ہوئے ایک بچے اور ایک بچی کی جسد خاکی کو برآمد کرکے سول ہسپتال حویلیاں منتقل کر دیا۔
بچوں کی شناخت سیف علی عمر 12 سال اور فاتحہ بی بی عمر 14 سال سے ہوئی۔
ریسکیو ٹیم کے غوطہ خوروں نے تیسری بچی کو زندہ ریسکیو کر کے سول ہسپتال حویلیاں منتقل کر دی ہے۔
یہ بھی پڑھیے: سوات میں المناک واقعہ، 17 افراد دریا میں بہہ گئے، 9 نعشیں نکال لی گئیں
اس سے قبل سوات میں دریائے سوات میں اچانک آنے والے سیلابی ریلے کے نتیجے میں 17 افراد بہہ گئے۔
ضلعی انتظامیہ سوات نے واقعے سے متعلق ابتدائی رپورٹ جاری کر دی ہے، جس کے مطابق حادثہ پشاور بائی پاس روڈ کے قریب پیش آیا۔ ڈوبنے والے افراد کا تعلق ڈسکہ اور مردان سے بتایا گیا ہے۔
رپورٹ میں بتایا گیا کہ ریسکیو 1122 اور مقامی افراد نے فوری طور پر کارروائی کرتے ہوئے 4 افراد کو بچا لیا، جبکہ 13 افراد لاپتا ہو گئے تھے، جن میں سے اب تک 9 افراد کی لاشیں نکال لی گئی ہیں۔
4 افراد کی تلاش تاحال جاری ہے اور سرچ آپریشن کا دائرہ ملاکنڈ تک پھیلا دیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی